¹ Yehoba wa ambile kwi Mosesa, amba, ² "Auno ukeekala ke muzhilo wabaji na mbuumba pajuuba ja kutookeshiwa kwaanji. Bafwainwa kumuleeta kwi n'aanga. ³ N'aanga ukafuma mu kaampu kuya na kupesa wa mbuumba ne kumona inge mbuumba yabukwa. ⁴ Kabiji n'aanga uka kaambizha amba awa wafwainwa kutookeshiwa wafwainwa kuleeta bya buumi bibiji, ka n'oonyi, kipaaso kya kichi, ne musoombelo uchila, ne isopi. ⁵ N'aanga uka mukaambizha kwiipayapo ka n'oonyi kamo pa meema amunyaango aji mu mpuki ya kubuumba. ⁶ N'aanga utoola ka n'oonyi koomi ne kibalabala kya kichi, ne musoombelo uchila ne isopi, ne kwi biibizha abye biintu, pamo ne ka n'oonyi koomi, mu mashi a ka n'oonyi kobaipaila mu meema a munyaango. ⁷ Kabiji n'aanga uka saansa a a meema jitaanu na jibiji pa muuntu wafwainwa kutokeshiwa ku mbuumba, kabiji ne n'aanga uka mushiimuna amba watookeshiwa. Kabiji n'aanga ukaleka koomi ka katuumbukile muungye. ⁸ Awa muuntu ye babeena kutookesha wafwainwa kuchapa bivwaalo byaanji ne kuteenda nsuki yaanji, ne koowa pa mubiji mu meema, poonkapo ukatookeshiwa. Kufuma paangye ya teente pa mooba ataanu na abiji. ⁹ Pajuuba ja butaanu na abiji wafwainwa kuteenda nsuki yaanji ku mutwe, kabiji wafwainwa ne kuteenda bweevu ne nkope. Kabiji wafwainwa kuteenda ne nsuki, kabiji wafwainwa kuchapa bivwaalo byaanji ne koowa mu meema; apa mino ukeekala watookeshiwa. ¹⁰ Pajuuba ja butaanu na busatu wafwainwa kuleeta baana ba mikooko babiji babula bulema, umo mukazhi wa mwaaka umo wabula bulema, ne ma paunji jikumi na ataanu abuunga bwa laamba bwa fulaulo bwa vwaangakana bwa mulaambu wa kajo, ne botoolo umo wakichika wa maanyi. ¹¹ Awa n'aanga wa kumuwaamisha ukeemika yeewa muuntu ukeba kutookeshiwa, pamo ne biintu byaanji, ku meeso a Yehoba pakibelo kya teente wa lusaambakeno. ¹² n'aanga ukatoola mwaana mukooko wa mulume ne ku mulaambula ke mulaambu wa kuzhaatwa na maambo, pamo ne botoolo umo wakichika wa maanyi, ne kupeepeezha pe abo mulaambu wa kupeepeezha kwi Yehoba. ¹³ Wafwainwa kwiipaya mwaana mukooko mulume mu mpuunzha mo bepaila milaambu yabuubi ne kusooka milaambu, pa mpuunzha yazhila, auno mulaambu wa buubi ke wa ba n'aanga, noobe biji mulaambu wakuzhaatwa na maambo maambo ye wa zhijisha. ¹⁴ N'aanga ukatoolapo mashi pa mulaambu wa luzhaachisho ne kwi a biika kuunsa ya kutwi kwa kiluujo kwa muuntu ye basaka kutookesha, ku kyaala kya kilujo kya ku mabooko, ne ku jiina jikataampe ja ku kilujo ja ku maulu. ¹⁵ Kabiji n'aanga ukatoola maanyi mu botoolo ne kwitulwiila mu kuboko kwaanji kwa kipiko, ¹⁶ kabiji ne kutuumpa munwe waanji wa kukilujo mu maamni aji mukubooko kwaanji bimye bitaanu na bibiji kwi Yehoba. ¹⁷ N'aanga ukabiika maanyi mu kubooko kwaanji ne kwi a biika kuunsa ya kutwi kwaanji kwa kilujo kwa muuntu ukebewa kutookeshiwa, na maambo pa kyaala kya ku kilujo, ne ku jiina jikataampe ja ku kilujo ja ku maulu. Wafwainwa kubiika manyi peulu ya mashi kufuma pa mulaambu wa luzhaachisho. ¹⁸ Pa oa maanyi akwaabo ashaala mu mabooko a n'aanga, wafwainwa kwiabiika pa mutwe wa yeewa ye babeena kuwaamisha, kabiji