¹ Maambo ng'anga mukataampe yeense, wasalwa kufuuma mukachi ka baantu, aye watoongolwa mu kwimeenako baantu mu biintu bya Lesa, byonka byo amba aye akoonshe kupaana byoonse bya buupe ne bitapisho bya buundendanga maambo. ² Aye wakoonsha kwiingila buloongo na booba babula kuyuuka kabiji bo babeepa bubela, maambo aye mwiine wiipana ku kunekena. ³ Na maambo a kino, ne aye wasakiwa kupaana bitapisho bwa buundenga maambo bwaanji, byonka byo oba pa maambo a baantu. ⁴ Kafwaako muuntu naangwa umo wiseendela uno muneema mwiine ne. Mino, aye waitwa na Lesa, noobe byonka byajiinga Aloona. ⁵ Mo moonka, naangwa Kilishitu keechi wituumbijikile aye mwiine na kwi leenga ng'anga mukataampe ne. Mino, awa wa ambilenga kwi aye wa amibile amba, "Obeewa wi Mwaanami; leelo amiiwa naikala Shoobe." ⁶ Kijitu noobe byonka byo a ambinle ne muumpunzha ikwaabo amba, "Obeewa wi ng'anga wa myaaka yoonse panyuuma ya mwaikeela musaango wa kwa Melekizedeki." ⁷ Mu mooba a bu muuntu bwaanji, Kilishitu walaambwile byoonse miloombelo misaanshijilo na jiiwi jakataampe ne na mipolo kwi Lesa, aye wakoonsheshe ku mupulusha aye ku lufu, ne aye ba muumvwine maambo a bwiikalo bwaanji bwa ku mwaakamwa Lesa. ⁸ Naangwa aye wajiinga Mwaana, aye fuunjile lukookelo ku bya lumanamo lo a manamine. ⁹ Aye ba muleengele ke wa luumbuluka kabiji waikele, wa boonse aba ba mukookela aye, ke maambo a kupokololwa kwa myaaka. ¹⁰ Aye ba muleengele kwi Lesa kwi Lesa kwiikala ng'anga mukataampe panyuuma ya mwaijile musaango wa kwa Melekizedeki. ¹¹ Tuji na byavula bya kwaamba pe Yesu, mino byakatazha kuluumbulula byo mwaikala bashuupa mu kuumvwa. ¹² Pakuuba naangwa pa kino kimye mwafwainwa kwiikala bafuunjishi, mwakikajilwa muuntu wa kwi mufuunjisha anweeba bya bwanyike bya nteendekelo ya maambo a Lesa. Anweeba mwafwainwa mukaaka, keechi kajo kakosa! ¹³ Pakuuba muuntu yeense ujaatu mukaaka waibijila na maambo a boololoke, maambo aye ukiji mwaana wa mucheeche. ¹⁴ Mino kajo kakosa ka bakoma. Bano ke booba na maambo a kukoma kwaabo baji na maana o bafuunjishiwa a kuyuuka bya waama ne byatama.