¹ Pano naangwa lulayaang'ano lutaanshi ne mwakwiingijila kwa bupoopweshi kabiji ne nzuubo yaayo yazhila ya pa ntaanda. ² Pakuuba teente walusaambakeno ba muneengezhe. Kiibaamba kitaanshi, amo mwajiinga kyakutuulapo laampi, teebulu wa bataanwapo, ne shiinkwa wa babulwapo, beitelele amba mpuunzha yazhila ³ Panyuuma ya kipembe kya bubiji kwajinga muputule mukwabo monka mutente, mwaichilwe amba Mwazhijisha. ⁴ Mwajinga bya kusokelapo bya kufutumuna kya ngoloode. Kabiji mwajinga ne jikwachi wa lulayangano jo ba bumbilepo ngolode ponse ponse. Mukachi kajo mwajinga ne kapuki ka ngolode kokajingamo ne maana, ne kamaana ka Alona konka kasapukile, ne maselechi a lulayangano. ⁵ Peulu ya jikwachi ja lulayangano, ba kelubi balukumo saka banyengamina pa kyaku fuchilapo maambo, akyo pano kyo twakonsha kubuula kwamba mumisabiko. ⁶ Panyuma ya kupekanya bino bintu bintu, banganga, jonse batwelele mu muputule wapangye wa tente mu kwingila mingilo yabo. ⁷ Bino kanaatu nganga mukataampe yewa twelelenga mu muputule wabubiji, jimo pa mwaka pa mwaka, kabiji kechi pakubula mashi oa lambwilenga pa maambo a bya kuluba bya bundenga maambo bwa baantu. ⁸ Aye mupashi wazhila witumwesheshe amba byo akijilepo awa tente mutanshi, Jishinda ja kutwela mwazhila jikyangye kusololwa. ⁹ Kino kyajinga kifwanyikizho kya kimye kyotujipo. Byonse milambu ne bitapisho abya byo babena kutambulwa pano kechi byakonsha kuwamisha milangwe ya mupopweshi ne. ¹⁰ Bya ilatu mubyakuja ne byakutoma ne byamisango ne misango byakwiovwa, byatongwejilwe mubiji kukatu ne pakimye kya bingi kipya kikafike. ¹¹ Kilishitu waishiletu nobe nganga mukatampe wa byawama bintu abya byaiya. Aye wapichile mu tente wakila mukuwama ne kulumbulula awa wabujile kulengwa na maboko abantu ,umo wabulwa paino ntaanda yalwengwa. ¹² Kechi kyajinga na mashi abumbuzhi ne ba ngondo ne,bino na mashi aji aye mwine aa,oatwelejile mukachi mwine mwazhila jimo jonka byo etumwejile bukuzhi bwetu bwa myaka . ¹³ Mambo inge mashi abambuzhi ne angombe balumene nekusansa buto bwangombe mukazhi pa kwibisansa pa bazhilulula mizhilo bibazhijike keba tooka pa mibiji , ¹⁴ Nachi keakakizhipo mashi a kilishitu, yenka wilambwile mwine kwi Lesa mu mupashi wa myaka saka abula bulume kechi akakijishemo kwimutokesha milangwe yenu ku mingilo yafwa amba mumwingijile Lesa muumi nenyi? ¹⁵ Na mambo akino ,aye ye ngambi walulayangano lupya. Kino kiji byonkabyo amba , lufu lwamweka lwa kwibakula ku mizhilulwila yo bazhilulwile mululayangano lutashi,abo baitwa batambule bonkabwa buswanyi myaaka bwalailwe. ¹⁶ Maambo kuji mulaye wa mfumu, lufu lwa yewa wa mulaile lwa fwainwa kuyukanyikwa ku bonse. ¹⁷ Maambo mulaye wa mfumu ulumbuluka pa kufwa yewa wa mulaile, maambo kechi wikala na luusa awa wa mulengele sa akiji muumi ne. ¹⁸ Byonkabyo nangwa lulayangano lutaanshi kechi lwa ikajikilwe pakuubula mashi ne. ¹⁹ Maambo Mosesa byo apaine mukambizho yense mu muzhilo ku baantu boonse, aye wa shikwile maashi a bangombe ne ba mbuzhi, ne meema , ne booya bwachijisha bwa mikooko ne isope, ne kusansa byonse muvungilo aye mwine ne pa baantu bonse. ²⁰ Kabiji wa ambile amba, ''Ano o mashi a lulayangano lo akambizhe Lesa kwi anweba.'' ²¹ Mu musango yenka umo, aye wasanshile mashi pa teente ne bijiilo byonse bya yoya mingilo. ²² Mwaila muzhilo, pepi bintu byonse bitokeshiwa na mashi. Pakuuba kwichila mashi kafwako lulekelo lwa maambo. ²³ Byonkabyo kyafwainwa abya bifwanyikizho bya bintu biji mwiulu bitokeshiwe na bibye bitapisho bya banyaama. Pakuuba, bya mwiulu bintu abyobine byaji bya kutokeshiwa na bikwabo bitapisho byawamisha. ²⁴ Maambo kilishitu kechi watwelele momwa mwa zhijisha mwa lenglwe na mabooko amo mwa pashangana na mwa kine ne. Kana aye wa katwelele mukachi mwiulu mwine, Ku kitumwekeela atweeba ku meenso a Lesa. ²⁵ Aye kechi waile momwa mukuuba amba elambule javuula, pamo nobe nganga mukataampe, watwelelengamo mwazhijisha pa mwaaka pa mwaaka na mashi abula anji mwine ne. ²⁶ Inge akya kyajinga byobyo, kabiji aye wajinga wa kumanama bimye byavuula kufuma ku ntendekelo ya pano pantaanda. Bino pano aye wamwekele ku mpelo ya myaaka mu kufuuma mu kufuuma bundenga maambo na kitapisho kyanji mwine. ²⁷ Byonkabyo byo kya sontelwe muuntu kufwa jimo, panyuuma yakyo kekwiya kekwiya mubupingushi. ²⁸ Byonkabyo kabiji, Kilishitu walambwilwetu jimo mukufumyako bundengamaambo bwa bavuula, kabiji ukamwekana jibiji, kechi namaambo abundenga maambo ne, mino na maambo aluupulukilo lwaboba bamutengela.