n'aanga ukapaanga kya kufuuchilapo ku meeso a Yehoba. ¹⁹ Kabiji n'aanga ukapaana mulaambu wa buubi ne kuleenga kya kufuuchilapo kya kwa yeewa wafwainwa ku waamishiwa maambo akubula kutookeshiwa kwaanji, kufuma poopo ukepaya mulaambu wakusooka. ²⁰ Kabiji n'aanga ukapaana mulaambu wakusooka ne mulaambu wakajo pa kya kusookelapo. Kabiji n'aanga ukapaanga kya kusookelapo kya yeewa muuntu, kabiji ukatookeshiwa. ²¹ Naangwa byonkabyo, inge muuntu muyaanji wakoonsha kukankalwa kutapisha, mino wakoonsha kutoola mwaana mukooko mulume ke mulaambu wa kuzhaatwa na maambo wa kupeepeezha, pa kupaanga kya kufuuchilapo kyaanji aye mwiine, ne kya bu jikumi ne ma paunji ataanu na umo a buunga bwa laambisha bwa vwaangakana na maanyi ke mulaambu wakajo, kabiji ne botoolo umo wa maanyi, ²² pamootu ne baanga lamwe naangwa twaana twa tuteela, byonka byo a koonsha kufikizha; Ka n'oonyi kamo kakeekala mulaambu wa buubi ne kakwaabo ka mulaambu wakusooka. ²³ Pajuuba ja butaanu na busatu wafwainwa kwiibaleta ku kutookeshiwa kuba n'aanga, ku kibelo kya teente wa lusaambakeno, kwi Yehoba. ²⁴ N'aanga ukaleeta mwaana mukooko wa mulume wa mulaambu, kabiji ukeeya ne na botoolo umo wa maanyi a olivi, kabiji ukebipeepeezha ke mulaambu wa kupeepeezha kwi Yehoba. ²⁵ Kabiji n'aanga ukepaya mwaana mukooko wa mulaambu, kabiji ukatoola mashi amo a mulaambu wa lulekeelo lwa maambo ne kubiika kuunsa ya kutwi kwa kilujo kwa kwa umo wafwainwa kutookeshiwa, pa kyala kya ku kilujo kya ku kubooko kwaanji, kabiji ne jiina jikataampe ja ku kuulu. ²⁶ Kabiji n'aanga uketulwiila maanyi amo mukubooko kwaanji kwa kipiko. ²⁷ Kabiji uka saansa na munwe waanji wa kilujo maanyi a a aji kukubooko kwa ku kipiko jitaanu na jibiji kwi Yehoba. ²⁸ N'aanga ukabiika maanyi amo aji mukubooko kuunsa ya kutwi kwa kilujo kwa yeewa wafwainwa kutookeshiwa, ku kyala kya ku kilujo, ne ku kyala kya ku maulu kya ku kilujo, mpuunzha imootu poonkapo abiika mashi a mulaambu wa kuzhaatwa na maambo. ²⁹ Kabiji wafwainwa kubiika maanyi amo ashaalapo mu mabooko mu mutwe wa yeewa wafwainwa kutookeshiwa, ne kupaanga kya kufuuchilapo maambo anji kwi Yehoba. ³⁰ Wafwainwa kupaana ngalamwe umo naangwa kaana ka kateela, byonka byafwainwa muuntu ku seenda- ³¹ kamo noobe mulaambu wa buubi ne ka kwaabo noobe mulaambu wakusooka, pamo ne mulaambu wakajo n'aanga ukapaanga kya kufuuchilapo kya yeewa wafwainwa kutookeshiwa kwi Yehoba. ³² Auno ye muzhilo wa muuntu wataanwa na mbuumba, awa wakajilwa na mulaambu wafiikilamo na maambo a kutookeshiwa kwaanji." ³³ Yehoba wa ambile kwi Mosesa ne Alona, amba, ³⁴ "Byo mukafiika mu ntaanda ya Kenaana yo napaine ko muji noobe buswaanyi, kabiji inge na biikamo mbuumba aya isaambukila mu nzuubo mu ntaanda ya buswaanyi. ³⁵ Byonkabyo awa uji na nzuubo wafwainwa kwiiya ne kubuula n'aanga. Wafwainwa kwaamba amba, 'Kya mweeka kwi amiiwa noobe mbuumba mu nzuubo yaami.' ³⁶ Kabiji n'aanga ukakaambizha amba batookeshe nzuubo kasa akyaangye kutweelamo na kumona inge muji mbuumba, ko kuuba amba kafwaako muyooya-nzuubo kyobasakukalula ke