¹ Mu ntendekelo, Lesa walengeele jiulu ne ntaanda. ² Ntaanda yajinga yavuulanganatu ne yatuutu. Mfishi yakuumbene ponse ponse peulu ya kaluunga. Kabiji Mupaashi wa Lesa waendelenga peulu ya pa pelejile meema. ³ Ponkaapo Lesa wa ambile amba, "kwikaale kyeeya, "ne kyeeya kya ikajileko. ⁴ Lesa wamwene kyeeeya, amba kyawamine,Aye wa abenye kyeeya kufuuma ku mfishi. ⁵ Ne Lesa watelele kyeya amba "mute" ne ayo mfishi wi itelele amba "bufuuku".Kabiji kwajinga bufuuku ne lukeelo, juuba jitaanshi. ⁶ Lesa wa ambile amba "pekale mpunzha pakachi ka meema, kabiji pekale maabano meema kufuuma ku meema.'' ⁷ Lesa wa lengeele mpunzha kufuuma ku meema aa ajiinga peulu ya mpunzha. kya ubilwe byonkabyo. ⁸ Lesa watelele mpunzha amba 'jiulu.'' kabiji kwajinga mabaanga kabiji kwajinga ne lukeelo, jo juuba ja bubiji. ⁹ Lesa wa ambile amba, ''Lekai meema aji panshi ya jiulu asambakane pamo ku mpunzha imo ne kuleka mushiji wauma wa mweka.'' Kya ubilwe byonkabyo. ¹⁰ Lesa watelele mushiji wauma amba ''ntaanda,'' ne meema efungila pamo amba ''tulunga.'' Aye wikimwene amba kyawama. ¹¹ Lesa wa ambile amba, ''Lekai ntaanda imeneshe bintu: bimena bilenga nkunwa ne bichi bya bipangwa abyo biji na nkuunwa mu kipangwa kyakyo kimo kimo monka mwaila musongo wakyo,'' kyaubilwe byonkabyo. ¹² Ntaanda yameneshe bintu, bimena bilenga nkunwa mwaila musongo wabyo ne bichi bipanga bipaangwa abyo biji na nkuunwa mubipangwa byabyo, monka mwaila musango wabyo. Lesa wikimwene amba kyawama. ¹³ Kabiji kwajinga mabanga kabiji kwajinga ne Lukeelo, jo juuba ja busaatu. ¹⁴ Lesa wa ambile amba, "lekai kwikale byeeya mu jiulu ku kwabanya mute kufuuma ku bufuuku kabiji lekai abyo bikale nobe biyuukilo, bya bimye, mooba ne myaaka. ¹⁵ Abyo bikale byeeya mujiulu bya kupana kyeeya pa ntaanda,'' kyaubiwe byonkabyo. ¹⁶ Ponkapo Lesa walengele byeeya bibiji bikatampe, kyeeya kikataampe kyokya kulaama bufuuku. kabiji wa lengele ne tubangabanga. ¹⁷ Lesa wibibikile mujiulu ku kupaana kyeya pa ntaanda, ¹⁸ Ku kulaama mute ne kulama bufuuku ne kukwabanya keeya kufuuma ku mfishi. Lesa wikimwene amba kyawama. ¹⁹ Kabiji kwajinga mabaanga kabiji kwajinga lukeelo, jo juuba ja buna ²⁰ Lesa wa ambile amba, '' Lekai, mumeema mwikale mwayuzhiwa nambala ikataampe ya bilengwa byuumi, kabiji lekai ne bangonyi batuumbuke peulu ya ntanda mumpunzha ya jiulu.'' ²¹ Lesa walengele bilengwa bikataampe bya mukaluunga, byonkabyo ne kilengwa kyonse mwaila musaango wakyo, bilengwa abya byenda ne kuyuuzha meema kwi konse kangonyi ka byaapi mwaila musaango wako. Lesa wikimweene amba kwawama. ²² Lesa wibi pesheshe, kwamba amba, mwikale bakusema ne kuvula, ne kuyuuzha meema mutulunga. Lekai bangonyi nabo basemunune pantaanda.'' ²³ Kabiji kwajinga mabaanga kabiji kwajinga lukeelo, jojuuba ja butaanu. ²⁴ Lesa wa ambile amba,'' Lekai ntaanda iseme bileengwa byumi, kyonse monka mwaila musongo wakyo, banyaama bakulela, bintu bikalaba, ne banyaama ba mungye, kyonse mwaila musango wakyo,'' kyaubilwe byonkabyo. ²⁵ Lesa walengele banyaama bamungye mwaila musango wabo banyaama bakulela musaango wabo ne byoonse bikalaba panshi mwaila musango wabyo. Aye wamwene amba kyawama. ²⁶ Lesa waambile amba, ''pano tulenge muuntu mu kipasha kyetu, monka mukipasha kyetu. Lekai abo bekale na bu nkaambo pa banyaama ba lulela, pa ntaanda yonse, ne pa kintu kyonse kikalaba akya pa ntaanda.'' ²⁷ Lesa walengele muuntu mu kipaasha kyanji mwiine. mukipasha kyanji aye wamulengele. wamuluume ne wa mukaazhi wi balengele. ²⁸ Lesa wibapesheshe ne kwibambila amba, ''Mukaseme ne kusemunuuna mukavuule. mukayuuzhe ntaanda ne kwi ikokesha, Mwine na bunkaambo pa masabi a mukaluunga pa bangonyi ba mu jiulu ne pa kyonse kintu kyuumi akya kyenda pa ntaanda.'' ²⁹ Lesa wa ambile amba, Talai, Amiwa nemupa anweba kyonse kimena kiji na nkunwa akya kiji pano pa ntaanda ponse ne kichi kyonse kiji na bipangwa biji na nkunwa kakya mwiakyo. Abyo bikekala kajo kwi anweeba. ³⁰ Ku byoonse binyaama bya pantaanda, ku konse kangonyi ka mumeulu, ne ku kiji kyonse akya kikalalaba pa ntaanda, ne kukiji kyonse akya kikalaba pa ntaanda, ne kukiji kyonse kilengwa kiji na buumi bwa kupema Amiwa napaana kyonse kimane kya mazhamataamba kwikala kajo.'' kyajinga byonkabyo. ³¹ Lesa wamwene byonse abya byo byo alengele. Tajijishai, kyajiinga kyawamisha, kabiji kwajinga mabaanga kabiji kwajinga lukeelo, jo juuba ja butaanu na jimo.