¹ Yehoba wa ambile kwi Mosesa ne Alona amba, ² "Inge uji yeense uji na kiji pa kikoba kyaanji pa mubiji kya viimba naangwa kya tuumba, naangwa kibazhi, kabiji kiiya noobe mwaalo wa mbuumba pa mubiji waanji, pakuuba wafwainwa kuleetwa kwi Alona n'aanga mukataampe, naangwa ku umo mwaana n'aanga. ³ Pakuuba n'aanga ukeseka kikola kiji pa kikoba kya pa mubiji waanji. Inge booya bwa kikola kya mu mpuunzha bwa aluka butooka, kabiji inge kikola mwekelo yaakyo yamweeka noobe kyazhika kukila kikola, byonkabyo niinshi ke mbuumba. Kufuma n'aanga inge wamweeseka aye, wafwainwa kwiitwa amba watookwa. ⁴ Inge kibazhi kyaanji pa mubiji kitooka, kabiji ne mweekelo yaakyo kechi yazhika kukila kikoba ne, kabiji inge booya bwa kikola keechi bwa aluka ke butooka ne, pakuuba n'aanga ukamusuunga awa uji na kikola pa mooba ataanu na abiji. ⁵ Pajuuba ja butaanu na bubiji, n'aanga wafwainwa kumweeseka aye mukumona amba mwaalo ujitu kimootu keechi wanuungwa ne, kabiji inge keechi kyabailako ne. Kabiji keepo n'aanga ukamusuunga aye pa mooba ataanu ne akwaabo. ⁶ N'aanga ukamweeseka jikwaabo pa juuba ja butaanu na bubiji mukumona inge kikola kikijitu kabiji inge kibazhi kya mwaalo wapa kikoba. Kabiji inge ne kunuungwa ne, keepo n'aanga ukamuteela amba watookwa. Kyatuumbatu-kyafwainwa kuchapa bya kuvwaala byaanji, ukeekela ke watookwa. ⁷ Pakuuba inge kibazhi kya mutuumba pa kikoba kasa emweesha kala ku ba n'aanga na kutookwa kwaanji, wafwainwa kumweeka jikwaabo ku ba n'aanga. ⁸ N'aanga ukamweeseka inge akya kituumba inge kya mubweelela mukikoba. Inge kyatuumba, pakuuba n'aanga ukamuteela amba watooka aino ke mbuumba. ⁹ Inge mwaalo wa mbuumba uji ku uji yeense, wafwainwa kuleetwa ku ba n'aanga. ¹⁰ Ba n'aanga bakamweeseka ne kumona inge pajipo pusa pa kikoba naangwa booya kwaluka butooka, naangwa inge ujipo na kiloonda mukachi kakikoba. ¹¹ Inge po iji, keepo bakaamba amba mbuumba kabiji ne ba n'aanga baka mubijika amba uji na kikola. Keechi akafyaame ne, maambo watamishiwa kala. ¹² Inge mbuumba yalupukisha pa kikoba ne ku kuumbana mubiji yeense wa muuntu uji na mwaalo kufuma ku mutwe kufika ne ku maulu, byonkabyo kibeena kumweeka ku ba n'aanga, keepo n'aanga ukamweeseka aye mukumona inge mbuumba ya kuumbana pa mubiji yeense waanji. Inge poiji, ¹³ keepo akamuteela amba muuntu uji na kikola uji na butooke, inge byoonse bya aluka bitooka, niinshi watookwa. ¹⁴ Pakuuba inge nyaama ya mukachi yamweeka kwi aye, keechi ukeekala watookwa ne. ¹⁵ Ba n'aanga bakatala pa nyaama ya mukachi ne kumuteela amba keechi watookwa ne maambo nyaama ya mukachi keechi yatooka ne, ke mbuumba. ¹⁶ Pakuuba inge nyaama yamukachi ya aluka itooka jikwaabo, keepo muuntu wafwainwa kuya ku n'aanga. ¹⁷ N'aanga ukamweeseka aye mukumona amba inge nyaama ya aluka itooka. Inge ya aluka keepo n'aanga ukaamba amba muuntu watookeshiwa. ¹⁸ Inge muuntu uji na kasuungupote pakikoba kyaanji kabiji kaapwa, ¹⁹ kabiji ne pa puunzha ya kasuungupote bitooka naangwa mukovu, kuchiluluka-kutooka, keepo mukamweesha ku ba n'aanga. ²⁰ Ba n'aanga bakekyeseka mukumona inge kyabailako mukikoba, kabiji inge nsuki ya aluka itooka. Apa mino, keepo n'aanga ukamuteela amba keechi watookeshiwa ne. Ke mbuumba, inge kyakomenako pa mpuunzha pajiinga kasuungupote. ²¹ Pano inge n'aanga wamweeseka ne kumona kuuba amba kafwaamo nsuki itooka wmi