¹ Abalama byo a fikizhizhe myaaka makumi ataanu na ana ne myaaka itanu na ina, Yehoba wa mwekele kwi aye ne kumwambila amba, ''Amiwa ne Lesa wa bulume boonse. Wendenga ku meeso ami, kabiji wikale wabula kaneneno. ² Kepo amiwa kafikizha lulayang'ano lwami pakachi ka amiwa ne obewa, kabiji nkakuvuzha obewa kukizhamotu.'' ³ Abalama wafukamine panshi na kilungi kyanji panshi ne Lesa wa ambilenga nanji, amba, ⁴ ''Nobe na maambo amiwa, tajisha, mulaye wami uji na obewa. Obewa ukekala shanji wa mikoka yavujisha. ⁵ Jizhina joobe kechi jisakutelwa jikwabo amba Abalama ne, mino jizhina joobe jisa kutelwa amba Abalahama__maambo na kusala obewa kwikala shanji wa mikoka yavujisha. ⁶ Amiwa nkalenga obewa kukuvuzhatu, kabiji amiwa nkalenga mikoka ya obewa, ne mafumu akafuma mwi obewa. ⁷ Amiwa kekajika lulayang'ano lwami pakachi ka amiwa ne obewa ne ba mukisemi kyoobe palutwe yoobe, monsetu mu mankulo abo na lulayang'ano lukabula kupela, kwikmala Lesa kwi obwea ne ku bamukisemi kyoobe pakupita obewa. ⁸ Amiwa kapana kwi obewa, ne kuba mukisemi kyoobe pakupita obewa, ntaanda yo mwajinga na kwikalamo bwenyi, yoonse ntaanda ya Kenana, kwikala yaabo ya myaaka, ne amiwa kekala Lesa waabo.'' ⁹ Ponkapo Lesa wa ambile kwi Abalahama amba, ''Nobe pe obewa, wafwainwa kulama lulayang'ano lwami, obewa ne ba mukisemi kyoobe pakupita obewa monsetu mu mankulo abo. ¹⁰ Awe ye lulayang'ano lwami ao ye mwafwainwa kulama, pakachi kami ne obewa ne ba mu kisemi kyoobe pakupita obewa: Yense wa mulume mwi anweba wafwainwa kwalama. ¹¹ Wafwainwa kwalamishiwa mu mubiji obe ku kakikoba ka kulutwe, kabiji kino kikekala ke kiyukilo kya kumwenako lulayang'ano pakachi ka amiwa ne anweba. ¹² Yense wa mulume mwi anweba awa uji na mooba ataanu na asatu wafwainwa kwalamisha, monsetu mu mankulo a baantu boobe. Akye kibikwapotu ne aye wasemukila mukachi ka bya munzubo yoobe ned aye wapotwa na maali kufuma ku uji yense mweenyi wa ku kyaalo kingi ao wabula wa mukisemi kyoobe. ¹³ Aye wa semukijile mu bya munzubo yoobe ned aye wapotwa na maali obe wafwainwa kwalamishiwa. Abyo lulayang'ano lwami lukekala mu mibiji yeenu lwa lulayang'ano lwa myaaka. ¹⁴ Yense wabula kwalamishiwa wa mulume ao ye babula kwalamisha mu mubiji wa ka kikoba ka kulutwe ukachibiwako kufumako ku baantu banji. Aye walala lulayang'ano lwami.'' ¹⁵ Lesa wa ambile kwi Abalahama amba, ''Nobe pe Salai mukazhi obe, kangye ukamwite amba Salai jikwabo ne. Mukupingakenyamo, jizhina ja aye jikwabo Sala. ¹⁶ Amiwa nkamupesha aye, kabiji kakupa mwaana na aye. Amiwa nkamupesha aye, kabiji aye ukekala inanji wa mikoka. Mafumu a baantu aka fumanga mwi aye.'' ¹⁷ Ponkapo Abalahama wafukamine panshi, na kilungi kyanji panshi ne kuseka, ne kwamba mu muchima wanji mukachi amba, "Amba mwaana wakonsha kusemwa ku muuntu uji na myaaka kitota kimo? Sala uka ataanu na ana, kusema mwaana wa mulume?'' ¹⁸ Abalahama wa ambile kwi Lesa amba, "O abya Ishimela akekaleko na buumi ku meeso enu!'' ¹⁹ Lesa wa ambile amba, "Ine, mino Sala mukazhi obe uka kusemena mwaana wa mulume, kabiji wafwainwa ukamutumbe jizhina amba Izaaka. Amiwa kekajika lulayang'ano lwami na aye nobe lulayang'ano lwa myaaka na ba mu kisemi kyanji pakupita aye. ²⁰ Nobe pe Ishimela, Amiwa nakumvwa obewa.Tajisha, Amiwa na mupesha aye kabiji nkamulenga aye kusemununa ne kumuvuzha aye pakatampe. Aye ukekala shanji wa bitumbafumo jikumi na bibiji, ne ku mulenga aye kwikala mukoka mukatampe. ²¹ Mino lulayang'ano lwanji Amiwa nkelwikajika na Izaaka, ao ukasema Sala kwi obewa pa kyonka kino kimye myaaka ubena kwiya.'' ²² Byo apwishishe kwaamba na aye, Lesa waile peulu ku musha Abalahama. ²³ Kepo Abalahama washikwile mwaananji Ishimela, ne boonse booba basemukijile mu bya munzubo yanji, ne kwi balamisha mubiji wa kulutwe kwakikoba mu jonka juuba jimo, byonka bya ambile Lesa kwi aye. ²⁴ Abalahama wajinga na myaaka makumi ataanu na ana ne ataanu na ana byo ba mutwezhele mu mukaanda ku muchibako kalomolomo ka kulutwe ya mubiji wanji. ²⁵ Ishimela mwaananji wa mulume wajinga na myaaka jikumi ne isatu byo ba mwalamishe mu mubiji wa kulutwe ya kikoba kyanji. ²⁶ Mu jonka juuba jimo Abalahama ne Ishimela mwaananji wa mulume bonse ba alamishiwe. ²⁷ Bonse baanabalume bamu bya munzubo yanji ba alamishiwe na aye, kubikapotu ne booba basemukijile mu bya munzubo yanji ne booba ba potewe na maali mu benyi ba ntaanda ingi.