¹ Byonkabyo atweba byotwazhokolokwa kala na jibuumba jikataampe ja bakamonyi, lekai tutaye byonse bitunemena ne obewa bundengamaambo bupelawizha kwitukasankanya. Lesa atweba tunyeme namukoyo alwa lubilo lwa bikwa pe atweba. ² Lekai atweba tutalenga konka kwi Yesu, watendekele ne kalumbula wa lwitabilo. Pa maambo a lusekelo lwa mutujilwe aye kulutwe, wa manamine pamusalabu, kusuula bumvuu bwapo, kabiji waikajile panshi kukuboko kwa kilujo ya jitaanda ja Lesa. ³ Nanchi languluukai pe aye, wakosejilemo pa kulengululwa ku bundengamaambo kwa byonkabya, kuchiina mba mwa kakooka ne kupuungila mumichima yenu. ⁴ Anweeba mukyangye kukanya nangwa kulwishanya na bundengamaambo kufika ne kumashi ne; ⁵ Kabiji anweba mwalubako alwa lutundaiko lwimwambilwa nobe baana amba; "Mwaanami, kechi ulanguluke pa cheche kufunda kwa Nkambo ne, nangwa kupingula byo waololwa kwi aye ne; ⁶ Maambo Nkambo ufunda ye atemwa, kabiji aye uoanyika mwaana yense ye ataambula. ⁷ Koselaimo mukumaanama kokufundwa kwa kwen. Lesa uba na anweeba byo booba baana. Maambo nganyi mwaana ye babula kufuunda kwi shanji? ⁸ Bino inge mwabulwa kufuundwa, byubiwa mubaantu boonse, abya mwiba kushinda kechi mwibanji ne. ⁹ Kukizhapotutu, atweba twajinga bashetu babu muuntu abo betufunjilenga atweba kabiji twibakokejilenga abo. Twakonsha byepi kubula kukokela kwishetu wa mipaashi ne buumi! ¹⁰ Bashetu betufunjishilenga atweba kakimye kacheche mo kibawamijile mu milanguluko yobe. Bino Lesa witufunda atweba amba tumwenemo, pakuuba amba tutambuleko mubuzhile bwanji. ¹¹ Pabulwa kufundwa pa kimye kimweka nobe kipana lusekelo, bino kipana bulaanda. Bino palutwe kisemwa bipangwa bya mutenda wa bololoke ku booba bafunjilwe nakyo. ¹² Nanchi ololai maboko enu alela ne munungo enu akoka. ¹³ Lengai mashinda enu aoloka a maulu enu, pakuuba amba usunkuta waketulumuna bino kanatu abukiwe. ¹⁴ Londaizhai mutende na uji yense, ne buzhile, maambo pabuulwa kino kafwako nangwa umo ukamoona Nkambo. ¹⁵ Jimukai pakuuba amba nangwa umo wakubulwa bupe bwa Lesa, ne amba muzhazhi wabululu wakasapuka ne kwimuletela lukatazho, pakuuba amba bavuula bakeya kwibatamisha kwi akyo, ¹⁶ Kabiji amba kwakekala wa bulalelale nangwa mubi, pamo ne Isao, yenka wapoteshe bubeji bwanji na kijilo kino kya kajo. ¹⁷ Maambo anweeba mwayuuka amba palutwe, byo asakile kuswana mapesho, aye wasujilwe, maambo kechi wataine kimye kyakulapila ne, nangwatu wajijile na mipolo. ¹⁸ Maambo anweba kechi mwaiya kumutuumba ye bakonsha kukwatako, mutuumba wa mujilo uteema, nangwa kukifichifichi ne, nangwa kumfishi, nangwa kipuupu ne. ¹⁹ Anweeba kechi mwaiyapo ku kuvuma kwa ntolompita ne, nangwa ku jiwi aja jaamba byaambo nobe aja jo baumvwine pakwijumvwa kebasanshijile amba kechi jiketwambile jikwabo ne. ²⁰ Maambo abo ba kankelwe akya kyakambizhiwe amba: "Nangwatu nyaama akunkulekotu ku mutuumba, ke kwashiwa mabwe.'' ²¹ Nanchi kwaubiwe moyo kuno kumpuzha akwa Mosesa aambile amba, ''amiwa nachina bingi kabiji mbena kuzakama.'' ²² Kana, anweeba mwaiya ku mutuumba wa Ziona ne ku muzhi wa Lesa muumi, Yelusalema wa mwiulu, ne ku makuumi a biumbi a bamalaika bapwila mukusangalala. ²³ Anweba mwaiya ku kipwilo kya mubeji, abo bajinga mu kulembwa mwiulu. Anweba mwaiya kwi Lesa, uchiba maambo a boonse, ne ku mipaashi ya baoloka abo bajinga kulumbululwa. ²⁴ Kabiji anweeba mwaiya kwi Yesu, ngambi wa lulayangano lupya, ne ku mashi akunsasa aa amba buloongo kukila a mashi a Abela. ²⁵ Monai amba kechi mwamukaana awa wi mwambila ne, maambo inge kechi bapulukile byo bakaine umo wibafunjile abo pantaanda, kimotu ne inge twa muvundamina yewa witufunda uji mwiulu. ²⁶ Pa kimye kimo jiwi janji ja tenkenye ntaanda. Bino pano aye walaya ne kwaamba amba,'' kwashala jimo jonka amiwa kechi nkatenkanyatu ntaanda ne, bino ne meulu onsetu.'' ²⁷ Bino byaambo amba, ''kwashala jimo jonka,'' kyalumbulula kufumishiwa kwa bintu byoonse abya bikatenkanyishiwa, kokuba amba, mu bintu abya byalengelwe, pakuuba amba bintu abya bikabulwa kutenkanyishiwa byo bikashala.'' ²⁸ Byonkabyo, mukutambwila bufuumu awa bubula kuntekanyishiwa, lekai twikale ba kusanta ne yenkao musaango tumupopwele Lesa na munema ne kumwakamwa. ²⁹ Maambo Lesa wetu ye mujilo usokangana.