¹ Yehoba wa ambile kwi Mosesa amba, ² "Amba kwi Alona ne baana baanji ba balume, ne ku boonse beena Isalela. Babuule Yehoba byo akaambizha; ³ Muuntu yeense wa mu Isalela wipaya n'oombe, mukooko, naangwa mbuzhi mu kaamba, naangwa waipaia kuunsa ya kaamba mukuuba amba alaambule. ⁴ Kabiji wabula kuleeta ku teente wa lusaambakeno na kupaana kitapisho kwi Yehoba ku kibelo kya ku teente walusaambakeno awa muuntu waafwa na maambo. Waichila mashi, kabiji awa muuntu wafwainwa kuchibiwako ku baantu baanji. ⁵ Mwingilo wauno mukambizho ke wakuba amba baantu bamu isalela bakalete bitapisho kwi Yehoba pakutwel mutente walusambakeno, ku n'anga mukwibitapisha kwi Yehoba no milambu,kupingakenya mukulambula bitapisho kukila kwibitapisha patooka. ⁶ N'anga ukasansa mashi peulu yakyakusokelapo kya Yehoba pakubelo kya teente walusambakeno; ukasoka mufuta pakuba amba akafumye bweema bwa wama kwi Yehoba. ⁷ Baantu keechi bafwainwa kupana kitapisho kyabo kyambuzhi kuba nkishi pakuba bino byo booba nobe ba pite.ano akekala malamuna abo amyaka mubisemi byabo byakulutwe. ⁸ Bafwainwa kwaamba kwi abo amba,'Muntu yense wamu isalela, nangwa mwenyi yebekala nanji awa upana mulambu wakusoka kwi Yehoba ⁹ kwakubula kuleta kukibelo kya teente walusambakeno nakwibilambula kwi Yehoba ne awa muuntu ukachibiwako kubaloongo banji. ¹⁰ Inge umo wa munzubo yabena isalela,nangwa inge yemwikala nanji akatome mashi,kufumyako kilungi kyami kuyewa muuntu ukatoma mashi kabiji nkamuchibako kubalongo. ¹¹ Pakuba bumi bwa nyaama buji mumash.Napana mashi anji kwi anweba naamba ekale kyakufuchilako pakitapisho kya buumi bwenu. ¹² Onkao maambo na ambile kubena isalela namba kafwako nangwa umo wafwainwa kuja mashi nangwa mwenyi yemwikala manji keechi wafwainwa kuja mashi ne. ¹³ Kabiji baantu bonse bena isalela,nangwa benyi bo mwikala nabo,bepaya nyama ne tun'onyi amba tuje,aba baantu bafwainwa kwichila mashi abyo ne kwi avweta mu maloba. ¹⁴ Maambo buumi bwabilengwa byonse buji mu mashi abyo.Onkao mambo kyokyo na ambijile ku bena isalela naamba,kechi mwafwainwa kuja mashi akilengwa kiji kyonse ne,pakuba bumi bwa kiintu kipeema kyonse buji mu mashi akyo,yense ukajako wafwainwa kupatulwako." ¹⁵ Yeense muuntu ukaja ku nyaama wafwa nangwa ye batabaula ku banyama bamunge,nangwa wa semekelwa monkamo nangwa mwenyi ye mubena kwikala nanji,wafwainwa kuchapa ne koowa mumema ukekala wabula kutokeshiwa kufikatu ne mabaanga.mino akatoshiwe. ¹⁶ Pakuba inge wabula kuchapa bivwalo byanji nangwa kovwa mubiji wanji,wafwainwa kwisendela bundenga maambo bwanji mwine.