¹ panyuma yabino bintu, Yesu wimwesheshe mwine jibiji ku baana baji babwanga ku kizhiba kya Tibeliasa.Abino byobyo amwesheshe aye mwine. ² shimona petelo bajinga pamo ne Tomase yabateele amba Didimasa,ne Natanela waku muzhi wa kena wa mu Ngalilea, ne baana ba Zebede,ne baana banji ba bwaanga babiji bakwabo. ³ Shimona Petelo wibaambijile amba,''amiwa naya mu masabi.'' ne abo bamwambijile aye amba ,''neatweba,tu, tusakuya nenu.'' Bayile ne nekukajila mu bwato,mino abwa bufuuku bonse kechi bakwachile nangwa kintu ne. ⁴ Kabiji, byokyajinga lukelo, Yesu waimene kukitulu, bino baana banji babwaanga kechi bayuukele amba ye Yesu ne. ⁵ Ponkapo Yesu wibaambijile amba, "anweba baana bacheche, muji na biji byonse byakuja nyi?" abo bamukumbwiile amba, "inee". ⁶ Ne aye wibaambijile amba, "tayayi bukonde bwenu ku kilujo kwa bwaato,kabiji musakutanamo bimo."ponkapo abo batailepo bukonde bwabo kabiji kechi bakonsheshe nekwibwaabulapo ne na maambo akuvuula kwa masabi. ⁷ kabiji awa mwaana wabwaanga ye atemenwe Yesu wamwambijile Petelo amba,'' ye Nkaambo .'' ponkapo Petelo pakumvwa amba ye Nkaambo ,waavwajile mukangyo wanji maambo kechi wavwajile ne,kabiji ne kwitaaya aye mwine pa kizhiba . ⁸ Ne baana babwaanga bakwabo baishile mu bwaato pakuuba kechi bajinga kwalepa na kukitulu ne,pajinga misinso yama yubiki bitota bibiji ,kasa bakooka bukonde bwayujile masabi. ⁹ kimye kyo batuntuukile ku kyokya kyalo, bamweene makala a mujilo ne masabi kasa aji ponka ,ne shinkwapo. ¹⁰ Ne Yesu wibaambijile abo amba, ''letayipo masabi amo omwakwata.'' ¹¹ shimona Petelo wayile nakukokela bukonde kungye,ayuula masabi akatampe ;kitota kimo ne makumi atanu ne masabipo asatu onse pamo ,kabiji nangwa avvuujile byokabyo, bukonde kechi bwaachibikile ne. ¹² Yesu wibaambijile abo amba, ''iyayi muje kajo ka luukelo.'' mu baana baji babwaanga kechi pajinga nangwa umo waeseke ku mwipuzha amba. ''yenu baanyi?ne " bayuukile amba ye Nkaambo. ¹³ Yesu waishile,washikwile shinkwa, kabiji wibapele ne jisabi pamo. ¹⁴ Akino kyajinga kimye kyabusatu kyo emwesheshe Yesu ku baana baji babwaanga palutwe yakusanguka ku bafu. ¹⁵ Byo bapwishishe kuja kajoo ka lukelo, Yesu wamwambijile shimona Petelo amba, '' Shimona mwaana wakwa Yoano, nachi watemwa amiwa kukila byonse bye nyi?'' petelo wamukumbwile aye amba, '' Ee Nkaambo, mwayuuka amba nakutemwa.'' Yesu waamwambijile aye amba, ''jishainga mikoko yami.'' ¹⁶ Aye waamwambijile nejikwabo jabubiji amba,''Shimona mwaana wakwa Yoano, nachi watemwa nyi?''Ne Petelo waamukumbwile aye amba,'' Ee Nkaambo, anweba mwayuka amba nemitemwa.'' Yesu wamwambijile aye amba, ufungilenga mikoko yami.'' ¹⁷ Kabiji aye wamwipwizhe jabusatu amba, ''Shimona mwaana wakwa Yoano, watemwa amiwa nyi?" Petelo kyamubile bulanda maambo Yesu wamwambijile aye jabusatu , '' Amba watemwa amiwa nyi?'' Ne aye wamwambijile aye amba , '' Nkaambo, anweba mwibiyuka bino, mwayuka amba nemitemwa''. Yesu wamwambijile aye amba, ''kajishe mikoko yami. ¹⁸ kine, kine nemwambila namba, kimye kyo mwajinga banyike, mwivwikilenga ne kuya komwasakilenga anwe bene, mino byo mwakotele, mukatanyika maboko enu, kabiji ne mukwabo uke muvwika ne kwimitwala komu kabula kusaka kuya.'' ¹⁹ Pano Yesu waambile bino mukutongola musango wa lufu lwa kwa Petelo lo aka tumbijikilamo Lesa. pakupwisha kwaamba bino,wamwaambijile Petelo amba, ''Ndondelayi amiwa.'' ²⁰ Ponkapo Petelo waalulukile kabiji ne kumona mwaana wa bwaanga yeba temweshe kwi Yesu kasa eba londela, Ne yewa umo washakamijilemu kyaji kukijilo nekwaamba amba, '' Nkaambo, anyi ukemwalukilamo anweba?'' ²¹ Petelo wamumwene kabiji wamwambijile Yesu amba, ''Nkaambo, nga uno muuntu ukoba kika? ²² Yesu wamwambijile aye amba, ''Inge nasaka namba ekale poso nkeye, nachi o maambo enu nyi? Ndondelayi amiwa." ²³ Ne ano maambo akumbene mu baloongo , amba awa mwaana wabwaanga kechi afwee ne.bino Yesu kechi wamwambijile Petelo amba awa mukwabo mwaana wabwanga kechi ukafwa ne, mino, inge nasaka namba ekale poso nkeye, nanchi o maambo enu nyi?" ²⁴ Uno ye yewa mwaana wabwanga washimwine pa bino bintu, kabiji yewibinembele bino bintu, kabiji twayuuka kuba amba lushimuno lwaji lwa kiine. ²⁵ Kobiji bintu bikwabo byavuula byaubile Yesu. inge anembelwe onse , nalanguluka namba, ne pano pantanda inge pabula ne pa kutula ano mabuuku anembelwe.