¹ Panyuuma yakuupwa bino kwajiinga kijilo kyaba Yudeya, ne Yesu watuntukile mu Yelusalema. ² Pano monkamwa mu Yelusalema kwiipi na kibeelo kya mikooko kwaji kizhiba, kyobeeta amba mu kihebelu amba betaseda, kabiji kiji na tubukonde tutanu. ³ kabiji jibumba jikatampe ja bantu babela, ba mpofu, babilema, nangwa bilema maulu balajilenga monkamwa kasa ba pembela ku tenkana kwa mema. ⁴ Maambo malaika wa Nkaambo waikijileenga mu kimye kimo kaasa atenkeenya meema ne yeense waijilengamo mutaanshi pa kusunkena meema wabukilwenga ku kikola kyanji nangwa kya byeepi. ⁵ Kabiji konkakwa kwajiinga ne muuntu umo waikajiile myaaka makuumi asaatu ne myaaka itaanu na isaatu na kikola kyanji. ⁶ Ne yesu byaomumweene sa alaala konka, ne byo ayuukile amba waikala mooba avuula biingi konkaakwa, waambile kwi aye amba, "wasaka kwi kala ke mutuntulunyi?" ⁷ Kumvwa aye wakolelwe wamukumbwile amba "mwaane, kechi nji na wakungikizha mukiizhiba inge meema asunkeena ne. Inge naiya, mukweetu wapichila kulutwe yami waikijilemo." ⁸ Ne Yesu waambile kwi aye amba, "monai, shikulai mwanya wenu, ne kweenda." ⁹ Ponkapotu muuntu wabukiilwe, kabiji washikwiile mwaanya wanji kabiji waendele. Pamo aja juuba ja sabaado. ¹⁰ Mino ba yudeya ba ambile kuyewa muuntu ye ba bukiile amba, "jino ke juuba ja sabado kechi waswishiwa ku senda mwanya ne." ¹¹ Aye wa kumbwiile amba, "Aye wandengele amiiwa kwi kala ke mutuntulu ye wangambila amiwa mba, shikulsi mwanya wenu ne kweenda.''' ¹² Ne abo ba mwipwizhe, "nganyi muuntu yenka waamba kwi obe amba, 'kishikulai ne kweenda?" ¹³ Pakuuba, awa ye babukile kechi wamuyuulile ne maambo yesu wafumineko kishinshi ne kuya, maambo kwajiinga jibuumba jikataampe mumpuzha. ¹⁴ Paluutwe kacheeche, Yesu wamutaine mu nzuubo ya zhila ya Lesa ne kwaamba kwi aye amba, "Tala, waikala ke mutuntulu! kechi ukabwezhepo kulenga maambo jibiji ne, pakuuba mba biintu byakila mu kutaama kechi bikemumwekele jibiji ne." ¹⁵ Kabiji muuntu wafumineko ne kuya mukwibabula ba Yudeya amba ye yesu wandengele amiwa kwikala mutuntuulu. ¹⁷ Pakuuba na maambo a bino bintu ba Yudeya batendekele ku mushikwa yesu, maambo aye waubile bino biintu pa juuba ja sabado. ¹⁶ Kumvwa Yesu wibakumbwile abo amba, "Bataata bengilaatu ne pano, ne amiiwa, paamo, mbena kwingila," ¹⁸ Namaambo a bino, ba Yudeya bakijishemotu ku mushilewa pepi ku keeba ke mwipaaya maambo ke namaambo a kuzhilulula juuba ja sabaado joonka ne, ne naamambo akumuteela Lesa mwine shanji, ne kwiesekanya paamo na Lesa. ¹⁹ Ne Yesu wibakumbwiile amba, "kiine kiine, mwaana kechi wakoonshankuuba kiintu aye mwiine ne, poso byonka byo amoona byuuba shanji, maambo byoonse byuuba shanji, mwaana naye uba biino biintu. ²⁰ Maambo shanji watemwa mwaana kabiji umusolwela byoonse byo oba aye, kabiji ukamusolwela biintu bikaatampe yakila yino pakuuba mba mukumyenga. ²¹ Maambo byonka bisanguula shanji