¹ Byo kwashajile moba atanu na jimo kufika ku kijilo kya lupitailo, Yesu waishile ku Betani, kwajinga lazalas, Yenka ye asangwile yesu mu bafu. ² Kepo bamutekeke ne kuja kwa mabanga konkakwa, ne mata wajinga nakunengezha, kabiji lazalasa wajinga umo paboba bo aikajile nabo panshi ku tebulu imo ne yesu. ³ Ponkapo Maliya washinkwile paunji umo wa maanyi a nada a lupota lwanemesha, washingile mauulu a Yesu, ne kumushiimuna ku mauulu na nsuki yanji. Ne nzubo yayujiile na bweema bwa manyi. ⁴ Yudasa isakaliota, umo pa baana banji ba bwaaanga, ye umo wasakiile kumusolola, waambile. ⁵ "Maambo ka ano manyi kyo abujilwe kupotwa na mali bitota bisatu ne kupaana ku baaalanda?" ⁶ Byo aambile bino, kechi na maambo a kutesha muchima ku balanda ne, mino wajinga ngivi. wajinga na kufutuuka wa mali mo aaibilenga byo babikilemo. ⁷ Yesu waambile amba, "muswishai awa mwaanamukazhi kusuunga abya byonse poso juba ja kuzhikwa kwami. ⁸ Maambo balaanda mukekaala nabo myaaka. pakuuba amiwa kechi nji nenu myaaka ne." ⁹ Ne jibuumba jikataampe ja Bayudeya bafunjile amba Yesu uji kokwa, kabiji baishile, bino kechi baendejile Yesu yenka ne, kabiji amba, bamone Lazalasa, Awa ye basangwile kwi Yesu mu bafu. ¹⁰ Ne banganga bakataampe baumvwangene bonse amba bamwiipaye na Lazalasa; ¹¹ Pakuuba na maambo a aye Bayudea bavuula bafuumineko ne kumwitaabila Yesu. ¹² Pajuba jalondejilepo jibuumba jikataampe jaishiile ku kijiilo. Byo baumvwine amba Yesu ubenakwiya ku Yelusalema. ¹³ Bashiikwile mabula a mapamba ke baye ne kuya nakumutatandaila kasa babijika amba, Hosaana! atotwe awa wiya mu jizhina ja Nkaambo, mfuumu wa Isalelela." ¹⁴ Yesu waataine kaana ka mbongolo kabiji waikajile ponka; byo kyanembelwa, ¹⁵ Kumvwa moyo ne, mwaana Ziona; tala mfumu wobe awa wiya, waaikala pa mwaana mbongoolo." ¹⁶ Baana banji babwaanga kechi bebyumvwishishe abino bintu pataanshi ne; pakuuba Yesu byo atumbijikilwe, balanguluukile amba abino bintu bebilembele pe aye ne mo bamubile bibye. ¹⁷ Ne aja jibuumba ja swiile amba jajiinga nanji byo aichile Lazalasa mu kilende ne kumuusangula mu baafu. ¹⁸ Pa onka ano maambo jibuumba jaile nakumutana, maambo baumvwine byo aubile kino kiyukilo. ¹⁹ Kabiji Bafaliseo baambangene bene na bene, 'Talai, kechi mwakonsha kuba biji byonse ne; talai ne yalo kyonse ke kimulondele." ²⁰ Kabiji kwajiinga ne bamo Bangiliiki mu boba baishiile ku kijilo na kupopwela. ²¹ Kabiji baishiile kuji Filipai, wafumine ku Beteseda wa mu Ngaliileya, ne kumwipuzh, 'Mwane, twasaka kumona Yesu. ²² Filipai, waile nakuubula Andeleo; Andeleo waile na Filipa, ne kumubula Yesu. ²³ Yesu wibakuumbwile amba, "Juba jafika ja kutumbijika kwa mwaana muuntu. ²⁴ Kine, kine nemwambila namba, kana lukuunwa wa wichi waponeena mu mushiji wa panshi ne kufwa, washalatu bunke bwanji; pakuuba inge wafwa, upanga bipangwa byhavuula. ²⁵ Awa watema mweo wanji ukamuutaya; pakuuba awa wapaata mweo wanji pano pantaanda ukamulaama neku bumi wamyaaka. ²⁶ Inge yense wangingijila amiwa, lekai andondele amiwa; kabiji akwa ko nji, ne wa mwingilo wami ukekala konka. kabiji yense usakungingijila amiwa, basaakumunemeka ku ba taata. ²⁷ Pano muchima wami kwikala bulongo ne nanchi sakuba byepi? 