¹ Lesa wavulukile Nowa, banyama bonse ba mungye, ne bonse banyama ba kulela aba bo ajinga nabo mu bwaato. Lesa walengeshe mwela kupuupa pa ntaanda ne meema atendekele kubwela panshni. ² Masulo a tulunga ne bipenze bya mwiulu byashinkilwe, ne mvula walekele kunoka. ³ Ne muyulo wa meema waile panshi pache pache kufuma pa ntaanda, kabiji pakupita mooba 150 meema aile panshi. ⁴ Bwaato bwaishile kwikala panshi mu ngondo wa butaanu na bubiji, pa juuba ja bujikumi na butaanu na bubiji bwa ngondo, pamutumba wa Alalata. ⁵ Meema atwajijile kubwela panshi kufikatu mu ngondo wa bujikumi. Pa juuba jitanshi ja ngondo, peulu ya mitumba pamwekele. ⁶ Kyaishile kubiwa pakupita mooba makumi ana apa Nowa po a shinkwile kipenze kya bwaato abwa bo alengele. ⁷ Aye watumine kikwangala kabiji kyabwelelemo ne byonkabyo kufika ne meema onse byo aumine pa ntaanda. ⁸ Kabiji watumine pangye nkunda ku kumona inge meema aya panshi kufuma pa ntaanda, ⁹ bino nkunda kechi watainepo pa mpunzha pa kwikajika maulu ne, kabiji nkunda wa bwelele kwi aye mubwaato, mambo meema akijinkatu saka akumbana pa ntaanda ponse. Aye walupwile kuboko kwanji pangye, ne kwikakwata ne kwika twezha mukachi kwikala nako monka. ¹⁰ Aye wapempejileko akwabo mooba ataanu na abiji kabiji wikatumine jikwabo ka nkunda kufuma mu bwaato. ¹¹ Nkunda wabwelele kwi aye mu mabanga. Tala! mu kanwa kanji mwanjinga jibala ja mukuyu ja apiwatu ponkapo. Byonkabyo Nowa wayukile amba meema aya kala panshi kufuma pa ntaanda. ¹² Aye wa pembelejileko mooba akwabo ataanu na abiji, ne kutuma pangye nkunda jikwabo. Ne nkunda kechi wa bwelele jikwabo kwi aye ne. ¹³ Kyaishile kubiwa mu mwaaka wanji wa bitota bitaanu na kimo ne mwaka mutanshi, mo ngondo mutanshi, pa juuba jitanshi ja ngondo, aja meema onse aumine kufumapo pa ntaanda. Nowa wafumishishepo mutenge wa bwaato, watajile pangye, ne kumona akya, pakutajisha , peulu ya mushiji paumine. ¹⁴ Mu ngondo wabubiji, pa juuba ja bu makumi abiji na butaanu na bubiji a ngondo, ntaanda yaumine. ¹⁵ Lesa wa ambile kwi Nowa amba, ¹⁶ ''Fumamo mu bwaato, obewa, mukazhi obe, baana bobe ba balume ne bakazhi ba baana bobe baji na obewa. ¹⁷ Senda pangye na obewa byonse bilengwa byumi bya misunyi yonse biji na obewa _ba ngonyi, banyama, ne bintu bikalaba abya bikalaba pa ntaanda __pakuba amba bivule pakatampe pa ntaanda, abya bikonshe kwikala byasemununa ne kuvula pa ntaanda.'' ¹⁸ Byonkabyo Nowa wafumine pangye na baana banji, mukazhi wanji ne bakazhi ba baana banji na aye. ¹⁹ Kyonse kilengwa kya bumi kyonse kintu kikalaba, ne konse kangonyi, byonsetu abya byenda pa ntaanda, monka mwaila bisemi byabo, ba shile bwaato. ²⁰ Nowa watungile kyakusokelapo bitapishokwi Yehoba. Aye washikwilepo bamo banyama ba bula muzhilo ne tungonyi tumo twabula muzhilo, ne kupana wa paine mulambo wakusoka pa kyakusokelapo bitapisho. ²¹ Yehoba waumvwine kununka kwa wama ne kwamba mu muchima wabo amba, ''Amiwa kechi nkafingapo mushiji jikwabo na mambo a baantu, nangwa tu milanguluko ya mu michima yaikala ya bipa kufumatu ku bwanyike. Nangwa jibiji Amiwa kechi konaunapo byonse bintu bya bumi, byonka byo nauba ne. ²² Byo ikijipo ntaanda, kimye kya nkunwa ne kya kunowa, kimye kya mashika ne kya kyuya, mayoo ne kisalo ne mute, ne bufuku kechi bikaleka ne.''