¹ Ba malaika babiji bashile ku Sodoma mu mabaanga, Lota saka aikajile pa kibelo kya Sodoma. Lota wiba mweene abo, waimene ku kwiba sambakana abo, ne kufukama panshi na kilungi kyanji pa mushiji. ² Aye wa ambile amba, "Talai pano ba nkambo yami, nemusanshijila alulukilai ku nzubo ya kalume wenu mutwelemo, mwikalemo bufuku bonse, kabiji moowe ne kumaulu enu.Kepo anweba mukabuuka lukelokelo ne kuya pa jishinda jeenu.'' Abo bamukumbwile amba, "Ine, atweba tusakwikala bufuku bonse mu lubanza.'' ³ Mino aye wibakanjikizhe bingi byonkabyo abo baile nanji, ne kutwela mukachi kanzubo yanj. Aye wanengezhezhe bya kuja ne kwibakangila shinkwa wazbula mbizho, ne abo bajiile. ⁴ Mino abo saka bakyangye kulaala, baanabalume ba mu muzhi, baanabalume ba mu Sodoma, ba zhokolokelenzubo, bonse bansongwa lume ne bakulumpe, bonse baanabalume kufuma monse monse mu muzhi. ⁵ Abo ba mwichile Lota, ne kumwambila aye amba, "Baji kwepi baanabalume abo baji kwiya mukachi kwi obewa bufuku? Balete pangye kwi atweba, namba atweba tukonshe kwibayuka abo.'' ⁶ Byonkabyo Lota wa lupukile mu kibelo kuya kobaji ne kushinka kibelo ponka pakulupuka aye mwine. ⁷ Aye wa ambile amba, "Amiwa ne sanshijila anweba, balongo bami, kangye muube kino kyatamishatu. ⁸ Talai pano, Amiwa nji na baana ba bakazhi babula kuyukapo mwaana mulume ujiyense. Nemusanshijila lekai amiwa ne balete pangye kwi anweba, ne anweba muube kwi abo kimuwamina mu meeso enu. Mubule kubatu kintu ku bano baanabalume,maambo abo baiya munshi yakimvule kya mutenge wami." ⁹ Abo ba ambile amba, "Imana kunyuma!'' Kabiji ne abo ba ambile amba, "Awe umo waishile kuno mu kwikala nobe mwenyi, kabiji pano ayed waikala ke nchiba maambo! pano atweba tusa kuuba kyabipisha na obewa kukila na abo." Abo bamufinankenye kyakosa muuntu, kumufina Lota, kwiya pakubwipi na ku pasula kinzhilo. ¹⁰ Mino baanabalume balupwile maboko abo ne kumutwezha Lota mukachi na abo kabiji bashinkile ne kibelo. ¹¹ Kepo benyi ba Lota balengeshe baanabalumebajinga pangye ya kinhilo kya nzubo kubula kumona. ¹² Ponkapo baanabalume ba ambijile Lota amba, "ujipo naujiyense muno nyi? muko, baana bobe ba balume ne baana bobe ba bakazhi,ne ujiyense ye uji na aye mu muzhi, bafumyemo momwa. ¹³ Maambo atweba tuji pabwipi mu konauna ino mpunzha, maambo musango wapo wakwiponauna ku meeso a Yehoba waisha peulu kyakuba Aye witutuma kwi ponauna.'' ¹⁴ Lota waile pangye ne kwamba ku bako banji, ba balume abo balaile ku songola baana banji ba bakazhi, ne kwamba amba, "Bukiji bukiji, fumaimo mu ino mpunzha, maambo Yehoba ubena kusaka konuna muzhi.' Mino ku bako banji babalume kyamwekele nobe kukayatu. ¹⁵ Byo lwaishile lukeelo, ba malaika kanjikizhe Lota, amba, "Tendeka kuya, senda mukazhi obe ne baana bobe babakazhi babiji abo baji pano, byonkabyo anweba mubule kupyaangwa mu kumunanyikwa kwa muzhi. ¹⁶ Mino aye wabanjile kwi mana. Byonkabyo baanabalume bamu kwachile ku kuboko kwa uji, ne kuboko kwa mukazhi wanji, ne maboko a baana banji babiji ba bakazhi, maambo Yehoba wazjinga na lusa pe abo. Be baletele pangye, ne kwi ba bika pangye ya muzhi. ¹⁷ Byo bebaletele abo pangye, umo pa baanabalume wibambijile amba, "Nyemai mupulushe myeo