¹ Panyuuma ya bino, mu mwaaka wa bufumu bwakwa Atazekeshi mfumu wa Pelisha, Ezela waishile kwi mfumu ku Babilona. Bashaakulu ba kwa Ezela bajiinga ba Seleya, Azaliya, Hilikiya, ² Shalimi, Zakoda, Hahitaba, ³ Amaliya, Azaliya,Melayota, ⁴ Zelahila, Uzi, Buki, ⁵ Abishiwa, Fineasa, Eliaza, ao wajiinga mwaana Alona ng'aanga mukataampe. ⁶ Ezela waishile ku mfumu ku Babilona kabiji wajiinga muneembeshi mukataampe wa mizhilo ya Mosesa ya Yehoba, Lesa wa Isalela, yo a paine. Lesa wa mupeele byoonse byo a loombele maambo kubooko kwa Yehoba kwaji naanji. ⁷ Bamo baana bamu Isalela ne ba ng'aanga, beena Levi, ne ba nyiimbi ba mu nzuubo ya Lesa naabo baile ku Yelusalema mu mwaaka wa butanu na bubiji wa mfumu Atakeshi. ⁸ Wafiikile mu Yelusalema mu ng'oondo wa butanu, ao wajiinga mwaaka wa butanu na bubiji wa bufumu. ⁹ Wafumine ku Babilona pa juuba jitaanshi ja ng'oondo. Jajiinga juuba jitaanshi ja ng'oondo wa butanu po a fikile mu Yelusalema, maambo kubooko kwa Yehoba kwajiinga ne aye. ¹⁰ Ezela wateesheko muchima waanji mu kufuunda mizhilo ya Yehoba ne kwi yuuba ne kufuunjisha malamuna ayo ne byatoongolwa byaanji mu Isalela. ¹¹ Kino kyo kikope kya nkalata yapaine mfumu Atazakeshi kwi ng'aanga Ezela, yeenka muneembeshi, wafuunda byaambo bya mikaambizho ya Yehoba, ne malamuna anjiapanwa kubeena Isalela. ¹² "Atazakeshi mfumu wa ba mfumu, kwi ng'aanga Ezela, muneembeshi wa mizhilo ya Lesa wa mwiulu: ¹³ Naiya pano na kupaana lushimuno naamba uji yeense mu baantu ba Isalela mu bufumu bwaami-pamo ne ba ng'aanga baabo ne beena Levi-abo bakeba kuya ku Yelusalema bakeye ne anweeba. ¹⁴ Amiiwa, mfumu, ne ba mukije kyaami batanu ne babiji, nemutuma boonse na kwiipuzha ipuzha mu Yuda ne mu Yelusalema kwesakana na mikaambizho ya Lesa weenu, ayo iji mu mabooko enu. ¹⁵ Mukaleete siliva ne golide abya byapaana mfumu ne ba kije kyaanji kwi Lesa wa Isalela, wiikala mu Yelusalema. ¹⁶ Mukakasuluke ne kupaana siliva ne golide yo mukataana mu kyaalo kya Babilona, kutwaajijila na mulaambu wakwiitemenwa wa baantu ne ba ng'aanga ye bapaine mu kwiitemwa bya nzuubo ya Lesa mu Yelusalema. ¹⁷ Pakuuba mukeengijishe kupotamo ba ng'oombe, mikooko, ne baana ba mikooko ne mulaambu wa kajo ne mulaambu wa bya kutoma. Bipanwe pa kitapisho akyo kiji mu nzuubo ya Lesa weenu mu Yelusalema. ¹⁸ Mukobile moonse mo mukalaangukila mwa waama na bya siliva ne golide na baloongo beenu, na kusaanchila Lesa weenu. ¹⁹ Mukatuule biintu abya byo be mupeele byajiinga bya mwiingilo wa nzuubo ya Lesa weenu mu Yelusalema. ²⁰ Kabiji ne byoonse bikwaabo bikasakiwa bya mu nzuubo ya Lesa weenu abyo byo musaka, mukataambule mu kipao kya mfumu. ²¹ Amiiwa, mfumu Atazakeshi, na kaambizha bakalama boonse ba mukyaalo ba kubushiiya bwa mukola, amba biji byoonse bya kwa Ezela ng'aanga, muneembeshi wa mizhilo ya Lesa wa mwiulu, byo akaloomba kwi anweeba mwafwainwa kupaana. ²² Kufikatu ne ku kitoota kimo kya matalaanta a siliva, ne kitoota kimo kya masaaka a wiichi, ne kitoota kimo kya ma dalaamu a binyu, ne kitoota kimo kya ma dalaamu a maanyi, ne mukele ubula kupeela. ²³ Biji byoonse bifuma ku mikaambizho ya Lesa wa mwiulu, mwi byuube buloongo bya mu nzuubo yaanji. Pakuuba kiika kyo bakebubukila bufumu bwaami ne bwa baana baanji? ²⁴ Tubeena kwi mubuula naamba kizhila biintu bya ng'aanga, naangwa ba misoonko, naangwa ku ng'aanga, beena Levi, ba nyiimbi, bakalama ba bibelo, naangwa bapeewa mwiingilo wa mukipwiilo ne bakuluumpe ba mu nzuubo ya Lesa. ²⁵ Ezela, na milaangwe yakupa Lesa, wafwainwa kutoongola mitonyi ne baanchiba maambo bakachibilanga baantu boonse maambo mu kyaalo ne mu bushiiya bwa mukola, kabiji ne kulama boonse bayuuka mizhilo ya Lesa. Kabiji wafwainwa kufuunjisha bo ba babula kuyuuka mizhilo. ²⁶ Kabiji ku boonse bakalama mukookelenga mizhilo ya Lesa weenu ne mizhilo ya mfumu-lekai buunchiba maambo bukebayaanjishe beene, lufu loonse naanwa kumupaanga naangwa kumwaangata biintu byaanji naangwa kumutaaya mukaleya. ²⁷ Mapeesho kwi Yehoba, Lesa wa bashaakulu beetu, yeenka wabiika kino kiintu mu muchima wa mfumu ne kunemeeka nzuubo ya Yehoba mu Yelusalema, ²⁸ Kabiji wangubiile lusa ku meeso a mfumu, ne kije kyaanji kabiji ne beene bakuluumpe boonse. Nakosa na kubookon kwa Yehoba Lesa waami, kabiji keepo na koonkenye ba ntaangi ba ku Isalela naamba nkeeye naabo.