'Taata, mpulushai pa kino kimye? na maambo a kino naishile pa kimye. ²⁸ Taata, tumbijikai jizhina jenu." kabiji jiwi jaishile ku fuuma mwiuulu amba, "Nejitumbijika kala kabiji nkejitumbijika ne jikwabo." ²⁹ Ponkapo jibumba jaimene kwipi ne kumvwa amba waluluma. Bakwabo baambile amba, Malaika waamba nanji." ³⁰ Yesu wakuumbwile amba, "Jino jiwi kechi jaishile kwi amiwa ne, mino kwi obe. ³¹ Pano ke kupingulwa kwa panopantanda: pano mfumu wa pano pantanda ukapangwa. ³² Kabiji inge banyamuna peulu kufuuma panopantanda, nkakokela bonse ko nji ami mwine." ³³ Aye waambile kino maambo a kutongola musango wa lufu lo akafwa. ³⁴ Ne jibuumba jamukumbwile amba, "Atweba twaumvwa mu buuku wa mizhilo amba kilishitu ukekaala myaaka. Nanchi mwakonsha kwamba byepi amba; 'mwaana muuntu bakonsha byepi kumunyamuna peulu? Nanchi uno mwaana muuntu ye nganyi?" ³⁵ Yesu waambile kwi abo amba, "mino musakwikala na kyeya pa ka kimye kacheche. Endai samukiji na kyeya, pakuuba mfishi ibule kupita obewa. Awa wenda mu mfishi kechi uyuuka neko anakuya ne. ³⁶ Ponkaapo po mukiji na kyeya, itabilai kyeya mwikale baana ba kyeya," Yesu byo aambile bino wafumineko ne kufyama wibafyamine. ³⁷ Nangwa waaubile biyukilo byavuula, kechi bamwiitabile ne. ³⁸ Amba byambo bya ngauzhi wa Lesa Isaya bifikizhiwe byo aambile amba: "Nkaambo, nganyi waitaba kusapwila kwetu, kabiji kuboko kwa Nkaambo kwamweka kwi nganyi?" ³⁹ Onkao ano maambo kuba baitabila ne, maambo Isaya naye waambile, ⁴⁰ "Aye wibapofwile menso abo, ne kukokesha michima yabo; kuchina amba bakeya kumona na menso abo ne kumvwisha na michima yabo, kwaluluka, kabiji amiwa nkebabuka." ⁴¹ Isaya waambile bino maambo aye wamweene lukumo lwa Yesu ne kwaamba ko aji. ⁴² Kabiji nangwa byonkabyo, mu bakulumpe bene bamo bavuula bamwitabile Yesu; pakuuba maambo a Bafaliseo, kechi besolwele ne kuchina bakebapanga mu shiinagoga. ⁴³ Kabiji batemenwe lukumo lwa ku baantu kukila lukumo lwa kwi Lesa. ⁴⁴ Yesu wajijile ne kwaamba amba, "Awa wangitabila amiwa, kechi waitabilatu amiwa ne wamwitabila ne aye wantumine, ⁴⁵ Ne aye umona amiwa umona ne wantumine amiwa. ⁴⁶ Naiya nobe kyeya kya panopantanda, naamba awa ukangitabila amiwa kechi ukekala mu mfishi ne. ⁴⁷ Inge muuntu kumvwa byambo byami ne kwibilama ne, amiwa kechi naishile kuzhachisha aye ne; kabiji naiya nakuzhatisha ba panopantanda, mino nakupulusha ntanda. ⁴⁸ Awa ukankana amiwa ne ku taambula byambo byami ne, ye uji na wa kumuzhachisha. maambo o akamuzhachishisha mu juba jikapelako. ⁴⁹ Ne pakuuba kechi neambile ami mwine ne, Bataata bo bantumine amiwa, ne kumpa mukambizho amba nkaambe ne kulumbulula. ⁵⁰ Kabiji nayuuka mukaambizho wabo bo bumi bwa myaaka, byonkabyo bintu byo ngamba namba, byonkabya bintu byangabijile bataata."