¹ Yehoba wa ambile kwi Mosesa ne Alona, amba, ² "Buula beena Isalela, ne kwaamba kwi abo, 'Inge muuntu uji nakikola kyakusuuma kufuma kumubiji waanji, waikala ke wabula kutooka, ³ kubula kutookeshiwa kwaanji kena maambo abya kusuuma bifuuma mu mubiji waanji.Naangwa mubiji waanji ubeena ku suuma naangwa washiinka, keechi watooka ne. ⁴ Yeense mwaanya po alaala ukekala wabula kutooka , ne byoonse byoakekalapo bikekala bya bula ku tokeshiwa. ⁵ Yeense ukakwaata ku mwaanya waanji wafwainwa kuchapa bivwalo byaanji, kabiji ukekala wabula kutooka kufika ne mabaanga. ⁶ Awa yeense wiikala pa kiintu apa peekala muuntu uji nakikola kyakusuma poaikekele,awa muuntu wafwainwa kuchapa bivwalo nekowa aye mwine mu meema, kabiji ukekala wabula kutokeshiwa kufika ne mabaanga . ⁷ Awa yeense ukakwaata pa mubiji wa yeewa uji na kikola kya kusuuma wafwainwa kuchapa bivwaalo ne koowa aye mwiine mumema, kabiji ukekala wabula kutokeshiwa ku fika ne mabaanga. ⁸ Inge muuntu uji nakikola kya byoobyo kyakusuuma washipila pa mukwaabo wa tokeshiwa , kabiji awa muuntu wafwainwa kuchapa bivwalo ne koowa pamubiji waanji,kabiji ukekala wabula kutokeshiwa kufika ne mabaanga. ⁹ Nekipona kyanyama poenda awa usuuma naakyo kikekala kya bula kutokeshiwa. ¹⁰ Ne yeense ukakwata pa byoonse byajiinga muushi ya yeewa muuntu ukekala wa bula ku tokeshiwa kufika ne mabaanga, kabiji yeense ukaseenda biintu byaanji wafwinwa kuchapa bivwaalo ne koowa mu meema; ukekala wabula kutokeshiwa kufika ne mabaanga. ¹¹ Awa yeense ukakwaata muuntu wabuula koowa kumaboko pa nyuma yakukwaata wakikola kya kusuuma, wafwainwa kuchapa bivwalo ne koowa pamubiji mumeema,kabiji ukekala wabula kutokeshiwa kufika ne ma baanga. ¹² Mpuki yoonse yakubuumba aya yafwainwa kukwatako yeewa muuntu uji nakikola kyakusuuma yafwainwa kwiilala,Nebijiilo byoonse bya kichi wafwainwa kwibyoovwa mu meema. ¹³ Inge awa muuntu uji nakikola kya kusuuma, wafwainwa kubala mooba ataanu na abiji pakutookeshiwa; Kabiji wafwainwa kuchapa bivwaalo byaanji ne koowa pa mubiji waanji mu meema apita. Apa mino akatookeshiwe. ¹⁴ Pa juuba ja butaanu na asatu wafwainwa kuseenda ba ngalamwe babiji ne twaana twa tuteela ne kwibileeta kwi Yehoba pa kibelo kya teente wa lusaambakeno; Apa wafwainwa kupaana tun'oonyi kwi n'aanga. ¹⁵ N'aanga ukebipaana noobe mulaambu wa maambo ne mukwaabo noobe mulaambu wa kusooka, kabiji n'aanga ukaleenga kya kufuuchilapo kwi Yehoba na maambo a kusuuma. ¹⁶ Kabiji inge mwaana mulume witaila malume, kine wafwainwa koowa pa mubiji waanji yeense mu meema; Kabiji ukeekala wabula kutookeshiwa kufika ne mabaanga. ¹⁷ Kivwaalo kyoonse naangwa kya kiseba akya kyaichikilako malume kyafwainwa kuchapa na meema; Kikeekala kyabula kutookeshiwa kufika ne mabaanga. ¹⁸ Inge muuntu wasaambakana na wa mukazhi, kabiji aba boonse ba koowa na meema ne kwiikala babula