¹ Yehoba wa mwekele kwi Abahalama na ku bichi bya maoko Mamale, byo aikajile aye mu kibelo kya tente mu kyuuya kya juuba. ² Aye watajile peulu kabiji, pakutajisha , aye wa mwene baanabalume basatu baimana saka bakimbakana pabwipi ne aye. Byo eba mwene aye, wiba nyemejile ku kwi basambakana kufuma mu kibelo kya tente ne kufukama panshi pa mushiji. ³ Wa ambile azmba, ''Nkambo yami, inge amiwa natalwa bulongo ku meeso enu, ne musanshijila mwaane kangye mubule kupita pe kalume wenu ne.'' ⁴ Lekai meema acheeche be alete, mowepo ku maulu, ne ku kookoloka anwebene munshi ya kichi. ⁵ Lekai amiwa ne muletelepo tukajo tucheeche, pakuba amba mubwezhemo michima. Apa bino muyenga jishinda jenu, maambo mwaiya kala kwi kalume wenu.'' Abo bamukumbwile amba, ''Uba byonka byo waji kwamba.'' ⁶ Ponkapo Abalahama bukijibukiji waile kwi Sala mutente, ne kwamba amba, ''Endesha, toola bipimo bisatu bya buunga bwalambisha, ukandule ulenge shinkwa.'' ⁷ Ponkapo Abalama wa nyemejile ku jitanga, ne kushikulamo mwaana ng'oombe wa nekena ne kuwama, ne kwi kipana ku bakalume, ne kupelawizha mukupekanya kajo. ⁸ Aye washikwile batala ne mukaka, ne mwaana ng'oombe awa ye bajinga mukupekanya, ne kubika kajo mukyenyi kyaabo, kabiji aye waimene kubwipi na abo munshi ya kichi saka baja. ⁹ Abo ba ambile kwi aye amba, ''Mukazhi obe Sala uji pi?'' Aye wakumbwile amba, "Amwa, mu tente.'' ¹⁰ Wa ambile amba, Amiwa nkabwelatu kwi anweba mukimye kya kisalo, kabiji mona, Sala mukazhi obe ukekala na mwaana wa mulume, kabiji Sala wajinga mu kuteleka mu kibelo kya tente, kyajinga kunyuma yanji. ¹¹ Pano Abalahama ne Sala bajinga bakote, ba komene bingi mu myaaka yabo, ne Sala wajinga wapita kala pa myaaka yafwainwa mwaana mukazhi kwikelapo na lusemo. ¹² Byonkabyo Sala wisekele aye mwine, kwamba ku aye mwine amba, "Bio nakoma kala ne nkambo yanji wakota, amiwa pano nkekala na kuno kusekelela?'' ¹³ Yehoba wa ambile kwi Abalahama amba, "Kika Sala kyo aji kusekela ne kwamba mba, 'Amiwa kya kine nkasema mwaana, byo na kota kala'? ¹⁴ Kujipo kyakosesha kwi Yehoba? Pakimye kya sontwa na Amiwa, mu Kisalo, Amiwa nkabwela kwi obewa. Bino biji kino kimye mwaaka ubena kwiya Sala ukekala na mwaana wa mulume.'' ¹⁵ Kepo Sala akaine ne kwamba amba, ''Amiwa kechi naji kuseka ne,'' maambo wajinga na mooyo. Aye wa mukumbwile amba, '' ine, obewa waji kuseka.'' ¹⁶ Ponkapo baana balume baimene ku kuya ne kutala munshi ja Sodoma. Abalahama wa ile naabo ku kumona kuya kwaabo. ¹⁷ Mino Yehoba wa ambile amba, ''Nkonshe Amiwa ku mufya Abrahama kyo mbena kuya mu kuuba, ¹⁸ Abalahama saka akekala mukatampe ne mukoka wa bulume, ne mikoka yoonse ya pantaanda ikapeshiwa mwi aye? ¹⁹ Maambo amiwa namusala aye pakuba amba akafunjishe baana banji ne ba munzubo yanji pakupita ku kulama mashinda a Yehoba, pakuba amba Yehoba akonshekuleta pe Abalahama byo a ambile kwi aye.'' ²⁰ Ponkapo Yehoba wa ambile amba, "Na maambo a kujijisha kwa Sodoma ne Gomola kwi kilamo kubaya, kabiji maambo bundengamambo bwaabo bwa kijishamo, ²¹ Amiwa pano mbena kuya munshi moomwa ne kumona ku jijisha kwanji akwa kwaiya kwi amiwa, inge be byuuba. Inge ine, Amiwa nkayuka.'' ²² Byonkabyo baana balume ba alulukile kufuma ponkapa, ne kuzha ja Sondoma, mino Abalahama wa shajile saka aimana kumeeso a Yehoba. ²³ Ponkapo Abalahama wafwenyenye kwipi ne kwamba amba, ''Mwane mukonauna baoloka pano ne babinyi? ²⁴ Kampe muji makumi ataanu baoloka mu muzhi.Muke kipyangapo ne kubula kushapo mpunzha na maambo a booba makumi ataanu baoloka aba bajimo? ²⁵ Kyafwainwa kwikala palepa kufuma kwi anweba kuuba kino kintu,kwipaya baoloka pamo na babi, byonkabyo aba baoloka ba konshe kwibobila pamo nobe babi. Kikale kwalepa ne anweba! Nanchi mutonyi wa ntaanda yoonse kechi obe kya oloka ne nyi? ²⁶ Yehoba wa ambile amba, "Inge na taanamo mu Sodoma makumi ataanu baoloka monka mu muzhi, abya Amiwa kaleka mpunzha yonse na maambo a abo." ²⁷ Abalahama wa kumbwile ne kwamba amba, "Talai pano, Amiwa ne twikakyo kya kwamba kwi nkambo wami, nangwatu amiwa ne lukungu ne buto! ²⁸ Kiji byepi inge kwa kepelwa bataanu kufuma mu makumi ataanu baoloka? Mukonauna muzhi yense na maambo a kubulwapo kwa bataanu? Kabiji aye wa ambile amba, "Kechi nkamonauna ne ine natanamo makumi ana ne bataanu." ²⁹ Wa ambile kwi aye jikwabo, ne kwamba amba, "Pano inge mwatanwa makumi ana momwa?" Aye wamukumbwile amba, Amiwa kechi nkenkyuuba ne namaambo a booba makumiana.'' ³⁰ Aye wa ambile amba, "Nemusanshijila kangye muzhingile ne, Nkambo, byonkabyo nkonshe kwambakampe mwatanwatu makumi asatu mo mwa." ³¹ Aye wa ambile amba, "Talai pano, Amiwa ne twika kyakwamba kwi Nkambo yami! Kampe makumi abiji ataanwamo monka." Wamukumbwile amba, kechi nkonauna ne na maambo a booba makumi abiji." ³² Aye wa ambile amba, "Nemusanshijilapo mwane kangye muzhingile ne, Nkambo kabiji Amiwa nsa kwambakotu kimo kyapelako. Kampe mwatanwatu jikumi moomwa." Kabiji wamukumbwile amba, Amiwa kechi nkonauna ne namaambo abooba jikumi." ³³ Yehoba waile pa jishinda janji byo apwishishetu kwamba na Abalahama, ne Abalahama wabwelelemo kwanji.