¹ Mwaanamuluume wayukile Eva mukazhi wanji kabiji aye waimichile ne kuseema kaina. Eva wa ambile amba, ''Amiwa nasema wamulume na bukwaasho bwa Yehoba.'' ² Kabiji wasemene ne nkansanji Abela. Pano Abela waikajile wa kulaama banyaama, bino kaina wa ikajile wa kujima mushiji. ³ Kyaishile kubiwa akya pakupita kimye kaina wa letele bimo bipangwa bya kumushiji nobe mulambo wi Yehoba. ⁴ Mino aye Abela, waletelepo bamo babeji ba mikooko bakujitanga janji ne amo mafuta, Yehoba wa muswile Abela ne mulambo wanji, ⁵ Bino kaina ne mulaambo wanji kechi bebiswile ne.Byonkabyo kaina wazhingijile bingi ne nkanyi pakilungi. ⁶ Yehoba waambile kwi kaina amba, ''kika obewa kyo wazhingijila kabiji ikika kyo waubila nkanyi pakiluungi? Inge obewa wauba kyawaama, kechi basa kukuswa nenyi? ⁷ Bino inge kuba kyawaama ne, bubi bwaku belamina ku kibelo kabiji bwa kusakisha obewa, bino wafwainwa obewa kwibushinda.'' ⁸ Kaina wa ambile kwi nkasanji Abela. Kyaishile mukubiwa amba byo bakijingatu mu bujimi, kaina wabukijile bukaji nkansanji ne ku mwipaya aye. ⁹ Kabiji Yehoba wa ambile kwi kaina amba, ''Abela nkasobe ujipi?'' Aye amba, ''Aimiwa kechi nayuka ne. yami usunga nkasami nyi?'' ¹⁰ Yehoba wa ambile amba, ''kika kyowauba obewa? Mashi a nkasobe abena kwita amiwa kufuuma pa mushiji. ¹¹ Pano mafingo aji pe obewa kufuuma pa mushiji, ao a shinkula kanwa kao ku kutambwila mashi a nkasobe kufuuma mu kuboko kobe. ¹² Byo ukajima pa mushiji, kutendekatu ponka pano mushiji kechi ukakumenesha kajo kwi obewa na buluume ne, Wa kususuta ne wa kupitamo byo ukekala mu ntaanda.'' ¹³ Kaina wa ambile kwi ba Yawe amba, ''Lukabisho lwami lwakila pa byo nakonsha kusenda. ¹⁴ Ibyo, ja lelo mwampanga kufumapo pa uno mushiji, kabiji amiwa ba kamfya kufuuma ku kiluungi kyenu. Nkekala wa kususuta ne wa kupitamo mu ntaanda, ne ujiyense ukantaana ukangipaya amiwa.'' ¹⁵ Ba Yeoba babikile kayuukilo pe kaina, pakuuba amba inge ujiumo wamutaana aye, awa muuntu akabule kumwipaya. ¹⁶ Byonkabyo kaina wafumiineko ku meenso a ba yeoba ne kuya mukwikala mu muzhi wa Noda, musela wa Edena. ¹⁷ Kaina wayuukile mukazhanji ne aye waimichile, Wa semeene ne Enoka. watungile ne muzhi ne kumutuumba mwaila jizhina ja mwaananji Enoka. ¹⁸ Kwi Enoka kwasemenwe Iladi, Iladi waikele shanji wa Mehuyaela. Mehuyaela waikele shanji wa Metusaela. ¹⁹ Lameki watolelepo aye mwiine bakazhi babiji. Jizhina ja umo wajinga Ada, ne jizhina ja mukwabo wajinga Zila. ^{21 20} Ada wasemene Yabela. Yewajinga shanji wa booba balaala mu matente ne kwikala na banyaama ba kulela. Jizhiina ja nkasanji wajinga Yubala. Yewajinga shanji wabooba bemba pa masense ne mimpempe. ²² Nobe na maambo a Ziona aye wasemene Tubalakena ye wa bujile bya kwingijilako bya lubeemba ne kapotwe. Nyenga wa kwa Tubalakena wajinga Naama. ²³ Lameki wa ambile ku bakaazhi banji amba, ''Ada ne Zila, telekai ku jiwi jami; anweeba bakazhi ba Lameki, telekai ku byaambo byami. Maambo Amiwa naipaya muuntu maambo waji kunkozha amiwa, songwaluume maambo waji kumfumpa amiwa. ²⁴ Inge Kaina bamushinkanya jitaanu na jibiji, nanchi Lameki basa kumushinkanya makumi ataanu na abiji ne ataanu na abiji a bimye,'' ²⁵ Adama wa yukile mukazhanji jikwabo, kabiji wasemene mwaana mukwabo wa muluume. Mukazhi wa mwichile jizhina janji amba Seta ne kwamba amba, ''Lesa wapaana kwi amiwa mwaana wamuluume mukwabo mu kupingakennya pe Abela, maambo Kaina wamwipaile.'' ²⁶ Ne mwaana wa muluume wasemenwe ke Seta kabiji aye wamwichile jizhiina amba Enoshi. Pakyokya kimye waabantu batatwile kwita pa jizhiina ja Yeoba.