¹ Kabiji Lesa wa pesheshe Nowa ne baana banji ba balume, ne kwi bambila amba, ''Ikalai bakusemununa, kuvula, ne kuyuzha ntaanda. ² Kabiji moyo wa kwi muchina ne kwi mwakamwa anweba ukekala kukyonse kintu kipema pano pa ntaanda, ku kekala pa kangonti konse ka jiulu, ku kekala pa kyonse kyenda pa mushiji, kabiji ne pa masabi onse a pa kalunga. Byonse bya panwa mu maboko enu. ³ Kyonse kintu kyenda akya kikala na bumi kikekala kajo kenu. Byonka byo ne mupele bimena bya mazhamatamba, Amiwa pano ne mupa byonsetu. ⁴ Bino kechi mukaje nyama ne bumi bwanji ne__ao o mashi akyo__mwi akyo. ⁵ Bino na mashi enu, bumi abwa buji mu mashi enu, Amiwa nkekala malipilo. Kufuma ku kuboko kwa nyama ujiyense Amiwa nkeakeba.Kufuma ku kuboko kwa muuntu uji yense, ko kuba amba, kufuma ku kuboko kwaumo wa ipaya mulongo wanji, Amiwa nkeakebela ku totolola na mambo a bumi bwa yewa muuntu, ⁶ Ujiyense wichila mashi a muuntu, na muuntu mashi anji ko akechikila, mambo kyajinga mu kipasha kya Lesa. ⁷ Nobe na mambo a obewa, mwikale bakusemununa ne kuvula, ne kuse munwishatu ponse ponse pa ntaanda ne kuvuzha ponka.'' ⁸ Kabiji Lesa wa ambile kwi Nowa ne ku baana banji na aye, kwamba mba, ⁹ ''Nobe amiwa, umvwa! Amiwa mbena kwikajika lulayangano lwami na anweba ne na baana bednu bakeya pa lutwe, ¹⁰ ne na kyonse kilengwa akya kiji ne anweba, na bangonyi, ba nyama bakulela, ne na kyonse kilengwa kya pa ntaanda na anweba, kufuma ku byonse byafumine mu bwato, ku byonse bilengwa bya pa ntaanda. ¹¹ Amiwa nji pano mukwikajika lulayangano lwami ne anweba, akya kechi nkonaunapo jikwabo byonse bya musunyi na meema a muyulo ne.Kechi kukekalapo jikwabo muyulo wa konauna ntaanda ne. ¹² Lesa wa ambile amba, ''Kino kyo kimwesho kya lulayangano lo mbena kulayanga pakachi kaamiwa ne anweba ne kyonse kilengwa kya buumi akya kiji ne anweba, kufika ne ku bisemi bya kulutwe: ¹³ Amiwa nabika kakongolo muma kumbi, kabiji kikekala ke kayukilo ka lulayangano pakachi ka amiwa ne ntaanda. ¹⁴ Akyo kikeya mukubiwa byo nkaleta jikumbi peulu ya ntaanda ne kakongolo bekamona mu jikumbi, ¹⁵ kabiji Amiwa nkavuluka lulayangano lwami, alo luji pakachi ka amiwa ne anweba ne kyonse kilengwa kya bumi kyamusunyi uji yense. Meema kechi akekalapo jikwabo muyulo wakonauna byonse bya misunyi ne. ¹⁶ Kakongolo kakekala mu makumbi ne Amiwa nke kamona, mukuuba amba nkavuluke lulayangano lukabula kupwa pakachi ka Lesa ne kyonse kilengwa kya musunyi yense akya kiji pa ntaanda. ¹⁷ Kabiji Lesa wa ambile kwi Nowa amba, ''Akye kyo kiyukilo kya lulayangano lo naikajika pakachi ka Amiwa ne byonse bya musunyi abya biji pa ntaanda.'' ¹⁸ Baana ba Nowa aba bafumine mu bwaato bajinga, Shema, Hama, ne Yafeta. Hama yewa jinga shanji wa Kenana. ¹⁹ Bano basatu bo bajinga baana ba Nowa, ne kufuma ku bano ntaanda yonse yaikajilwe na baantu. ²⁰ Nowa watatwile kwikala wa ku maloba, kabiji wajimine minganzanganza. ²¹ Aye watomene bino binyu ne kupendwa. Aye walaajiletu mulekese mu tente wanji. ²² Kabiji Hama, Shanjiko ne balongo banji pangye. Byonkabyo Shema ne Yefeta wa Kenana, wamwene bwamba bwa bashanji kabiji wa kabuulako ne balongo banji pangye. ²³ Byonkabyo Shema ne Yefeta bashikwile kisapi ne kwi kikupika pa bipeya byabo babiji ne kubwela lumfutwa nyuma ne kuvweta pa bwamba bwa shabo. Bilungi byabo byatajilenga kungi, byonkabyo abo kechi bamwene bwamba bwa ba shabo ne. ²⁴ Nowa byo apendulukile kufuma ku binyu byanji, aye wafunjile bya ubile mwananji wa mwanyike kwi aye. ²⁵ Byonkabyo aye wa ambile mba, ''Wafingwa ekale Kenana. Aye ekale muzha kwi bakalume ba balongo banji.'' ²⁶ Kabiji wambile amba, ''Aye Yehoba Lesa wa Shema, ekale wa peshiwa, ne Kenana ekale ke muzha wanji. ²⁷ Lekai Lesa abaishe mwa kwa Yafeta, kabiji lekai aye alenge muzhi wanji mu ma tente a kwa Shema. Lekai Kenana ekale muzha wanji.'' ²⁸ Pakupita muyulo, Nowa waikajile myaaka bitota bisatu ne myaaka makumi ataanu. ²⁹ Mooba onse a kwa Nowa ajinga bitota bitaanu ne makumi ataanu, kabiji aye wafwile.