¹ Yehoba wa ambile kwi Mosesa, amba, ² "Amba ku baantu ba Isalela ne kwaamba kwi abo amba, 'Amiiwa ne Yehoba Lesa weenu. ³ Keechi mwafwainwa kuuba biintu abya byo booba baantu mu Ijipita ne, mo mwaikelenga panyuuma. Keechi muube biintu byo booba baantu mu Kenana, ku ntaanda ko mbeena kwi mutwaala. Keechi mukaloondele bisela byaabo ne. ⁴ Malamuna ami o mwafwainwa kuuba, ne mikaambizho yo mwafwainwa kuloondela, pakuuba amba mweendenga moonka, maambo ne Yehoba Lesa weenu. ⁵ Byonkabyo mukalame malamuna ami ne mikaambizho yaami. Inge muuntu wiakookela, aye ukeekala maambo ao. Yaami Yehoba. ⁶ Keechi ukafweenye kubwiipi na muloongo obe wa kubwiipi uji mulekese ne, yaami Yehoba. ⁷ Keechi ukavuule mubiji wa bashoobe kupichila mu kuvuula mubiji wa ba inoobe; ke ba inoobe, keechi wakoonsha kuvuula mubiji waabo ine. ⁸ Keechi ukavuule mubiji wa bakazhi baba shoobe; ke mubiji wa bashoobe. ⁹ Keechi ukavuule mubiji wa nyeenga yoobe, naangwa ke nyeenga yoobe mwaana ubashoobe naangwa mwaana uba inoobe, naangwa wasemenwe mu nzuubo yoobe naangwa paleepa ne obewa. ¹⁰ Keechi ukavweetule mubiji wa mwaana wa mukazhi wa mwaanobe wa mulume naangwa mwaana wa wamukazhi wa mwaanobe wa mukazhi, maambo mulekese wabo ye mulekese obe. ¹¹ Keechi ukavweetule mubiji wa mwaana wa bashoobe ba bakazhi, wakomena mu nzuubo yaba shoobe, byoaji nyeenga yoobe. ¹² Keechi ukavweetule mubiji wa ba nyeenga ba bashoobe; ke baloongo ba bashoobe. ¹³ Keechi ukavweetule mubiji wa ba nyeenga ba ba inoobe ne, ke baloongo ba ba inoobe. ¹⁴ Keechi ukavweetule mubiji wa bakolojabo bashoobe ba balume, kino ke kubula kusolomoka bakzhi baabo; ke bashoobe nkazhi boobe. ¹⁵ Keechi ukavweetule mubiji wa mulookazhi obe; ke mukazhi wa mwaanobe; keechi wafwainwa kumuvuula ne. ¹⁶ Keechi ukavuule mubiji wa muka muloongo obe wa mulume; aye ke mubiji wa muloongo obe wa mulume. ¹⁷ Keechi ukavuule mubiji wa mwaana mukazhi ne mwaananji wa mukazhi; Kabiji keechi ukaseende mwaana wa mukazhi wa mwaananji wa mulume naangwa mwaana wa mwaananji wa mukazhi mu kuvuula mubiji waanji; ke baloongo; akyo kya bunya. ¹⁸ Keechi ukasoongole kasa wa mukazhi obe ke mukazhi obe wabubiji ne kumuvuula kasa mukazhi mutaanshi poakiji. ¹⁹ Keechi obeewa ukalamate ku mwaana mukazhi na kumona masoongola kasa akiji ku mweenzhi ne. ²⁰ Keechi mwafwainwa kuuba bukeende na muka muloongo obe ne. ke kwiitamisha obeewa mwiine mujiije jishiinda. ²¹ Keechi mupaane umo wa mubaana beenu muku mubiika mu mujilo ne, kuchiina amba mwakebatapisha kwi moloka, maambo keechi mwafwainwa kuleengesha jizhina ja Lesa buumvu ne. Amiiwa Yehoba. ²² Keechi ukalaale na mwaana mulume noobe wa mukazhi ne; akyo ke kya bunya. ²³ Keechi ukalaale na nyaama uji yeense ne kwiitamisha obeewa mwiine. Naangwa wa mukazhi kwiipana aye mwiine kwi nyaama ne kulaala naanji akyo kyo kya bunya. ²⁴ Keechi muketamishe nabino biintu naangwa na kimo ne, maambo muano onse mashiinda kyaalo kibeena kutamishiwa, byaalo byo mbeena kupaangamo ku meeso enu. ²⁵ Kyaalo kyaikele kyatamishiwa, mbeena kukabisha buubi bwaabo ne ntaanda ibalashile beene beekalamo. ²⁶ Anweeba, pakuuba, mwafwainwa kulama mikaambizho yaami ne milaye, keechi mwafwainwa kuubapo kiintu naangwa kimo kya bunya ne, naangwa basemekelwa mu Isalela naangwa beenyi bo mwiikala naabo. ²⁷ Pakuuba biino biintu bya bunya byo biintu byo baubilenga baantu mu mpuunzha kasa mukyaangye kwiiyamo, pakuuba pano ntaanda beitamisha. ²⁸ Byonkabyo jimukai kuchiina amba ntaanda yakeeya kwimilasa panyuuma yakuuba mwi itamisha byonka byo balashile baantu bajiingamo kasa mukyaangye kwiiyamo. ²⁹ Yeense ukooba biibye biintu bya bunya, baantu booba bya uno mutuundu bakebachibako kufuma ku baantu baabo. ³⁰ Byonkabyo mwafwainwa kulama mikaambizho yaami keechi mukaloondele bimo mu biibye bya bunya bya kisemwa abyo byo baubilenga kasa mukyaangye kwiiyamo, kuchiina amba mwaketamisha anweeba beene na maambo abo. Amiiwa Yehoba Lesa."'