¹ Pakupita bino biintu jiiwi ja Yehoba jaishile kwi Abalama mu kimwesho, amba, ''Kuuba moyo ne, Abalama! Amiwa yami jikebo joobe ne kilambu kyoobe kikatampe.'' ² Abalama wa ambile amba, ''Nkambo Yehoba, mukampa ka, amiwa byo nakikala kwa kubula mwaana, ne nswanyi wa munzubo yami ye Elieza wa ku Damasikasa?'' ³ Abalama wa ambile mba, ''Byo mwakibula kumpa wa mukisemi kyaami, talai, umo wasemekelwe mu nzubo yami ukekala nsanyi wami!'' ⁴ Ponkapo, tajisha, kyambo kya Yehoba kyaishile kwi aye, amba, "Aye muuntu keechi ukekala nswanyi obe ne.'' Mino kanatu umo ukeeya kufuma mu mubiji obe ye ukekala nswanyiobe,'' ⁵ Ponkapo wamulupwile pangye, ne kumwambila amba, ''Tala mwiulu, ne kubelenga tubangabanga, inge wakonsha kwitubula.'' Kabiji wa ambile kwi aye amba, ''Byonkabyo byo bakekala ba kisemi kyoobe.'' ⁶ Aye waketekejile Yehoba, ne aye wikibelengele kwi aya nobe bololoke. ⁷ Aye wa ambile kwi aye amba, ''Amiwa Yehoba, wakuletele obewa kufuma mu Ura wa bena Kalodeya, ku kupa obewa aye ntaanda kwi iswaana.'' ⁸ Aye wa ambile, Nkambo Yehoba, Amiwa nkayuka byepi amba Amiwa nkeiswana?'' ⁹ Ponkapo wa ambile kwi aye amba, ''Undetele ng'oombe mukazhi wa myaaka isatu, ne mbuzhi mukazhi wa myaaka isatu, ne mukooko mulume wa myaaka isatu, kateela, ne mwaana ngalamwe.'' ¹⁰ Aye wamulamwijile bino byoonse, ne kwichiba pakachi ke bibiji, ne kwi bibiika kibese kyonse saka kyatalang'ana na kikwaabo, mino kechi wa abenye tung'onyi ne. ¹¹ Ba ng'onyi baja nyama byo baikijile pa yooya nyama, Abalama wi ba pangilepo. ¹² Ponkapo juuba byo jailenga panshi, Abalama wa ponejiil mu tulo tukatampe tukatampe kabiji, tajishisha, mfishi ikatampe ya kumvwisha mooyo ya muponejile aye. ¹³ Kepo Yehoba wa ambile kwi Abalama amba, ''Yukishatu amba bamukisemi kyoobe ba kekala beenyi mu ntaanda yabula yaabo, kabiji bakabikwa mubuzha ne kumanyikwa myaaka bitoota bina. ¹⁴ Amiwa kabisha awa mukoka awa ye ba kengijisha, kabiji palutwe abo bakafumamo na byaabo bipe bya vujisha. ¹⁵ Mino obewa ukaya bashobe mu muteende, kabiji ba kakuzhijika mu bukote bwawama. ¹⁶ Mu nkulo ya buna abo bakeeya muno jikwabo, maambo bubi bwa bena Amolibukyangye kufikila.'' ¹⁷ Juuba byo jaubile jaya kala panshi kabiji pa fichile, kutajisha, mbaula ya bwishi ne nsoko itema mujilo ya pichile pakachi ka bibese. ¹⁸ Pa jooja juuba Yehoba walengele lulayang'ano na Abalama, amba, ''Kuba mu kisemi kyoobe amiwa napana ino ntaanda, kufuma mu mukola wa Ijipita kufika ku mukola mukatampe, wa Ufelata__ ¹⁹ Ku kyaalo kya bena Keni, ne kya bena Kenizi, ne kya bena Kadamonyi, ²⁰ ne kya bena Hiti, ne kya bena Pelizi, ne kya bena Lefwa, ²¹ ne kya bena Amoli, ne kya bena Kenana, ne kya bena Giligashi, ne kya bena Yebusi.''