aye, kabiji amba keechi kiji paanshi ya kikoba pakuuba kyaapwa kala, keepo n'aanga ukamushimuna aye pa juuba ja butaanu na bubiji. ²² Inge kyanuunguluka mu kikoba, keepo ba n'aanga bakamuteela amba keechi watooka ne, ke kikola kya buleembe. ²³ Pakuuba inge mukovu waikala pa mpuunzha, akyo ne kutuumbula ne, naanchi ke mukovutu wa kasuungupote, ne n'aanga wafwainwa kumuteela amba watooka. ²⁴ Inge pa kikoba kyapilwa ne nyaama ya mukachi yapilwa ikala ke mukovu-utooka naangwa kibazhi kitooka, ²⁵ keepo ba n'aanga bakekyeseka mukumona inge booya bwa aluka butooka, kabiji inge kyamweeka noobe kyazhika kukila kikoba. Inge uji naakyo, abya ke mbuumba. Yalupuka apa papilwa, ne n'aanga wafwainwa kumuteela amba keechi watooka ne. ²⁶ Pakuuba inge n'aanga wikyeeseka kabiji wataana amba kafwaamo booya butooka pa mikovu, kabiji keechi kyazhika kukila kikoba ne pakuuba kyashishiipela, keepo n'aanga ukamushimuna pa mooba ataanu na abiji. ²⁷ Pakuuba n'aanga wafwainwa kumweeseka aye pajuuba ja butaanu na bubiji. Inge kyatuumba pa kikoba, keepo n'aanga wafwainwa ku muteela amba keechi watooka ne, ke mbuumba. ²⁸ Inge kibazhi kyaikala pa mpuunzha akyo ne kubailako mukikoba ne pakuuba kasa kyatuumba, pano ke kuviimba poopa papilwa ne n'aanga wafwainwa kumuteela amba watooka, ko kuuba amba kyaikala ke kyaatu kukila mukovu wapilwa. ²⁹ Inge wamulume naangwa wa mukazhi uji na kikola kya buleembe ku mutwe waanji naangwa ku kalevu, ³⁰ keepo n'aanga wafwainwa kumweeseka muuntu uji na kikola kya buleembe mu kumona kuuba inge kyazhika kukila kikoba, inge paji buswi kiboobo, tusuki twapeela mwi aye, keepo n'aanga uka muteela amba keechi watooka ne. Kyaji kya kubabana, mbuumba ya ku mutwe naangwa ku kalevu. ³¹ Inge n'aanga wa mweeseka na kikola kibabana ne kumano amba keechi paanshi ya kikoba, kabiji inge keechi paji nsuki ifiita ne, keepo awa n'aanga ukamushiinkila awa muuntu na kikola kibabana pa mooba ataanu na abiji. ³² Pakuuba ja butaanu na bubiji n'aanga ukeseka kikola mu kumona inge kya nuunguluka. Inge keechi paji nsuki ya kiboobo ne, kabiji inge kikoba kibeena kumweeka noobe kyazhika ne. ³³ Keepo wafwainwa ku muteenda nsuuki, pakuuba pa mpuunzha yakikola keechi pafwainwa kuteendewa ne, ne n'aanga wafwainwa kumushiinkila muuntu uji na kikola kibabana pa mooba ataanu na abiji. ³⁴ Pa juuba ja butaanu na bubiji n'aanga ukeeseka kikola mukumona inge kyaleka kukuumbana kikoba. Inge kibeena kumweeka kuzhika kukila kikoba, keepo n'aanga ukamuteela amba watookwa. Muuntu yeense wafwainwa kuchapa bivwaalo byaanji, kabiji ukeekela ke watooka. ³⁵ Pakuuba inge kikola kya kubabana kya nuungulukilako mu kikoba kyaanji kasa n'aanga wa ambile amba watooka, ³⁶ keepo n'aanga ukamweeseka aye jikwaabo. Inge n'aanga keechi akakebe kumona nsuki ya kikoba. Muuntu keechi watooka ne. ³⁷ Pakuuba inge ba n'aanga bamona kikola kya kubabana keechi kyaleka kubabana ne kabiji nsuki yakomena pa mpuunzha, niinshi kikola kyabukwa. Watooka, ne n'aanga wafwainwa kumuteela amba watooka aye. ³⁸ Inge wa mulume naangwa wa mukazhi uji na kibazhi kitooka pa kikoba, ³⁹ keepo n'aanga wafwainwa kumweeseka muuntu inge bibazhi byatookoloka, ikeekalatu ke nkwaasa ya pakikoba. Watooka. ⁴⁰ Inge nsuki ya wa mulume yasebeka pa mutwe waanji, jo jibala, kasa atooka. ⁴¹ Inge nsuki ya kumutwe yasebeka, kabiji inge mutwe waanji