yenu! Kangye mutale kunyuma ne, nangwa kwikalapo pamo mu musanza ne. Munyemene ku mitumba byonkabyo mubulekonaika." ¹⁸ Lota wa ambile kwi abo amba, "Nemusanshijila, ba nkambo bami! ¹⁹ Talai pano, kalume enu wataana lusa ku meeso enu, ne anweba mwamwesha amiwa buwame bukatampe mu kupulusha mweo wami, mino kechi nafwainwa kunyemena mu mitumba ne, mambo byatama byakonsha kuntaana amiwa, kabiji na keya kufwa. ²⁰ Talai pano, muzhi peulu poopa ke muzhi mucheche. Nemusanshijila, lekai nyemeneemo---nanchi ke muzhi mucheech? ---ne bumi bwami busa kupulushawa." ²¹ Aye wa ambile kwi aye amba, "Ibyo , Amiwa mbena kupaana ne kuno kwipuzha naako, namba Amiwa kechi sa konauna muzhi ye wa teela obewa ne. ²² Endesha! nyemena momwa, maambo Amiwa kechi nsakuuba kiji kyonse ne kanaatu ufike momwa.'' Ponkapo ne muzhi ba mutumbile amba Zoala. ²³ Juuba jajinga ja seela kala pantaanda Lota byo afikile mu muzhi wa Zoala. ²⁴ Ponkapo Yehoba wanokeshishe panshi pa Sodoma ne Gomola kibiliki ne mujilo kufuma kwi Yehoba kufuma mu jiulu. Aye ²⁵ waonawile yooya mizhi, ne musanza yense, ne bonse bangikazhi ba yooya mizhi, ne byonse bya menene mu yewa mushiji. ²⁶ Mino mukazhi wa Lota, ao wajinga panyuma yanji watwajile kunyuma, kabiji wa alulukile ke jishiki ja mukele. ²⁷ Abalahama wabukile lukelokelo ne kuya pa mpunzha apa po aimeene kumeso a Yehoba. ²⁸ Aye watajile munshi ja ku Sodoma ne Gomola ne kutazha ja mushiji yense wa musanza. Aye watajile kabiji pa kutajisha, bwishi bwafitumukilenga kufuma pa mushiji nobe bwishi bwa kibili. ²⁹ Byonkabyo Lesa byo aonawine mizhi ya mu musanza, Lesa wa muvulukile Abalahama. Aye watumine Lota kufumapo pa bonaushi byo aonawine mizhi amo Lota mo ajinga mu kwikala. ³⁰ Mino Lota waile peulu kufuma mu Zoala ne kuya mu kwikala mu mitumba na baana banji babiji babakazh,maambo wajinga na mooyo wa kwikala mu Zoala.Byonkabyo aye waikajilenga mu kibwe, aye ne baana banji ba bakazhi. ³¹ Mubeji wa ambile kwi nkasanji amba, "Ba taata bakota, kabiji kafwako mwana mulume kuji konse wa kulaala na atweba mu jishinda ja bonse mukyaalo. ³² Iya, leka atweba tulengeshe bataata kutoma binyu, ne atweba tukalaale nabo, byonkabyo namba atweba tukalame kisemi kya bataata kupichila mwi bataata." ³³ Byonkabyo balengeshe shabo kutoma binyu abwa bufuku. Kepo mubeji atwelele mukachi ne kulaala na bashanji; aye kechi wayukile byo alajile mwaananji, nangwa byo a bukilepo. ³⁴ Juuba jalondejilepo mubeji wa ambile kwi nkasanji amba, "Umvwa, Amiwa bufuku bwapita nalazjile na bataata. Lekai twibatomeshe binyu jikwabo buno bufuku, ne obewa wafwainwa uye ne kulaala nabo, byonkabyo namba tukalame kisemi kya bataata kupichila mwi bataata." ³⁵ Byonkabyo balengeshe bashabo kutoma binyu abwa bufuku nabo, ne mwanyike naaye waile ne kulaala naye. Aye kechi wayukile byo alajile ne byo abukile mwaananji ne. ³⁶ Byonkabyo bonse baana ba bakazhi ba Lota baimichile na shabo. ³⁷ Mubeji wasemene mwaana wa mulume, ne ku mutumba jizhina amba Moabu. Aye waikajile mushakulu wa bena Moabu ba leelo. ³⁸ Nobe na maambo a mwananji wa mukazhi wa mwanyike, naye wasemene mwaana wa mulume, ne kumutumba amba Bena--Ami. Aye waikajile mushskulu wa bena Amonyi ba leelo.