¹ Maambo mizhilo ijitu kimvule kya bintu byawaama bikeeya, kechi kyokine kipasha kya byobya biintu binene. Abo bafwenya kwi Lesa kechi ba konsha kwibaluumbulula na byonka bino bitapisho abya banganga byo ba twajijilenga kuleeta pa mwaakupa mwaaka ne. ² Mumaashinda akwaabo, inge bitaapisho kechi bebilekele kwibilaambula? maambo bapopweshi inge bebatokeshilengatu jimo kabiji inge kechi ba ikelepo na milangwe ya bundenga maambo ne. ³ Bino na byobya bitaapisho muji kuvululwa kwa bundenga maambo pa mwaaka pa mwaaka. ⁴ maambo kyakataazha mashi a bangombe babaluume ne a bambuuzhi kukufumyaapo bundenga maambo. ⁵ Byo aishiile kilishitu muntaanda, waambile amba, Bitaapisho ne milaambbu anweeba kechi mwi biswile ne, bino mubiji anweba mwanengezhizha amiwa; ⁶ ''Mumilaambu ya kusooka ne mumilambu ya bundengamaambo kechi mwamwenejilemo lusekeelo ne. ⁷ Kabiji na ambile namba, Monai amiiwa bano byonka byo kyanembelwe na maambo a amiwa mu muvungiilo_kukuuba mwaswa anweeba Lesa. ⁸ Pataanshi aye waambile amba, kyajiingatu nangwa bitaapisho, nangwa milaambu nangwa milaambu yakusooka ituntulu, nangwa milaambu yabundenga maambo kechi mwi biswile ne. Nangwa kusekelaamo mwi abyo ne.'' Bino byo bitaapisho abya bya lambwilwe mwaila muzhilo. ⁹ Kabiji aye waambile amba, Monai, Amiwa baana ku kuba kyo mwaswa anweeba'' Aye ufumyapo kitaanshi mu kuuba amba ekazhepo kyabubiji. ¹⁰ Ne akya kyo aswa, atweeba momo twazhijiilwa kupichila mukwi lambuula kwa mubiji wa Yesu jimotu jonka kikuupu. ¹¹ Pajuuba pa juuba yense nganga wimaana ne kwi ngila, kulambuula bitapisho bimotu jikwabo jikwabo_ bitaapisho abya bibula kufumyapo bundenga maambo. ¹² Bino kilishitu byo alambwile kitaapisho kya bundengamaambo kimo kya myaaka, aye waikajile panshi ku kuboko kwa kilujo kwa Lesa. ¹³ Aye ubeena kupembelela kanatu balwanyi banji booonse bakalengeshiwe panshi ya maulu anji aye. ¹⁴ Maambo na mulambu umo aye wiba lumbulula boonse kikuupu myaaka abo babeena kizhijikwa. ¹⁵ Mupaashi wazhila naye witushimwiina atweeba pataanshi aye wamba amba, ¹⁶ ''Luno lo lulayangano lo sakuleenga nabo pakuupita ao mooba, byobya amba Nkambo. Amiwa nkabika mizhilo yami mu michima yabo, kabiji Amiwa nkinemba pa milangwe yabo.'' ¹⁷ Kabiji wabikilepo amba, "bundenga maambo bwabo ne mizhilulwila kechi nkeivuluuka jikwabo ne" ¹⁸ Pano paji lulekelo lwa bino, kechi paji kikwabo kitapisho kya bundenga maambo ne." ¹⁹ Byonkabyo baloongo, atweeba tuji na kuchinchika kwa kutwala mukachi mwazhijikwa na mashi akwa Yesu ²⁰ Momujishinda jipya ne juumi aja aye jo etushinkwijile ja kupita monka mu kipembe,kokuba amba, na mubiji wanji. ²¹ Maambo atweeba tuji na nganga mukataampe wa luusa munzuubo ya Lesa. ²² Lekai atweeba tufwenye kwipi na muchima wakine wayuulwa na lwitabilo wabuula luzhinauko, saka tuji na michima yetu yasankwa buloongo kufuuma ku milangwe ibi ne kwikakala na mibiji yetu ya ovwewa na meema atooka. ²³ Lekai ne atweba tukwachishe ku luketekelo lo tushiimuna atweba, maambo aye walaile yewa kishinka, ²⁴ Lekai atweba twilanguluke buloongo pa maambo a kwiubila butemwe umo ne mukwabo ne mingilo ya waama. ²⁵ Lekai tubule kupwila pamo, byonka byauba bamo. kanatu, kwitundaika umo ne mukwab, ne kizhapotu byo mu beena kumona juuba jibena kufwenya peepi. ²⁶ Maambo inge atweba saka tulengatu maambo a lupata saka twatambwile kala kuyuuka bukine, kitaapisho kya bundenga maambo kechi kyakizhapo ne. ²⁷ Kanatu, lonka luzhachisho luchinya ne mujilo wakatazha awa ukonauna balwanyi ba Lesa. ²⁸ Uji yense wakaine muzhilo wa Mosesa wafwile kwakubuula luusa pa lushimuno lwa batumonyi babiji nangwa basaatu. ²⁹ Lukakizhamo byepi kubipa lukabisho lo akatambwila awa aye wa nyanchijila panshi Mwaana Lesa, wasujile mashi a lulayangano nobe abula buzhile_ mashi ne ao aye wazhijikilwe_ne kukosamika mupaashi wa lusa? ³⁰ Maambo twayuuka umo waambile amba , "kushinkanyako kokwami; Amiwa nkamu bwezhezha,'' Ne jikwabo amba, Nkambo ukachibila baantu banji.'' ³¹ Akyo kichinya bingi kintu kuponena mu maboko a Lesa muumi! ³² Bino vuluuka mooba apichile kala, o mwataambwile kyeeya byo mwapichilemo mukulwisha mukumaanama kukataampe. ³³ Bimye bimo mwaubilwe bya kutalwatalwa mubya mweenga ne kumanyikwa, ne bimye bikwabo mwa ubile ke bakumvwangana nabo baubilwe byonkabyo. ³⁴ Maambo anweeba mwibobijile lusa bajinga bakaili, ne anweba mwajinga na byawamisha ne bipe bya myaaka. ³⁵ Byonkabyo kange mutaye kuchinchi kuchichinka kwenu ne, kuji na kikataampe. ³⁶ Maambo anweba musaka butekanye pakuuba amba byo mukoba kyaswa Lesa, anweba mukatambule abyo byo a laile. ³⁷ ''Maambo mu ka kimye kachechetu, Umo ubeena kwiya ukeya ne kubula kubanda. ³⁸ Bomi baoloka bakekala na buumi na lwitaabilo, inge aye wabwela lunyuuma, mweo wami kechi ukamwenamo mwi aye ne.'' ³⁹ Bino atweeba kechi twiba booba babwelanyuuma ku lonaiko ne, bino atweeba twiba mubooba baji na lwitabilo ne kulaama myeo yabo.