baafu ne kwibaapa buumi, byonkabyo ne mwaana naaye upaana buumi ku bo aswa. ²² Maambo Lesa kechi uchiibila muuntu maambo ne, pakuuba wapaana bunchiba maambo boonse ku mwaana. ²³ Pakuuba amba boonse bamuunemeke shanji. Awa ubula kuneemeka mwaana keechi uneemeka shanji awa wamutuuma ne. ²⁴ Kine, kine, aye awa waumvwa byaambo byaami ne ku mwitaaba aye wantuuma uji na buumi bwa nyaaka kabiji kechi ukapinguulwa ne, pakuuba mu luufu wapitamo kala waya ku buumi. ²⁵ Kine, kine, amiwa nemwaambila naamba kimye kibaana kwiya, kabiji kyo kino, po bakomvwa baafu jiiwi ja nwaana Lesa, ne abo bakomvwa bakekaala ke bomi. ²⁶ Maambo shanji mwiine byoonka byoaji na buumi mwi aye mwiine, byo byo ne mwaana naye ekale na buumi mwi mwiine. ²⁷ Kabiji shanji wapaana luusa lwa kuchiiba maambo maambo ye mwaana muuntu. ²⁸ Kange mukuumye namaambo a kino ne, maambo kukekala kimye kikeya kya kuuba amba boonse baji mu bilende bakomvwa jiino jiwi. ²⁹ Kabiji bakalupuukamo, aba baubilenga byawaama kulusaanguko lwa buumi bwa myaaka, kabiji ne boba baubilenga byataama ku lusanguuko lwa kije. ³⁰ Amiwa kechi nakoonsha kuuba kintu kufuuma kwi amiwa mwiine ne, moonka monguvwina, amiiwa nchiba maambo, kabiji ne bunchiba maambo bwaami bo bwa bololooke maambo kechi nkeba kya ku muchiima wami amiwa mwiine poso kya kumuchiima kya yewa wantuumine amiwa. ³¹ Inge neshimwina amiwa mwiine, lushimuuno lwaami kechi lwakonsha kwikaala lwa kishiinka ne. ³² Koaji mukwaabo ushiimuna amiwa, kabiji nayuuka naamba lushimuno lo ashimuuna namaambo aa amiwa lo lwa kine. ³³ Anweeba mwantumine kwi Yoano, aye washimwine bya kine. ³⁴ Pakuuba lushimuuno lo ntambuula kechi lufuuma ku muuntu ne. Amiwa naamba bino biintu naamba mupuluuke. ³⁵ Yoano wajinga lampi watemenenga ne kuuba kyeeya, anweeba mwaswile kusekela mu kyeya kyanji mu kimye kimo. ³⁶ Byonkabyo lushimuuno lo nji nalo amiwa lwakila mukuubaya kukila lwa kwa Yoano, maambo mingiilo yo bampa ba taata amba mpwishe, yonka mingiilo yo nguuba, nshimuuna amiwa amba taata wantuuma. ³⁷ Ne aye taata yenka wantuuma amiwa naye ushimuuna amiwa. Anweeba mu kyangye kumvwapo kaala jiwi jaanji nangwa kumumonaapo kala ne. ³⁸ Kabiji maambo abo kechi aikala mwi anweeba ne, maambo kechi mwa mwitabila aye ye bantuma ne. ³⁹ Kabiji anweeba mukebakebamubinembelo maambo mulanguluka amba mwiabyo muji na buumi bwa myaaka, kabiji byonka bino binembelo bimo bishimuna amiwa. ⁴⁰ Kabiji anweeba kechi mwaswa kwiya kwi amiiwa amba mumoone buumi ne. ⁴¹ Amiwa keechi ntaambula buneme ku baantu, ⁴² pakuuba amiwa ngyuuka namba kechi mujinna butemwe bwa Lesa mwi anweba beene ne. ⁴³ Amiwa naiya mu jizhiina ja ba taata, kabiji kechi mwataambula ne, inge mukwaabo waiya mujizhina janji mwiine mukamutaambula. ⁴⁴ Mwakoonsha kwitaabila byepi, byo mwaswa buneme bwa kwinemeka bufuuma kwi anwe beene ne kukonhsa kukeba buneeme bufuuma kwi yenka Lesa ne?