^{1 2 3} Abalahama watatwile lwendo kufuma poopa kutazha ja kyaalo kya Negeba, ne kwikala pakachi ka kadeshi ne Shula. Aye wajinga mwenyi kwikala mu Gelala. Abalahama wa ambile amba. Mino Lesa waishile kwi Abimeleki mu kiloto mu bufuku, ne kwamba kwi aye amba, "Tajijisha, obewa wimuuntu wafwa na maambo a mwaana mukazhi awa ye wasenda, maambo aye mukazhi wa muuntu." ⁴ Pano Abimeleki kechi waishile pabwipi na aye ne kabiji wa ambile amba, "Nkambo, anweba mukepaya ne mukoka waoloka nyi? ⁵ Nanchi aye mwine kechi waji kwamba kwi amiwa amba, 'Aye nyenga yami ne nyi? Kabiji aye mwine waji kwamba amba, "Aye kolojami wa mulume; Amiwa na uba kino mu koloka kwa muchima wami ne kubulwa maambo kwa maboko ami." ⁶ Kepo Lesa wa ambile kwi aye mukiloto amba, "Ibyo, ne Amiwa nayuka namba mukoloka kwa muchima obe mo waubijile kino, kabiji ne amiwa nakulengeshe obewa kubula kundenga maambo amiwa. Ponkapo Amiwa kechi nakuswishishe obewa kumukwata ne. ⁷ Byonkabyo, mubwezhe mukazhi wa muuntu, maambo aye ngauzhi. Aye usaku kulombelela obewa, ne obewa usa kwikala na buumi. Mino inge ubule kumubwezha aye, uyuke amba obewa ne boonse boobe kine musa kufwa." ⁸ Abimelekai wabuukile lukeelo keelo ne kwita boonse bakalume banji kwi aye mwine. Aye wa ambile byoonse bino biinyu kwi abo, ne boonse baanabalume ba ubile bingi mooyo. ⁹ Ponkapo Abimeleki wa mwichile Abalahama ne kumwambila amba, "Kika kyowauba kwi atweba? Nauba byepi bundenga maambo kwi anweba, abwa bo mwandetela pe amiwa ne mu bufumu bwami bundenga maambo bwa baisha? Mwauba kwi amiwa byubilo bya fwainwa kubula kubiwa." ¹⁰ Abimeleki wa ambile kwi Abalahama amba, "Kika kya lengeshe anweba kuuba kino kintu?" ¹¹ Abalahama wa ambile amba, "Maambo nalangulukile, 'kyakine muno kafwako kuchina Lesa muno mu mpunzha, ne abo basa kungipaya na maambo a mukazhi wami; ¹² Nangwa byonkabyo, ibyo aye nyenga yami mwaana wa mukazhi wa bataatamino kechi mwaana wa mukazhi wa bamaama ne; aye waikajile ke mukazhi wami. ¹³ Lesa byo alengeshe amiwa kusha nzubo ya ba taata ne kwenda kufuma ku mpunzha kuya ku mpunzha, 'na ambile kwi aye namba, 'Obewa wafwainwa kumwesha Azmiwa buno bukishinka nobe mukazhi wami: Konse ku mpunzha ko twafwainwa kuya, ukambe pe amiwa amba, "Aye kolojami wa mulume.''''' ¹⁴ Ponkapo Abimeleki wa shinkwile mikooko ne ba ng'oombe, ne bazha ba balume ne bazha ba bakazhi, ne kupaana kwi Abalahama. Kepo a bwezhezhe Sala, mukazhi wa Abahalama kwi aye. ¹⁵ Abimeleki wa ambile amba, "Tala mushiji wami uji ku meeso enu. Mukekale paji ponse po mwasaka anweba." ¹⁶ Kwi Sala wa ambile amba' "Tala, "Amiwa napaana kwi kolojobe kiumbi kimo kya maali a siliva. Kyo kuvweta maambo aji onse a lengwa kwi anweba mu meeso a bonse baji na anweba kumeeso a ujiyense, anweba mwa bingishiwa.'' ¹⁷ Ponkapo Abalahama walombele kwi Lesa, ne Lesa wabukile Abimeleki, mukazhi wanji, ne bazha banji ba bakazhi pakuba amba abo bakakonshe kwikalanga na baana. ¹⁸ Maambo Yehoba wa shinkile lonse lusemo lwa ba muzubo ya Abimeleki na maambo a Sala, mukazhi wa Abahalama.