¹ Poonkapo ngauzhi Hagai ne ngauzhi Zekaliya, baana ba mukisaka kya Ido, ba awiilenga moonka mujizhina ja Lesa wa beena Isalela ku ba Yudea mu Yuda ne mu Yelusalema. ² Zelubabele mwaana wakwa Shalachele ne Yeshua mwaana wakwa Yozadaka baimeene ne kuteendeka kutuunta nzuubo ya Lesa mu Yelusalema ne ba ngauzhi abo bebatuundaikile pamo. ³ Keepo Tatenai ndama kyaalo wa kyaalo kya kubushiiya bwa mukola, Sheta-Bozenai, kabiji ne bo ajiinga naabo baishile ne kwiibambila amba, "Ng'aanyi wimukaambizha kutuunga ino nzuubo ne kupwiisha na bibuumba?" ⁴ Naabo ba ambile amba, " Mazhina ka aboba baana balume batuungilenga bino bishimikwa?" ⁵ Mino meeso a Lesa ajiinga pa bakuluumpe ba ba Yudea kabiji balwaanyi baabo keechi bebemikile ne. Keepo be baneembejile nkalata kutuma kwi Daliusa kabiji ne na maambo a mikaambizho kwi ibweezha kwi abo na maambo a bino. ⁶ Ino yo nkalata ikwaabo yotwashaajile naayo ya kwa Tatenai, ndama kyaalo wa mu kibuunji kya ku bushiiya bwa mukola, ayo yo batumine kwi mfumu Daliusa. ⁷ Keepo batumine mukaambizho, ne kuneemba bino ku mfumu Daliusa amba, "Muteende boonse ekale ne anweeba. ⁸ Lekai mfumu ayuuke amba twaile ku kyaalo kya ku Yuda ku nzuubo ya Lesa mutaampe. Babeena kwi ishimukulula na maabwe akataampe kabiji babikamo kala myaamba mu bibuumba. Uno mwiingilo uji mu mabooko abo kabiji ubeena kwiingijiwa buloongo ne kuuya paluutwe. ⁹ Kabiji twaipwiizhe bakuluumpe amba, 'Ng'aanyi wimukaambizha kushimika ino nzuubo na bibuumba?' ¹⁰ Kabiji twaipwiizhe ne mazhiina abo naamba mukebayuuke; ne mazhina abooba baantu bajiinga kookwa ne mitwe yaabo nebeelele paanshi. ¹¹ Mino byo betukuumbwile atweeba; ba ambile amba, 'Atweeba twi bakalume ba Lesa wa mwiulu ne pano pa ntaanda, kabiji tubeena kushimukuluula nzuubo yashimikilwe kala papita myaaka yavula mfumu mukataampe wa beena Isalela watuungile ne kwi ipwiisha. ¹² Mino, bashaakulu beetu byo ba muzhiingijishe Lesa wa mwiulu, aye wi bapaine mu kubooko kwa Nebukaneza mfumu wa Babilona, ne Kalodeya, yeenka waonawine ino nzuubo ne kwiibatwala baantu ku Babilona. ¹³ Kabiji byonkabyo, mu mwaaka mutaanshi wa Kilusa mfumu wa Babilona, Kilusa wakaambizhe ba kushimukuluula ino nzuubo ya Lesa. ¹⁴ Mfumu Kilusa wabweezhezhe biintu bya golide ne siliva byajiinga mu nzuubo ya Lesa abyo Nebukaneza byo aleetele kufuma ku teempele mu Yelusalema ne kutwaala mu teempele wa Babilona. Wibibweezhezhe ku muuntu umo ao uji mu Sheshebaza, ao watoongwelwe kwiikala mukuluumpe. ¹⁵ Wa ambile kwi aye amba, "Taambula bino biintu biintu. Yaanga ukebibiike mu teemepele wa mu Yelusalema. Lekai nzuubo ya Lesa Ikashimukuluulwe kookwa." ¹⁶ Mino awe Sheshebaza waileshile ne kwaala kiteendekesho kya nzuubo ya Lesa mu Yelusalema kabiji babeena kwi ituunga, mino ikyaangye kupwa. ¹⁷ Pano Inge kyasekesha mfumu, lekai kikatanwe mu nzuubo yabafikizha ya mu Babilona. Inge mafuunde kufuma ku mfumu Kilusa a painwe mukutuunga ino nzuubo ya Lesa mu Yelusalema. Lekai mfumu atume milaanguluko yaanji kwi atweeba.