¹ Yehoba wa ambile kwi Nowa amba, ''iya, obewa ne bonse ba munzubo yobe, mukachi ka bwaato, mambo namona namba waoloka ku meeso ami mu ino nkulo. ² Ku bonse banyama babula muzhilo uke baleta na obewa bataanu na babiji balume ne bataanu na babiji ba bakazhi. Kufuma ku banyama baji na muzhilo kwi abo ulete babiji, mulume ne mukazhi. ³ Jikwabo ne ku bangonyi ba jiulu, ulete bataanu na babiji balume ne bataanu na babiji bakazhi, ku kulama baanababo kwikala boomi kuleta pa ntaanda ponse. ⁴ Mambo mu mooba ataanu na abiji amiwa nkeilengesha mvula kunoka mute makumi ana ne bufuku makumi ana. Amiwa nkonauna byonse bintu bipeema kufuma pa mushiji abya byo na lengele. ⁵ Nowa waubile byonse abya byo ba mukambizhizhe Yehoba. ⁶ Nowa wajinga na myaaka bitota bitaanu na kimo byo a ishile muyulo pa ntaanda. ⁷ Nowa, baana banji ba balume, muka zhanji, ne bakazhi ba baana banji ba balume batwelele mubwato pamo mambo a meema a muyulu. ⁸ Banyama babula muzhilo ne banyama bamuzhilo, tongonyi ne byonse bikalaba pamushiji. ⁹ Bibiji bibiji, kilume ne kikazhi, bya ishile kwi Nowa kabiji bya twelele mubwaato, byonkatu Lesa byo amukambizhizhe Nowa. ¹⁰ Kyaishile mukubiwa palutwe ya kupita mooba ataanu na abiji, meema a muyulo aishile pantaanda. ¹¹ Mumyaka bitotabitaanu na kimo ya myaaka ya buumibwa Nowa, mu ngondo wabubiji, pa juuba ja bujikumi na ataanu ne abiji, pajuuba jonkajo, onse masulo a tulunga tukatampe twa shinkukile, ne bipenze bya mwiulu bya shinkukile. ¹² Mvula watatwile ne kuponena pa ntaanda makumi ana ne bufuku makumi ana. ¹³ Pajonka juuba jimo Nowa ne baana banji babalume, Shema, Hema ne Yafeta, ne mukazhi wa Nowa,ne bakazhi basatu ba baana banji na abo, batwelele mubwato. ¹⁴ Abo batwelelenga na yense nyama wa mungye monka mwaila musango wanji, ne yense wasala nyama wakulela mwaila musango wanji, ne kyonse kintu kikalaba akya kikalaba pa ntaanda mwaila musango wakyo, ne konse kangonyi kasajilwe mwaila musango wako, kyonse kilengwa kiji na byaapi. ¹⁵ Bibiji pa byonse bya mibiji amo mwajinga mmuuya wa buumi byaishile kwi Nowane kutwela mukachi mu bwaato. ¹⁶ Banyama aba bailemo bajinga kilume ne kikazhi mu bonse banyama; batwelelemo byonkabyo a mukambizhizhe Lesa. Kabiji Yehoba wa shinkiledko ne kinzhilo byo batweleletu abo. ¹⁷ Kabiji ne muyulu waishile pa ntaanda pa mooba makumi ana, ne meema avujile ne kushikula bwaato ne kwi butwala peujlu ya ntaanda. ¹⁸ Meema a kumbenetu ponse peulu ya ntaanda, ne bwaato bwatumpaukilengatu peulu papelejile meema. ¹⁹ Meeme avujilengatu pa ntaanda kyakuba yonse ya lepa miyumba aya yajinga panshi ya jiulu jonse yaibijile mu meema. ²⁰ Meema avujile makyubichi jikumi ne ataannu kukila peulu ya mitumba. ²¹ Ne byonse byajinga na bumi bya endelenga pa ntaanda bya fwile__tungonyi, banyama ba kulela, banyama ba mungye, byonse bilengwa byajinga na bumi abya byaikajile na nambala ikatampe pa ntaanda, ne baantu bonse. ²² Byonse bilengwa byajinga na bumi bbyaikajilenga pa mushiji, bya pemenenga muuya wa bumi kupichila mu myoma yabyo, byafwile. ²³ Byonkabyo kyose kintu kyajinga na bumi akya kyajinga peulu ya ntaanda kyafumishiwepo, baantu ne ba nyama ne bintu bikalaba ne bangonyi ba mujiulu. Byonse be byonawine kwibifumya pa ntaanda. Yenkatu Nowa ne booba bo ajinga nabo mu bwaato bo bashajilepo. ²⁴ Ne meema aikajile pa ntaanda mooba 150.