¹ Pano lwitabiilo ke kwitaaba kwa bintu. bya ketekelwa ne kwitabila amba bintu bibula kumweeka kobiji. ² Pamaambo a kino bashakuulu bashimwijile buloongo maambo a lwitabilo lwabo, ³ Ne lwitabiilo atweba twayukisha namba byoonse byalengelwe na kukaambizha kwa Lesa, pakuuba amba abya bimweka kechi byalengelwe kufuuma ku bintu abya bya mwekele ne, ⁴ Kyajinga na lwitaabilo amba Abela wambwile kitaapisho kyalumbuluka kukila kya kwakena, kupichila mwi akyo aye momo ashimwijilwe kwikala waoloka, ne Lesa wa ambile buloongo pe aye maamboa milaambu yanji, kabiji na lwitaabilo Abela ukyambatu, nangwatu aye wafwa. ⁵ Kyajiinga na lwitabilo amba Enoka wa sendelwe Mwiulu pakuuba amba aye kechiwamweene lufu ne. "Akya kechi watainwe ne, maambo Lesa wamusendele aye, kumutwaala.'' Maambo aye saka akyangye kusendwa peulu, kyashimwine amba aye wamumvwishishe Lesa buloongo. ⁶ Pano pakuuba lwitaabilo kyashuupa kumumvwishe buloongo aye. Maambo kyamufwainwa amba aye koaji ne amba aye ye ufweta abo bamukebesha aye. ⁷ Kyajinga na lwitaabilo amba Nowa, byo bamupelenga byaambo byaku mujimwiina jimo na maambo a bintu bikyangye kumwekanyika, pa kwakamwa Lesa wakijile jimo bwaato bwa kupulushishamo ba mu nzuubo yanji. Na kuba kino, aye wazhachishishe ba pano pantaanda ne kwikala ke nswanyi wa bololoke monka mwaila lwitabilo. ⁸ Kyajinga na lwitaabilo amba Abalahama, byo ba mwichile aye, wakokejile ne kuya kumpunzha akwa aye ko akoshenshe kutaambila buswanyi bwanji. Aye waile panye, kwakubula kuyuuka ko ailenga. ⁹ Kyajinga na Lwitabilo akya aye byo aikajiile mu mushiji wa mulaye nobe mwenyi. Aye waikajilenga mu mateente ne Izaaka ne Yakoba, bakwabo ba nswanyi ba mulaye umotu. ¹⁰ Maambo aye waikajilenga kuluutwe ku muzhi uji na bitendekesho, sendwe mwine ne ntungi wajiinga Lesa. ¹¹ Kyajinga na lwitaabilo, nangwatu Saka ayemwine wa jinga wabula lusemo, akya aye byo atambwijile buluume bwa kwimita. Kino kyaubikile nangwa aye wajinga mukote, maambo aye wamulangulukijile amba wa mulaile ye wakishinka. ¹² Byonkabyo, kufuuma kuyeuno muuntu umo_ ne aye wajinga pepi nakufwa_ mwasemenwe bankuunwa yanji bavuula nobe tubangabanga twamwiulu ne kubula kubelengwa nobe musenga uji ku kituulu kya kalunga. ¹³ Kyajinga mu lwitaabilo akya bano boonse bafwile kwakubuula kutaambwila milaye. Kana, bebimwenetu ne kwibimwina kwakwalepa kufuuma kwalepa, kabiji bayukile amba abo bajinga benyi neba kupitapotu pa ntaanda. ¹⁴ Maambo abo bonse bamba bya byonkabyo bintu bamwesha patooka amba babena kusaka kyalo kyabo beene. ¹⁵ Inge abo bajiinga mukulaanguluka kyalo akya kyoba fuminemo, aboinge baji ba kutaana kimye kya kubwela monka. ¹⁶ Bino nobe byokiji, abo basakishe kyalo kyawamisha akya ke, kimo kya mwiulu. Byonkabyo Lesa kechi umvwa bumvu ku kwitwa Lesa wabo ne, maambo aye wibaamwena kala muzhi wabo. ¹⁷ Kyajinga na lwitabilo akya Abalahama, byo ba mwesekele, walambwile Izaka. Wajingatu mwaanji yenka umo ye alambwile, aye wataambwile milaye. ¹⁸ Kyajinga Abalahama kwi aya ko kyaambilwe, "ke kupichila mwi Izaka akya ba munkuunwa yobe mo bakatelwa.'' ¹⁹ Abalahama walangulukile amba Lesa wakonsheshe kumubuusha Izaka kufuuma nangwa mu bafu, ne mukwi kyaambatu, kyajiinga