¹ Naanchi pano, lekai atweeba tushe nteendekelo ya maambo a Kilishitu ne kuuya kulutwe ku bukuluumpe. Lekai atweeba tubule kwaala jibiji kiteendekesho kya lulapilo kufuuma ku miingilo yaafwa kabiji ne ya lwiitabilo mwi Lesa, ² naangwa kiteendekesho kya kufuunjisha pa lubatisho, kutuulangapo mabooko, lusaanguko lwa baafwa, ne buunchiba maambo bwa myaaka. ³ Atweeba tukooba ne bino inge Lesa wituswiisha. ⁴ Pakuuba kyakatazha kubooba bataambwile kala kyeeya, ba toompele kala buupe bwa mwiulu, bataambwile Mupashi Wazhila, ⁵ kabiiji ba toompele byaambo bya waama bya Lesa ne bulume bwa myaaka ikeeya, ⁶ mino aba kabiji baponene-kyakatazha kwiibabusha abo jibiji ku lulapilo. Kino kiji bino na maambo abo bepoopela Mwaana Lesa abo beene jibiji, kabiji ne ku muleengesha buumvu patooka. ⁷ Pakuuba awa mushiji utoma mu mvuula aya ikeelwa kwiiya pe aye, kabiji ne yeewa usema bijimwa bya kwiingijisha ku booba mushiji bo a ingijile-uno ye mushiji utaambula mapeesho kufuuma kwi Lesa. ⁸ Mino inge wapaanga miiba ne biincha, ye watuutu kabiji uji peepi na kufiingo. ⁹ Mino atweeba twashininwa pa biintu bya waama pe anweeba, batemwe, biintu bya pa lupulukilo, naangwa twaamba byonka bye. ¹⁰ Pakuuba Lesa keechi wabula kooloka ne. Aye keechi ukalubako miingilo yeenu ne butemwe bo mwa mweesheshe na maambo a jiizhina jaanji ne, maambo anweeba mwa ingijile baantu baanji bazhila, kabiji mukibeengijila abo. ¹¹ Atweeba twasakisha amba anweeba umo umo akoonshe kumweesha lupata lumootu kufiika ne kuumpelo, mukuuba amba muluumbulule luketekelo lweenu. ¹² Byonka byo kiji bino mukuuba amba anweeba mubule kwiikala bankope, mino bakuloondela aba baswaana milaye na lwiitabilo ne buteekanye. ¹³ Pakuuba Lesa byo a laile mulaye waanji kwi Abalama, wachipile aye mwiine , byo a bujile mukwaabo wakila. ¹⁴ Aye wa ambile amba, "Amiiwa nkakupeesha obeewa kine kabiji ne kukupa baana baavula obeewa." ¹⁵ Mujino jishiinda, Abalama mo a mwenejile byo alailwe panyuuma ya kupeembela na kutekanya. ¹⁶ Pakuuba baantu bachipa ku muuntu wibakila abo beene. kuumpelo ya makatazho abo, luchipo lwiimena bukishiinka. ¹⁷ Lesa byo afukwiile kumweesha byavula patooka ku banswaanyi ba mulaye musaango wa ene maambo ubula kukiingya, aye wamupaana na luchipo. ¹⁸ Aye waubilo kino byonka byo amba na biintu bibiji bibula kukiingya-abyo byakatazha Lesa kubeepa bubela-atweeba, twanyeemena mwakufyama, tukeekala na lutuundaiko lwakosa lwa kukakachila ku luketekelo lo betuneengezhezha atweeba. ¹⁹ Tuji na kino noobe luviimba kabiji kyakosa kya mweo, luketekelo alwa lutweela mu mpuunzha ya muchi kunyuuma ya kipeemba, ²⁰ amo Yesu, aye wataangijilepo pe atweeba, aye watweela mu yooya mpuunzha mu kwimeenako atweeba. Aye waikala ng'anga mukataampe myaaka yoonse byonka byajiinga Melekizedeki.