kutookeshiwa kufika ne mabaanga a bufuku. ¹⁹ Inge mwaana mukazhi uji na kikola kya kupita mashi, kubula kutookeshiwa kwaanji kukatwaajijila pa mooba ataanu na abiji, kabiji ne yeewa ukamukwaata ukeekala ke wabula kutooka kufika ne mabaanga. ²⁰ Byoonse byo alajilepo kimye kya kubula kutookeshiwa; byoonse byo ekalapo bikeekala byabula kutookesjiwa. ²¹ Yeense ukakwaata pa mwaanya waanji wafwainwa kuchapa bivwaalo byaanji ne koowa pa mubiji aye mwiine mu meema; Awa muuntu ukeekala wabula kutokeshiwa kufika ne mabaanga. ²² Yeense ukakwaata pa byoobya byo ekalapo wafwainwa kuchapa bivwaalo byaanji ne koowa pa mubiji aye mwiine mu meema; Awa muuntu ukeekala wabula kutookeshiwa kufika ne mabaanga. ²³ Naangwatu po pa mwaanya naangwa pa kiji kyoonse kyo ekalapo, inge wikikwaata, awa muuntu ukeekala wabula kutookeshiwa kufika ne mabaanga. ²⁴ Inge yeense mwaana mulume wasaambakana naanji kabiji ne kupita mashi kwamusaambukila, ukeekala wabula kutookeshiwa pa mooba ataanu na abiji. Ne mwaanya po alajile ukeekala wabula kutookeshiwa. ²⁵ Inge mwaana mukazhi uji na kikola kya kupita mashi pa mooba avula apitaila pa mooba anji a kuilamo ku mweenzhi, naangwa inge mashi a twaajijila ne pakimye kya ku mweenzhi, mu ano onse mooba a kupita kwa mashi, ukeekala noobe ukiji mu mooba anji a ku mweenzhi. Keechi watookeshiwa ne. ²⁶ Yeense mwaanya po alaalanga pakimye kya kupita mashi ukeekalatu noobe mwaanya ye alaalapo kimye kya kumweenzhi, kabiji ne poonse po ekala, pakeekala pabula kutookeshiwa, byonka bijiitu kubula kutookeshiwa kwa pa kimye kya ku mweenzhi. ²⁷ Yeense ukakwaata pakino kya mubino ukeekala wabula kutookeshiwa; wafwainwa kuchapa bivwaalo ne koowa mu meema, kabiji ukeekala wabula kutookeshiwa kufikatu ne mabaanga. ²⁸ Mino inge watookeshiwa ku kupita mashi, apa mino akebajile mwiine mooba ataanu na abiji, panyuuma ya byoobyo ukeekala watookeshiwa. ²⁹ Pajuuba ja butaanu na asatu ukaseenda ba ngalamwe babiji naangwa twaana- twa tuteela ne kwituleeta kwi n'aanga pa kibelo kya teente wa lusaambakeno. ³⁰ N'aanga ukapaana kan'oonyi kamo noobe mulaambu wa buubi kabiji ne kakwaabo noobe mulaambu wakusooka, kabiji ukaleenga kya kufuuchilapo maambo kwi Yehoba na maambo a kikola kya kupita mashi. ³¹ Abye byo mwafwainwa kwabanya baantu beena Isalela pa kwibafumya ku mizhilulwiila yaabo, pakuuba amba bakabule kufwa ku byakubula kwitookesha kwaabo, pa kuzhilulula kyaami kya kwiikalamo, moonka mo ngikala-mukachi kaabo. ³² Auno ye muzhilo wa muuntu yeebse uji na kikola kya kupita mashi, nabino yeense mwaana mulume awa- malume anji ataika kufuma kwi aye ne kumuleengela kwiikala wabula kutookeshiwa., ³³ pakuuba mwaana mukazhi yeense uji ku mweenzhi, ne yeewa uji na kikola kya kupita mashi, naangwa wa mulume naangwa wa mukazhi, ne pa wamulume wakoonsha kulaala na mwaana mukazhi wabula kutookeshiwa."'