kufuuma mwi abo mo amutambwijile aye mu kifwanyikizho. ²⁰ Kyajinga kabiji na lwitabilo na maambo a bintu bikeya akya Izaka byo a pesheshe Yakoba ne Esao. ²¹ Kyajinga na lwitabilo akya Yakoba, byo afwilenga aye, wamupesheshe mwaana wa Yosefwa umotu.Yakoba wamupopwejile, saka abandamina peulu ya mukoombo wanji. ²² Kyajinga na lwitabilo akya Yosefwa, mpeloyanji byo yajinga pabwipi, wa ambile pa kufumishiwa kwa baana ba Isalela mu ijipita ne kwibakambizha abo pa maambo a bikupa byanji. ²³ Kyajinga na lwitabilo akya Mosesa, byo asemenwe aye, bansemi yanji bamufile bangondo basatu maambo abo ba mumweene amba mwaana walambisha. Abo kechi ba akaminwe na kukambizha kwa mfuumu ne. ²⁴ Kyajinga na lwitaabilo akya Mosesa, byo akomene, wakaine kwitwa mwaana wa mwaana wamukaazhi wa kwa Felo. ²⁵ Aye wasajilepo kwikala wa kumanyikwa pamo na baantu ba Lesa kukila kwikala mu Lusekelo lwa mububi kimye kicheeche. Aye wasajilepo kwikala wa kumanyikwa pamo na baantu ba Lesa kukila kwikaala mu Lusekelo lwa mububi kimye kicheche ²⁶ Aye walangulukile kutukwa na maambo a kilishitu nobe kyakila mukuwama kukila bunonshi bwa Ijipita, Maambo aye watajilenga kulutwe kukufwetwa kwanji. ²⁷ Kyajinga na lwitaabilo akya Mosesa kyo ashile Ijipita. Aye kechi wachinine bukaji bwa mfumu ne, Maambo aye wakosele nobe aye wamwenenga umo ubula kumoneka, ²⁸ Kyajinga na lwitabilo akya aye abikile kijiilo kya lupitailo ne kusansa kwa mashi, pakuuba amba monaushi wa babeji abule kukwata pa baana ba babeji babena Isalela. ²⁹ Kyajinga na lwitabilo akya abo byo ba bukile kupita mukalunga ka matete nobe pamushiji wauma. Abo bena Ijipita byo ba esekele kuba kino, bebalobeshe bonse. ³⁰ Kyajinga na lwitabilo akya nsakwa ya Yeliko byo bya ponene panshi, panyuuma ya byo bazhokolokelenga mu mooba ataanu na abiji. ³¹ Kyajinga na lwitabilo akya Lehaba Pite kyo abijile kufwa pamon na booba bambulwa kukokela, maambo aye wibatambwijile beyendejile ntaanda na muteende. ³² Bikwabo ka byo nsakwaamba jikwabo? Maambo kimye kisa nkepeela inge ngambe byoonse bya pe Gidiona, Balaka, Samisonyi, Yefita, Davida Samwela, ne pa lwa bangauzhi. ³³ Kyajinga kupichila mulwitabilo akya abo kyo bashinkijile mabufumu, ne kuuba byaoloka, ne kutaambwila milaye. Abo balekeshe ne tunwa twa mabokwe, ³⁴ Ne kuzhimya buluume bwa mujilo, ne kupuluka ku bui bwa lupaanga, ne kwbalula ke bilolo mu nkondo, ne kwi ashinda mazhita a bangi. ³⁵ Baanabakaazhi nabo batamwile jibiji bafu babo na lusanguko. Bakwabo bajinga bakumanyikwa ne kukana mwakupulukila, pakuuba amba bakamone lusaanguko lwawama kukilamo. ³⁶ Bakwabo nabo bapichile mukwamba mwenga ne kututwaulwa, nena minyololo ne kutaiwa mu kaleya. ³⁷ Abo ba ashilwe mabwe. Abo bachibilwe na mpoko. Be bepaile na lupanga. Bapitangenengamo mu biseba bya mikooko ne bambuzhi. Ba kajilwe, ne kumweshiwa bya malwa, ne kubiwa bibi. ³⁸ Ntaanda kechi ibafwainwa abo ne. Bapitangenengatu mungyetu ne mumituumba, ne mumimbwa ya panshi. ³⁹ Nangwatu bano bonse baantu bashimwine bulongo na Lesa na maambo a lwitabilo lwabo, kechi batamwile mulaye ne. ⁴⁰ Lesa witumwenejile kala jimo kintu kyawamisha kya atweba, pakuuba mba kwakubulwa atweba, abo kechi balengwe kulumbuluka ne.