¹ Pano Selai, mukazhi wa Abalama, waji ukyangye kumusemena mwaana aye, mino wajinga na wa mwingilo wanji wamukazhi, mwina Ijipita, wajizhina janji amba Hagala. ² Byonkabyo Selai wa ambile kwi Abalama amba, ''Tala pano, Yehoba walama amiwa kufuma ku kwikala na baana. Nakusanshijila ya ku wa mingilo wami. Kikakonsheka kampe nkekala na baana na aye.'' Abalama wa umvwijile ku jiwi ja Selai. ³ Kyajinga palutwe ya kwikala kwa Abalama myaaka jikumi mu ntaanda ya Kenana aya Selai, mukazhi wa Abalama, kyo apaine Hagala, wa mwingilo wanji mwina Ijipita, kwi mwata wanji nobe mukazhi. ⁴ Byonkabyo aye waile kwi Hagala, ne aye waimichile. Aye byo a mwene amba aye waimita, watajile Nkambo yanji wa mukazhi na misuula. ⁵ Kepo Selai wa ambile kwi Abalama amba, ''Akye kibi pe amiwa kiji na maambo a anweba. Na paine wa mwingilo wami wa mukazhi mu kyaaji kyeenu, ne byo a mwene amba waimita kala, Amiwa na suulwa mu meeso anji. Lekai Yehoba etuchibile maambo pakachi ka anweba ne amiwa.'' ⁶ Mino Abalama wa ambile kwi Selai amba, ''Tala kuno, wa mwingilo wenu wa mukazhi uji mu maboko enu, ubai kwi aye kyo mwa languluka amba kyawamisha.'' Byonabyo Selai wa mukatezhe bingi aye, ne kunyema wa nyemeneko kufumako ⁷ Malaika wa Yehoba wa mutaine aye kubwipi na nsulo ya meema mungyetu, nsulo aya iji na pa jishinda ja kuya ku Shula. ⁸ Aye wa ambile amba, "Hagala, wamwingilo wa kwa Selai, waji kufuma kwepi kabiji ubena kuyha kwepi?'' Ponkapo aye wa ambile amba, ''Amiwa mbena kunyema nkambo wamukazhi Selai.'' ⁹ Ponkapo malaika wa Yehoba wa ambile kwi aye amba, ''Bwela kwi nkambo yobe wamukazhi, ne ku kokela obewamwine ku luusa lwanji.'' ¹⁰ Kabiji malaika wa Yehoba wa mwambijile amba, ''Amiwa nkavuzha ba mu kisemi kyoobe pakatampe, kya kuuba abo bakavujisha kubala.'' ¹¹ Malaika wa Yehoba kabiji wa mwambijile amba, ''Tajisha, obewa waimita kabiji ukasema mwaana wamulume, kabiji obewa ukamwite jizhina amba Ishimela, maambo Yehoba wauvwa kumanama kobe. ¹² Aye ukakela mbongolo wa mungye ku muuntu. Aye ukekala wa kubukila muuntu yense, ne muuntu yense uka mubikila aye, kabiji aye ukekalanga wa kwipatula kufuma ku balongo banji bonse.'' ¹³ Kepo aye a paine jino jizhina kwi Yehoba wa ambile kwi aye amba, ''Anweba Lesa umona ,'' maambo wa ambile amba, ''Nanchi amiwa kitwajijila kumona, nangwatu palutwe ya aye kumona amiwa?'' ¹⁴ Onkao maambo mushima watumbilwe amba Beela Lahai Loi; tajisha, pakachi ka Kadeshi ne Beleda. ¹⁵ Hagala wa musemejile Abalama mwaana wa mulume, ne Abalama wa mutumbile mwaananji wa mulume, ao wasemene Hagala, amba Ishimela. ¹⁶ Abalama wajinga na myaaka makumi ataanu na asatu ne itaanu na umo byo asemene Ishimela kwi Abalama.