wajibala, watooka. ⁴² Pakuuba inge paji kibazhi kyachijisha-kaliinda katooka pa jibala jaanji naangwa mukipebule, yo mbuumba yalupuka. ⁴³ Keepo n'aanga wafwainwa kumweeseka aye mukumona inge wajiinga na kikola kya kuviimba pa mpuunzha yajibala jaanji pa mutwe naangwa ku kipebule kya chiluluka-kitooka, noobe byonka bimweeka mbuumba pa jibala jaanji. ⁴⁴ Inge byokiji, abya wakwaatwa kabiji keechi watooka ne. ⁴⁵ Muuntu wakwaatwa na kikola wafwainwa kuvwaala bivwaalo byatabauka, nsuki yaanji yafwainwa kukobekwa kasa ibeena kupeepela, kabiji wafwainwa kuvweeta ku kiluungi kyaanji kufikatu ne pa moona ne kubijika amba, keechi watooka ne keechi watooka ne. ⁴⁶ Mooba onse uji na kikola kya buleembe keechi ukeekala ke watooka ne. Maambo keechi watooka ne na kikola kinuunguluka, paangye ya kaamba. ⁴⁷ Kivwaalo kyatamishiwa na mbuumba, naangwa toonge naangwa kivwaalo kya lineenyi, ⁴⁸ naangwa kiji kyoonse kya kuluka naangwa kyakupikula kufuma ku toonge naangwa ku lineenyi, naangwa kiseba naangwa kiji kyoonse kyaleengwa kukiseba- ⁴⁹ inge paji bya mazhamataamba naangwa kyachijisha kivwaalo kyakowela, kiseba, pano ke mbuumba isaambuka; yafwainwa kwi imweesha kwi n'aanga. ⁵⁰ N'aanga wafwainwa kweseka bintu bya mbuumba; kunshikila byoonse biji na mbuumba pa mooba atanu na abiji. ⁵¹ Wafwainwa kweseka mbuumba jikwabo pa juba ja butanu na jibiji. Inge kyasampukila kubivwalo nangwa kiji kyonse kyasonwa na toonge naangwa yalengwa lineni,nangwa kiseba nangwa kiji kyoonse kyaingijiwa nakiseba, ninshi ke mbuumba yabuleembe,ne bintu kechi byatooka ne. ⁵² Wafwainwa kusooka bivwalo,naangwa byoonse byakuluka naangwa kupikla kufuma ku toonge naangwa kyapaangwa na linenyi, biseba naangwa byapaangwa na biseba,kintu kyoonse kyafwainwa kutaanwa na mbuumba,byafwanwa kuleta bikola.Abya byoonse byafwainwa kusokwa. ⁵³ Inge n'aanga waeseka kintu nekumona amba mbuumba kechi yanunguluka mubivwalo ne naangwa mubintu byalukiwa naangwa kupikulwa kufuma ku toonge wa linenyi, naangwa kukiseba kyawama, ⁵⁴ keepo akebakaambizha abo kuchapa kintu mo basungijile bya mbuumba,kabiji wafwainwa kusunga pa mooba avula ataanu na abiji. ⁵⁵ Keepo n'anga ukamweseka kintu ponka pajinga mbuumba yachapilwe.Inge mbuumba kechi yakingya musoombelo ne,naangwa inge byanunguluka.Kechi watooka ne.Wafwainwa kusoka bintu,naangwa mbuumba ipatamisha. ⁵⁶ Inge n'aanga waeseka kiintu, kabiji inge mbuumba ya shishipela kasa kya chapilwe, keepo wafwainwa kutaambwilwa ne kutamishiwa kibese kufuma ku kivwaalo naangwa kufuma ku kiseba, naangwa kufuma kukulu, naangwa ku kupikula. ⁵⁷ Inge mbuumba ikimweekatu ku kivwaalo, naangwa ku kya kupikula, naangwa mukiji kyoonse kyaleengwa na kiseba, kibeena kukuumbana. Wafwainwa kusooka kiintu kiji kyoonse kiji na mbuumba. ⁵⁸ Kivwaalo naangwa kiji kyoonse kya kuluka naangwa kya kupikula kufuma ku toonge naangwa kiintu kya lineenyi, naangwa kiseba naangwa kiji kyoonse kyaleengwa na kiseba- inge wachapa kiintu ne mbuumba yaaya, keepo kiintu kyafwainwa kuchapiwa mukimye kya bubiji, kabiji kiikala ke kyatooka. ⁵⁹ Uno ke muzhilo wa pa mbuumba mukivwaalo kya toonge naangwa lineenyi, naangwa kiji kyoonse kya kuluka naangwa kya kupikula kufuma ku toonge naangwa na kiintu kya lineenyi, naangwa kiseba naangwa kiji kyoonse kileengwa na kiseba, pakuuba amba ekiteele amba kyatooka naangwa keechi kyatooka ne."