¹ Yehoba waubile kwi Sala byonka aye byo amwambijile kumubila, ne Yehoba waubile kwi Sala byonka byo a mulaile ku mubila. ² Sala waimichile ne ku musemena Abalahama mwaana wa mulume mu bukote bwanji, pa kimye kya nengezhiwa akyo kya ambile Lesa kwi aye. ³ Abalahama wa mutumbile mwaananji jizhina, awa yenka wa semenwe kwi aye, yenka wasemene Sala kwi Abalahama amba, Izaaka. ⁴ Abahalama wa alamishishe mwaananji Izaaka byo ajinga na mooba ataanu na asatu, byonka byo a mukambizhizhe Lesa. ⁵ Abalahama wajinga na myaaka kitota kimo mwaananji Izaaka byo asemenwe aye. ⁶ Sala wa ambile amba, "Lesa wa lengesha amiwa kuseka; ne ujiyense uke kyumvwa ukaseka na amiwa." ⁷ Sala naye wa ambile amba, "Ng'anyi wakonsheshe kwambila Abalahama amba Sala ukakonsha kwamwisha baana, ne pamo Amiwa na musemena mwaana wa mulume mu bukote bwanji!" ⁸ Mwaana wakomene kabiji ba musumwine, ne Abalahama walengele kijiilo kikatampe pa juuba jo ba musumwine. ⁹ Sala wa mwene mwaana wa mulume wa kwa Hagala mwina Ijipita, yenka ye amusemejile Abalahama,saka amusekakumwendeleka. ¹⁰ Byonkabyo Sala wa ambile kwi Abalahama amba, "Mupange awe muzha wa mukazhi ne mwaananji, maambo mwaana wamulume wa iwe muzha kechi ukekala nswanyi na mwaananji wa mulume ne, na Izaaka ne." ¹¹ Kino kintu kya muletejile bingi bulaanda Abalahama na maambo a mwaananji wa mulume. ¹² Mino Lesa wa ambile kwi Abahalama amba, "Kangye wikale na bulaanda na maambo a nsongwalume ne na maambo a nsongwakazhi muzha ne.Umvwa kuji Sala byambo byanji byonse byo amba amba kwi obewa na maambo a ano maambo, maambo ke kupichila mwi Izaaka ba mukisemi kyobe moba kutumbilwa. ¹³ Amiwa kabiji nkalenga mwaana wamulume wa yewa muzha wa mukazhi kwikala mukoka, maambo aye wa mukisemi kyobe." ¹⁴ Abalahama wabuukile bukiji mu lukeelo ,washikwile shinkwa ne fukuta wa mwai wa meema ne kwi kipana kwi Hagala, kwikibika pa mapuzhi anji. Aye wamupeele aye nsongwalume ne kumupaanga. Hagala waile ne kupitang'ana pitang'ana mungye mwa Belesheba. ¹⁵ Meema byo a pwile mu fukuta wa mwai, ae wa mushile mwaana mu bipuupu mukimo. ¹⁶ Ponkapo aye waile, ne kwikala panshi pa lepako pacheeche kufuma kwi aye, pepi nobe pa kutaya muketo wafika maambo aye wa ambile amba, "Lekai amiwa mbule kumona bifwa mwaanami." Saka akajile poopa sa batalang'ana kufuma kwa jinga aye, watwajile peulu jiwi janji ne kujila mabingo. ¹⁷ Lesa waumvwine jiwi ja nsongwalume, ne malaika wa Lesa waichile kwi Hagala kufuma mwiulu, ne kwamba kwi aye amba, "kika kyakukatazha obewa Hagala? Kangye ube mooyo ne, maambo Lesa waumvwa jiwi jansongwalume ponkapo aji. ¹⁸ Imana, umwimanye nsongwalume, ne kumutundaika aye; maambo Amiwa nkamulenga aye kwikala mukoka mukatampe." ¹⁹ Ponkapo Lesa wa mushinkwile meeso anji kabiji wa mweene mushima wa meema. Aye waile ne kuyuzha meema mu fukuta wa mwai ne kumupa nsongwalume wa toma. ²⁰ Lesa wajinga na nsongwalume, kabiji aye wakomene. Aye waikajilenga mungye ne kwaluka kibinda wa buta bwa miketo. ²¹ Aye waikajilengatu mungye mu palana ne inanji wa muletejile aye mukazhi kufuma mu mushiji wa Ijipita. ²² Kya ishile kubiwa pa kyonkakya kimye akya Abimeleki ne Fikola mukulumpe wa bashilikale banji wa amba kwi Abahalama amba, "Lesa uji ne anweba mu byoonse byo muuba. ²³ Pano bino chipai kwi amiwa kuno na Lesa amba anweba kechi mukoba byakungalukamo amiwa ne, nangwa na baana bami , nangwa na ba mukisemi kyami. Mweshai kwi amiwa ne ku ntaanda mo mwaji kwikalanga bukishinka bwa lulayang'ano lumo alwa lona mwesheshe kwi anweba. ²⁴ Abalahama wa ambile amba, "Amiwa nachipa." ²⁵ Abalahama naye wijizhenye kwi Abimeleki na maambo a mushima wa meema awa ba kalume bakwa Abimeleki ba angachile mubukaji kufuma kwi aye. ²⁶ Abimeleki wa ambile amba, "Amiwa kechi nayuka wauba kino kintu ne. Anweba kechi mwambujile ne ja leelo saka jikyangye; Amiwa keechi ne kyumwvine po ne kufika ja leelo." ²⁷ Byonkabyo Abalahama washikwile mikooko ne bang'oombe ne kwibipaana kwi Abimeleki, ne baanabalume babiji ba lengele lulayang'ano. ²⁸ Kepo Abalahama a bikile baana ba mikooko bataanu na babiji bakwitanga bunke bwabo. ²⁹ Abimeleki wa ambile kwi Abalahama amba, "Kya lumbulula ka kya baana ba mikooko bakazhi bataanu na babiji aba bo wibikila abobene?'' ³⁰ Aye wamukumbwile amba, "Abe baana ba mikooko bakazhi bataanu na babiji anweba musa kutambwila kufuma ku kuboko kwami, pakuba amba kikale bukamonyi kwi Amiwa, amba amiwa na poile uno mushima.'' ³¹ Byonkabyo aye watumbile apa pantu amba Belesheba, maambo poopa abo bonse bachipile luchipo. ³² Abo ba lengele lulayang'ano pa Belesheba, kabiji ponkapo Abimeleki ne Fikola, mukulumpe wa bashilikale, ba bwelele ku ntaanda ya ba Filishita.