¹ Pano lukeelo pa juuba jitaanshi ja muluungu, sa pa kifiita, Maliya Magadalena waishile na kumona kileende kabiiji aye wamweene jiibwe bejalumunako ku kileende. ² Byonkabyo wanyemene ne kwiiya kwi Shimona Petelo ne ku bakwaabo baana ba bwaanga abo Yesu bo a temenwe, kabiiji aye wibaambijile amba, "Nkaambo ba mufuumyamo mu kileende, kabiiji keechi twayuuka ko ba muzhiika ne." ³ Poonkapo Petelo ne baana ba bwaanga bakwaabo baile, kabiiji bailenga ku kileende. ⁴ Boonse ba nyeemene pamo, kabiiji ne baana ba bwaanga bakwaabo bataangijileko lubilo kulutwe ya kwa Petelo ne kufiika bukiji ku kileende pataanshi. ⁵ Ne byo aimeene, aye wamweene kisapi kya lineni sa kiji poonka, mino aye keechi waile mukachi ne. ⁶ Shimona Petelo keepo a fikile panyuuma yaanji kabiiji watweelele mu kileende. aye wamweene kisapi kya lineni poonka ⁷ ne kisapi kyajiinga ku muutwe waanji. Akyo keechi kyajiinga pamo na kya lineni ne mino kivuungijile mu mpuunzha akyo kine. ⁸ Keepo mwaana wa bwaanga, awa wafikile ku kileende pataanshi, naaye watweleele mukachi kabiiji waitabijile. ⁹ Pakuuba kufiika ne kyookya kimye keechi wayuukile kineembelo amba aye wafwainwa kubuuka kufuuma mu baafwa. ¹⁰ Byonkabyo baana ba bwaanga bweelele jibiji ku muzhi. ¹¹ Mino Maliya waimeene paangye sa ajiila. Byo a jijile, wakuunkulukijile mukileende. ¹² Aye wamweene ba malaika babiji mubivwaalo bitooka sa baikala, umo ku mutwe, kabiiji umo ku maulu pa lajile mubiji wa Yesu. ¹³ Ba mwaambijile amba, "ineetu, mwaambo ka kyo mubeena kujijila?" Aye wibaambijile amba, "Maambo baseenda Nkaambo yaami, kabiiji amiiwa keechi nayuuka ko ba mutuula ne." ¹⁴ Byo a ambile bino, wa alulukile kabiiji wamweene Yesu sa aimana, mino aye keechi wayuukile wajiinga Yesu ne. ¹⁵ Yesu wa ambile kwi aye amba, "Ineetu, maambo ka o ubeena kujila? Ng'anyi ye ubeena kusaka?" Aye walaangulukile amba wajiinga mwiina mpooka, byonkabyo wa ambile kwi aye amba, "Mwaane, inge mwamufumwamo, mbuulai ko mwa mutuula, ne amiiwa nsa kumuseende." ¹⁶ Yesu wa ambile kwi aye amba, "Maliya." Ne aye wa alulukile ne kwaamba kwi aye mu ki Alamaika amba, Labooni" (ko kwaamba mba"Mufuunjishi"). ¹⁷ Yesu wa mwaambijile amba, "Ku nkwaata ne, Pakuuba amiiwa keechi nakiiya kwiulu ku ba Taata ne mino yaanga ku baloongo baami ne kwi baambila amba amiiwa nkaya kwiulu ku ba Taata kabiiji ne Sheenu, kabiiji Lesa waami kabiiji Lesa weenu." ¹⁸ Maliya Magadaleni waishile ne kubula baana ba bwaanga amba, "Amiiwa na mumona Nkambo," kabiiji amba aye wa ambile bino biintu kwi aye. ¹⁹ Mabaanga a jooja juuba, juuba jitaanshi ja muuungu, biinzhilo sa bebikoma mwajiinga baana ba bwaanga na maambo a kuchiina ba Yudea, Yesu waishile kabiiji waimeene mukaachi kaabo ne kwaamba kwi abo amba, "Muteende ekale kwi anweeba." ²⁰ Panyuuma ya kwaamba bino, aye wi bamweesheshe mabooko anji ne mu mbaavu yaanji. Baana ba bwaanga ba saangalele byo ba mweene Nkambo. ²¹ Yesu keepo wa ambile jibiji kwi abo amba, "Muteende kwi anweeba. Byonka bya ntuma ba Taata, ne amiiwa mbeena kwi mutuma anweeba." ²² Yesu byo a ambile bino, aye wiba pemejile ne kwi baambila amba, "Taambulai Mupashi Wazhila. ²³ Awa yeense ye mukalekela maambo, aka lekelwa; awa yeense ye mukabula kulekela, keechi ukalekelwa ne." ²⁴ Tomasi, umo wa mu bajikumi ne babiji, wuteelwa amba Didimusa, keechi wajiinga naabo Yesu byo aishile ne. ²⁵ Baana ba bwaanga bakwaabo ba mwaaambijile kimye kikwaabo amba, "Atweeba twamona Nkambo." Aye wibaambijile amba, "Amiiwa nangwa mmone mu mabooko anji mwatwelele misomali, ne kubiika munwe waami mwatwelele misomali, kabiiji ne kubiika kubooko kwaami mukachi, keechi nsa kuswa ne." ²⁶ Panyuuma ya mooba atanu na asatu baana baanji ba bwaanga bajiinga mukachi jikwaabo, kabiiji ne Tomasi wajiinga naabo. Yesu waishile biinzhilo sa biji bya kushiinka, kabiiji waimene mukaachi kaabo, ne kwaamba amba, "Muteende kwi anweeba." ²⁷ Keepo wa ambile kwi Tomasi amba, "kwaata muumwe na munwe oobe ne kumona mabooko ami. Fiika kuno na kubooko koobe ne kwi kubiika mukachi. Kwiikala wa luzhinauko ne, mino itabila." ²⁸ Tomasi wakuumbwile ne kwaamba kwi aye amba, "Nkambo yaami kabiiji Lesa waami." ²⁹ Yesu wa mwaambijile amba, "Maambo wamona amiiwa, waitaba. Batookwa aba babula kumona amiiwa, kabiiji baitabila." ³⁰ Pano Yesu waubile biyuukilo bikwaabo kuneeso a baana ba bwaanga, biyuukilo abya byanulwa kuneembwa mu uno buuku, ³¹ mino abye byaneembwa byonkabyo amba mukoonshe kwiitabila amba Yesu ye Kilishitu, mwaana Lesa kabiiji byonkabyo amba kwiitabila, mukakoonsha na bumi mu jizhina jaanji.