¹ Kabiji jiulu ne ntaanda be bipwishishe, ne byonse bintu bya buumi abya byayuzhiwemo. ² Pa juuba ja butaanu na bubiji Lesa wa pwishishe mingilo yanji yo aubilenga ne byonkabyo aye wakokolokele kufuuma ku mingilo janji yonse. ³ Lesa wapesheshe juuba ja butaanu nabubiji ne kwijizhijika, maambo pa jino Lesa wakokolokele kufuuma ku mingilo yanji yonse yayo yo alengele ne yo aubilenga. ⁴ Ano o maambo a meulu ne ntaanda byobe bilelengele, pa joja juuba Yeoba Lesa jo alengele ntaanda ne meulu. ⁵ Bichi byoonse byaji bikyangye kulengwa pano pantaanda, kabiji nangwa kimena kya mubujimi kyanji kikyangye kumeena maambo Yeoba Lesa waji ukangye kulengesha mvula kunokela pa ntaanda, kabiji kechi pajinga muuntu wa kujima pa mushiji ne. ⁶ Bino kamfwa wailenga peulu kufuuma pantaanda ne kutekezha ponse peulu ya mushiji. ⁷ Yeoba Lesa wabuumbile muuntu, kufuuma ku lukungu lwa pa mushiji, kabiji bapuilemo ne muuya mu myoona yanji muuya wa buumi, ne muuntu waikajile na buumi. ⁸ Yeoba Lesa wajimine bujimi bwa kumusela, mu Eden, kabiji monkamo babikilemo muuntu yeba bumbile, ⁹ Kufuuma kumushiji yeoba Lesa walengele kichi kyonse kukoma akya kya wama kwikitala ne ku kajo. Mwa bikilwe ne kichi kya buumi akya kyabikilwe pakachi ka bijiimi, kabiji ne kichi kya kuyuka byawama ne bya bipa. ¹⁰ Mukola waile pangye kufuuma mu Edena ku takezha bijimi. kufuuma momwa wi abenye yaikala ke mikola ina. ¹¹ Jizhiina ja mutaanshi ye pishonyi. Ye umo wazhokolokele monse mu mushiji wa Havila, amwa muji ngolode. ¹² Ne ngolode ya muyewa mushiji yewawama, kabiji kokiji ne deliuma ne onika ¹³ Ne jizhiina ja mukola wa bubiji ye Gihona, Uno ye umo wazhokoloka kupita monse mushiji wa kushi. ¹⁴ Jizhiina ja mukola wabusatu ye Tijilisa, kabiji uno wazhokoloka ku musela wa Ashula. Ne mukola wa buna ye ufelata. ¹⁵ Lesa waseendele muuntu ne kumubiika mu bujimi bwa Edena ku kwingilamo ne kwibulama. ¹⁶ Yeoba Lesa wa mukambizhizhe muuntu amba, kufuuma ku kichi kiji kyonse kiji mubujimi wafwainwa kujako. ¹⁷ Bino kufuuma ku kichi kyayuka byawama ne bibi kechi ukasekeko ne, maambo kufuuma pa juuba jo ukaja kufuuma kwi akyo, ukafwa kine.'' ¹⁸ Kabiji Yeoba Lesa wa ambile amba, "kechi kyamuwamina muuntu kwikakalatu bunke bwanji ne. Amiwa nsakumulengela nkwasho wa mufwainwa aye,'' ¹⁹ Kufuuma kumushiji Yeoba Lesa walengele yense nyama wa wa mungye ne yense ngonyi wa mu jiulu. Kepo aye wibiletele kwi muuntu ku kumona byo asa kwibitumba. Byonka byatumbile muuntu kyonse kilengwa kyumi jo jizhiina jakyo. ²⁰ Muuntu wapaine mazhina ku bonse banyama bakulela, kutungonyi tonse twa mujiulu, ne banyaama bonse bamungye. Bino ku muuntu ayemwiine kechi kwajiinga nkwasho wamufwainwa aye ne. ²¹ Yeoba Lesa wa mulengeshile kulaala kwazhika kuponena pa muuntu, ponkapo muuntu wa taile Yeoba Lesa wamufumishile lubavu lumo lwanji ne kushinkapo na musunyi poafumishishe lubavu. ²² Na lubavu alwa Yehoba Lesa lo afumishishe kufuuma ku mwaana muluume, Abo balengele mwanamukaazhi ne kumuleta ku mwaanamulume. ²³ Mwaanamuluume wa ambile amba, "kino kimye, uno ye kikupa kya kubikupa byanji ne musunyi wa musungunyi wami Aye usa kwita amba mwaanamukazhi,'' maambo aye bamufumishishe mu mwaana muluume.'' ²⁴ Byonkabyo mwaanamulume ukasha bashanji ne bainanji, aye ukakwatankana ku mukazhanji, kabiji abo bakekala ke mubiji umo. ²⁵ Bonse bwabo bajiinga bwamba, mwaanamuluume ne mukazhawanji, bino kechi bajinga na bumvu ne.