¹ Pano muloolo wajinga wakijisha mukujimuka kukila byonse binyama balengele, Yeoba Lesa. Aye wa ambile ku mwaanamukazhi amba, ''Nanchi Lesa ambilepo amba, 'Anweba kechi mwafwainwa kujako kufuuma kukichi kiji kyonse kya mubujimi nenyi?'' ² Mwaanamukazhi wa ambile ku muloolo amba Twafwainwa kuja kipangwa kufuuma ku bichi bya mubujimi, ³ Bino na mambo a kipaangwa kya kukichi kiji pakachi ka bujimi, Lesa waambile amba, kechi mwakonsha kwi kija ne, kabiji amba kwikikwata ne nangwa mukafwa,''' ⁴ Muloolo wa ambile ku mwaanamukazhi amba, ''Anweba kine kechi mukafwa ne. ⁵ Maambo Lesa wayuuka amba juuba jo mukajako meenso enu akashinkulwa ne anweeba mukekale nobe Lesa kuyuuka byawama ne bya bipa.'' ⁶ Mwanamukazhi byo ekimweene kichi amba kyafwainwa kuwama kwikala kajo, kabiji amba kyawamijile ku meenso, ne amba kichi kyasakiwe kulenga umo kewa maana, aye washikwileko bimo bipangwa byakyo ne kwikija. Kabiji washinkwilepo bimo bipangwa byakyo nekupa mwaata wanji ye ajinga nanji, ne aye wikijile. ⁷ Ne meenso a boonse bwabo ashinkukile, kabiji bayuukile amba bajingatu bwamba. Ponkapo balukile mabula a mukuyu kwiavwanga pamo ne kulenga bya kuvweta mabuunda abo. ⁸ Baumvwine mituutu ya Yehoba Lesa saka benda mu bujimi mu juuba jazhindama, byonkabyo mwanamulume ne mukazhanji bafyamine abobene kufuuma ku menso a Yeoba Lesa mubichi bya mubujumi. ⁹ Yeoba Lesa waichile ku mwaana muluume ne kumwambila amba, ujipi obewa?'' ¹⁰ Kabiji mwanamuluume waambile amba, 'Najikwimumvwa mubujimi, kabiji najinga na mooyo, maambo najinga mulekese. Byonkabyo naji kufyama amimwine.'' ¹¹ Lesa wa ambile amba, ''Nganyi waji kukubula amba uji mulekese? wajako kufuuma ku kichi akya kyo na kambizhe obewa kubula kujako? ¹² Mwanamuluume wa ambile amba, ''mwanamukaazhi yenka ye mwampele amiwa kkwikala nanji, ye waji kumpa kipangwa kufuuma kukichi, ne amiwa najikwikala.'' ¹³ Yeoba Lesa waambile ku mwaanamukazhi amba, ''kyokika akye kyo wauba.'' mwanamuukazhi wakumwile amba ''muloolo waji kumbepa amiwa ne kuja naji kuja,'' ¹⁴ Yeoba Lesa wa ambile ku muloolo amba, "Mambo wauba kino, wafingwa obewa bunke mu banyaama bonse bakulela ne bonse banyaama ba mungye. ke munda mobe amwa mo ukendelalanga, ne lukungu alwa lo ujanga mu mooba obe onse a buumi bobe. ¹⁵ Amiwa nkabika bulwanyi pakachi ka obewa ne mwanamukazhi ne pakachi ka nkunwa yobe ne nkunwa ya mwanamukazhi. Aye ukakozha mutwe obe, ne obewa ukakozha kashiko kanji. ¹⁶ Ku mwanamukazhi wa ambile amba, ''Amiwa kavujisha misongo mu kwimita kobe; ke mumisango amwa mo ukakapananga lusemo ku baana. Kusaka kobe kukekala kwa mwataobe, bino aye ukakutangijilanga obewa.'' ¹⁷ Kwi Adama aye waambile amba, "maambo obewa waji kumvwina ku jiwi ja mukazhi obe, ne kuja waji kuja kufuma ku kichi, na maambo akyo na kukambizhizhe obewa, kwamba amba Obewa kechi wafwainwa kujako kufuuma kwi akyo ne, 'Wafingwa mushiji namaambo a obewa; kupichila mumingilo yakosa mo moukajilanga mu mooba obe onse a buumi boobe. ¹⁸ Kikakumeneshanga miiba ne nseku maambo a obewa kabiji obewa ukajanga bimena mu majimi. ¹⁹ Na jisulwila mukilungi kyobe mo moukajilanga nshinkwa, kufikatu ne byo ukabwela ku mushiji, maambo kufuuma kwi akyo ko wafumine. Maambo wi lukungu obewa, ne ku lukungu ko ukabwela.'' ²⁰ Mwaanamulume waichile jizhina ja mukazhanji amba Eva maambo aye yewajinga inaja bonse bomi. ²¹ Yeoba Lesa walengele Adama ne bya mukazhanji bivwalo bya myai ne kwibavwika abo. ²² Yeoba Lesa wa ambile amba, "Pano muuntu waikala kala nobe umo mwi atweba, kuyuka byawama ne byabipa. Byonkabyo pano aye kechi aswishiwe ku kukwatako kuboko kwanji, ku kufumyako ku kichi kya buumi, kwikija, ne kwikala myaaka ne myaaka ne.'' ²³ Ponkkapo Yehoba Lesa wa mufumishemo mubujimi bwa Edena, kuya mukujima mushi konka ko ba mufumishe. ²⁴ Byonkabyo Lesa wamufumishe muuntu wabujijimi, ne kubika ba kelubi ku musela wa Edena, ne lupaanga uteema mujilo awa wa alulukilenga konse konse, mukuba amba alame jishinda jaya ku kichi kya buumi.