¹ Kyaishile kubiwa baantu byo batatwile kuvula pa ntaanda ne baana ba bakazhi basemenwe kwi abo, ² aba baana ba Lesa ba mwene aba baana ba bakazhi ba baantu byo bamwekelenga bulongo. Bebasajilenga abobene kwikala bakazhi babo, ye basala mwi abo. ³ Yehoba Lesa wa ambile amba, ''Mupashi wami kechi usa kwikalanga mubaantu kikupu ne. Bakekalanga myaaka 120. ⁴ Banafile bajinga pantaanda mu oa mooba, kabiji ne palutweko. Kino kyaubiwe baana baLesa byo ba songwele baana ba baantu, kabiji bajinga ne naabo na baana. Bano bo bajinga baana balume babiyangala babulume bwajingako kala, ba balume baile nkuwa. ⁵ Yehoba wamwene amba bubipisho bwa baantu bwakijishamo kubaya muntaanda, ne aya milanguluko ibi ya mumichima yabo saka itwajijilatu mukubipilako. ⁶ Yehoba kechikyamuvwishe bulongo ne abya byo balengele baantu muntaanda, kabiji kibobishe bulanda mu muchima. ⁷ Byonkabyo Yehoba waambile amba, ''amiwa nke bafumwapo baantu abo amiwa bona lengele kufuma pantaanda __baantu ne banyama, ne bintu bikalaba ne bangonyi ba mwiulu, mambo kechi kyangumwishishe bulongo ne byo nebalengele''. ⁸ Bino Nowa watajiwe bulongo ku meso a Yehoba ⁹ Abye byo ajinga Nowa. Nowa wajinga muuntu, wa oloka, ne wabula kaneneno mu baantu ba kimye kyanji. Nowa wa endelenga na Lesa. ¹⁰ Nowa waikajile na shanji wa baana ba balume ba satu: Shema, Hama, ne Yafeta. ¹¹ Ntaanda yajinga yatamishatu ku meeso a Lesa, kabiji yayujilwetu na bukapondo. ¹² Lesa wi imwene ntaanda, tajijisha, yajinga yatamishatu, mambo bone bantuunshi batamishishe mashinda abo pantaanda. ¹³ Lesa wa ambile kwi Nowa amba, ''Amiwa mbena kumona namba kyo kimye kya kubika mpelo ku bantunshi bonse, mambo ntaanda yayulwa na buka pondo kupichila mwi abo. Ibyo, Amiwa sakwi bonauna abo na ntaanda. ¹⁴ Wifiikili obewamwine bwato bwa mapulanga a kechi kya ngofela. Uchibaulemo bibamba mukachi ka bwaato, ne kwikishinka na manonokela mukachi ne pangye. ¹⁵ Abye byobyo wafwainwa kwi bufiika: Mubula bwa bwaato mukekale makyubichi bitoota bisatu; mu bwipi bukekala makyubichi makumi ataanu ne mu kimino bwakyo mukekale makyubichi makumi asatu. ¹⁶ Kabiji ulenge ne kipenze, mubwato kwiulu saka kwashala kyubichi umo kufika ko bwapela. Ukashe kibelo kya bwaato mumbavu yabo. Bwaato ukalenge none mazubo asatu o batentakanya imo panshi, imo ya pakachi ne yabusatu ya peulu. ¹⁷ Umvwa, Amiwa nji mukuleta muyuulo wa meema pa ntaanda, ku konauna ba ntunshi bonse aba baji mwi akyo buumi bwa kupeema kufuma panshia a mwiulu. Kyonse akya kiji pa ntaanda kikafwa. ¹⁸ Bino amiwa kekajika luyangano lwami na obewa. Obewa ukeya mubwaato, obewa, ne baana bobe, ne mukazhi obe, ne bakazhi ba baana bobe na obewa. ¹⁹ Ku bilengwa byonse biji na buumi, ukasendenga bibiji bibiji byo wafwainwakuleta mu bwaato, ku kwi bilama byumi na obewa, byonse kilume ne kikazhi. ²⁰ Ku kangonyi mwaila misango yabo, ne ku banyama monka mwaila musango wabo, ku byonse bintu bikalaba bya pa mushiji monka mwaila musango wabyo, bibiji kwakusala konse kukeya. ²¹ Wibungizhizhe obewa mwine konse kajo kapusana pusana kafwainwa kujiwa ne kwi kabika, byonkabyo aka kakekala kajo kobe ne abo.'' ²² Byonkabyo Nowa waubile kino. Monka mwa mukambizhizhe Lesa mu byonse, byonkabyo wa ubile.