kyabula kutookeshiwa. Panyuuma ya kyookyo n'aanga wafwainwa kutweela na kumona mu nzuubo. ³⁷ Kabiji wafwainwa kupesa pesa mbuumba inge moiji muyooya nzuubo ne kukibuumba, kabiji ne kumona kyoonse kyakoonsha kumweekana musoombelo wa mazhamataamba naangwa kyachiluluka amwa mwapoyaika mu bibuumba. ³⁸ Inge nzuubo uji na mbuumba, apa mino n'aanga ukalupukamo ne kushiinka kibelo kya nzuubo pa mooba ataanu na abiji. ³⁹ Kabiji n'aanga ukabweezha jikwaabo pajuuba ja butaanu na bu biji ne kupesa pesa ne kumona amba mbuumba kana yasaambukana mu bibuumba bya nzuubo. ⁴⁰ Inge moiji, apa mino n'aanga uka kaambizha amba balupule mabwe mwatanwa mbuumba ne kwi ataaya pa mpuunzha ya ndoochi paangye ya muzhi. ⁴¹ Kabiji ukakeba amba bibuumba byoonse bya mukachi ka nzuubo byafwainwa kupalaula, kabiji ne kufumyamo abya byoonse byo bapalaula paangye ya muzhi ne kwibitaaya kuuntu kwa ndoochi. ⁴² Kabiji bafwainwa kupaanga mabwe akwaabo ne kwi abiika pa mpuunzha pajiinga mabwe obafumishilemo, Kabiji bakoonsha ne kwiingijisha buchiimba bwa kataataka ne kungwiila nzuubo. ⁴³ Inge mbuumba yabweela jikwaabo mu nzuubo mo bafumya mabwe kabiji ne bibuumba bebipalaula kabiji ne kwi ishiingwila jibiji, ⁴⁴ Apa mino n'aanga ukeeya ne kutweela ne kwi ipesa pesa ne kumona inge mbuumba yasaambukana mu nzuubo. Inge ibyo, aya mbuumba niinshi poiji na buleembe, ne nzuubo keechi yatooka ne. ⁴⁵ Kabiji nzuubo yafwainwa kukuundulwa. Mabwe, mapulaanga, ne byoonse byo bashiingwijile mu nzuubo byafwainwa kwi bifumyamo mu muzhi ne kwi bitwaala ku mpuunzha ya ndoochi. ⁴⁶ Kyakubiikapo, yeense ukatweela mu nzuubo mu kimye kyo yashiinkiwa ukeekala wa ndoonchi kufikatu ne mabaanga. ⁴⁷ Muuntu yeense ukeekala paanshi muyooya nzuubo wafwainwa kuchapa bivwaalo byaanji, kabiji ne yeense wajiile muyooya nzuubo wafwainwa kuchapa bivwaalo byaanji. ⁴⁸ Inge n'aanga watweela mu nzuubo na kwi ipesa pesa amba amone kana mbuumba yakuumbana mu nzuubo ne ku bibuumba, apa mino, naangwa mbuumba yaaya, ukaamba amba nzuubo yatooka. ⁴⁹ Keepo n'aanga ukatoola tu n'oonyi tubiji ne kutookesha nzuubo, ne kipaaso kya kichi kya sida, ne musoombelo wachiluluka, ne isopi. ⁵⁰ Ukepayamo ka n'oonyi kamo pa meema a munyaango mu mutumwa wa kubuumba. ⁵¹ Ukatoola kipaaso kya kichi kya sida, ne musoombelo wachiluluka, ne ka n'oonyi koomi, ne kwibituumpa mu mashi aka n'oonyi ko baipaya mu meema a munyaango, ne kusaansa nzuubo jitaanu na jibiji. ⁵² Ukatookesha nzuubo na mashi a ka n'oonyi ne meema a munyaango, na ka n'oonyi koomi, kipaaso kya kichi kya sida, ne isopi, ne musoombelo wachiluluka. ⁵³ Mino ukaleka ka n'oonyi koomi kutuumbuka ne kufuma mu muzhi ne kuya muungyetu. Pakino wafwainwa kupaanga kya kutookeshelapo kya nzuubo, kabiji ikeekala ke yatooka. ⁵⁴ Awe ye muzhilo wa musaango yeense wa mbuumba ne biintu byoonse bileeta mbuumba, ne bya bibaabana. ⁵⁵ Kabiji mbuumba ya mubivwaalo ne ya mu nzuubo, ⁵⁶ ne ya kuviimba, ne ya bituumba, ne ya bibala bibala, ⁵⁷ kuyuukisha inge kimo kya mubino keechi kyatookeshiwa ne naangwa kyatookeshiwa. Auno ye muzhilo wa mbuumba."