¹ Bano bo bajinga bamukisemi kya baana ba Nowa, boba, Shema, Ham, na Yafeta. Baana basemenwe kwi abo pakupita muyulo. ² Baana ba kwa Yafeta bajinga Goma, Magogi, Madai, Yavwanyi, Tubala, Mesheke ne Tilasa. ³ Baana ba Goma bajinga Ashekenazi, Lefwata, ne Togama. ⁴ Baana ba Yavwanyi bajinga Elisha, Tashishi bena Kiti, ne bena Dodanyi. ⁵ Kufuma ku bano baantu bekala kumisezho ya mwapeta tulunga bapalangenejile mumishiji yaabo, umo umo na mulaka wanji, mwaila kubisaka byaabo, na mukoka waabo. ⁶ Baana bakwa Hamabajinga Kushi, Mizilaima, Puta, ne Kenana. ⁷ Baana bakwa Kush bajinga Sheba, Havila, Sabata. Baana bakwa Laama bajinga Sheba ne Dedanyi. ⁸ Kushi waikajile shanji wa Nimalode, ao wajinga kikashipano pa ntaanda. ⁹ Aye wajinga kibinda wa bukikakashi kumeeso a Yehoba. Byonkabyo kya ambiwa amba, ''Nobe Nimaloda, wa kikakashi ku meeso a Yehoba. ¹⁰ ''Ntendekelo ya bufumu bwanji bwajinga Babilona, Uluka, Akada ne Kaline, mu ntaanda ya Shinala ¹¹ Kufuma muyooya ntaanda aye waile ku Asilya ne kutunga muzhi wa Ninevwa, Lehobota il, Kala, ¹² ne Lesena, ao wajinga pakachi azku Ninevwa ne Kala. Wajinga muzhi mukataampe. ¹³ Mizilaima nangwa amba Ijipitawaikajile shanji wa Luda, Anamu, Lehaba, Nafutuha, ¹⁴ Patalushi, Kosaluba (kwafumine beena Filishitiya), ne bena Kafutole. ¹⁵ Kenana waishile kwikala Shidona, mubaji wanji, ne Heta, ¹⁶ naye wa Yebusi, Amoli, Giligashi, ¹⁷ bena Hivi, Alaki, bena Shini, ¹⁸ bena Alavwadi, bena Zemali ne bena Hamata. Kabiji palutwe bisaka bya Kenana bya palangene ^{19 20} Mupaka wa Kenana wajinga kufuma mu Sidona, kuya mu ja ku Sodoma, Gomola, Adama, ne Zeboimu, kufika ne ku Lasha. Bano bo bajinga baana ba Hama, na bisaka byaabo, na milaka yaabo mu mataanda abo, ne mu mikoka yaabo. ²¹ Baana ba balume basemenwe kwi Shema, Kolojanji Yefeta. Shema kabiji wajinga mushakulu wa boonse baantu ba mu Ebelu. ²² Baana ba Shema bajinga Elama, Ashula, Apakashada, Luda, ne Alamu. ²³ Baana ba Alamu bajinga Uze, Hula, Getela, ne Masha. ²⁴ Apakashada waikajile shanji wa Shela, ne Shela waikajile shanji wa Ebelu. ²⁵ Ebelu wajinga na baana ba balume babiji. Jizhina ja umo wajinga Pelega, maambo mu mooba anji ntaanda beyabenye. Aye nkasanji wajinga Yokotana. ²⁶ Yokotana waishile kwikala shanji Alamodada, Shelefwa, Hazamabeta, Yela, ²⁷ Hadolamu, Uzala, Dikila, ²⁸ Obala, Abimaela, Sheba, Ofila, ²⁹ Havila ne Yobaba. Boonse bano bajinga baana ba Yokotana. ³⁰ Kyaalo kyabo kyajinga kufuma mu Mesha, ne kuya ja Sefwala, ja mitumba ya ku musela. ³¹ Bano bajinga baana ba Shema, mwaila kisakakyaabo ne milaka yaabo, mu mataanda abo, mwaila mikoka yaabo. ³² Bino byajinga bisaka bya baana ba balume ba Nowa, mwaila bisemi byaabo, na mikoka yaabo. Kufuma ku ino mikoka ba palangene ne kuya mose monse pa ntaanda byapwile muyulo.