¹ Balwaanyi ba beena Yuda ne Benjamina byo baumvwiine amba baantu bo ba kwachile bateendeka kushimika tempele wa Yehoba, Lesa wa Isalela. ² Baishile kwi Zelubabele ne bakuluumpe ba bisaka byaabo. Ba ambile kwi abo amba, "Lekai tushimike neenu, pakuuba, noobe anweeba, tubeena kukeba Lesa weenu ne ku mutapishila bitapisho kufuma ku mooba a Eshadona, mfumu wa Asilya, wituleetele kuno ku mpuunzha." ³ Mino Zelubabele, Yeshua, ne bakuluumpen boonse ba bisaka bya bashaakulu baabo ba ambile amba, "Keechi anweeba ne, mino atweeba twafwainwa kushimika nzuubo ya Lesa weetu, pakuuba ke atweeba tusa kushimikila Yehoba, Lesa wa Isalela, moonka mwakaambizhizhe mfumu Kilusa wa Pelisha." ⁴ Baantu ba mu ntaanda bakookeshe mabooko a baantu ba mu Yuda; baleengejile beena Yuda kuchiina kushika. ⁵ Ba fweetele mazhika kanwa ba mpaanda maana mukuuba amba balubaankanye mitaanshi yaabo. Baubile bino kimye kya mooba onse a Kilusa ne mu bufumu bwa Daliusa mfumu wa mu Pelisha. ⁶ Kabiji pa kutatula kwa bufumu bwakwa Asheselusa, ba neembele nkalata ya kwibalobela beena Yuda ne beena Yelusalema. ⁷ Kwajiinga kimye kya mooba a Atazakeshi amba Bashilama, Mitiledate, Tabele, ne bo baikajile naabo baneembele kwi mfumu Atazakeshi wa Pelisha. Nkalata ya neembelwe mu neembelo ya Ki-silya ne kutuuntulula. ⁸ Lehumi mukuluumpe wa kyaalo ne Shimishai muneembeshi baneembele nkalata mujino jishiinda ku mfumu Atazakeshi pa beena Yelusalema. ⁹ Lehumi mukuluumpe wa kyaalo, Shimishai muneembeshi, ne bo bajiinga naabo, abo bajiinga ba mitonyi ne ba ntuungu ba kwaabo ba mukafulumeende, beena Pelisha, baana balume kufuma ku Eleka ne Babilona, ne baana balume kufuma ku Shushani(Bobena, Elama)-Baneembele nkalata- ¹⁰ Kabiji banuungilweko ne na baantu abo kineemanga Asenapa bo a kwaachile ne kwiibakanjikizha kwiikala mu Samaliya, pano na booba bajiinga mu byaalo biji ku bushiiya bwa mukola. ¹¹ Byo biino byaambo byajiinga mu nkalata yo batumine kwi aye: Ku mfumu Atazakeshi, ba miingilo boobe, baantu ba mukibuunji kiji ku bushiiya bwa mukola, ba neemba bino: ¹² Lekai mfumu ayuuke kino amba ba Yudea bafumine kweenu ne kwiiya kwi atweeba mu Yelusalema babeena kushimukula awa muzhi wa baansatuki baabi. Bapwiisha nsakwa ne kwaala kiteendekesho jikwaabo. ¹³ Pano lekai mfumu ayuuke amba inge uno muzhi watuungwa ne kupwiishiwa, keechi bakapaana misoonko, maali a kashitoma, naangwa a kupatela aji onse ne, ne kyo kya kikakeepeshanga maali akeeyanga ku mfumu. ¹⁴ Ne kiine maambo twaaja mukele wa kipaango, keechi bibeena kwiitabizhiwa kwi atweeba ne kumona byabula mushiingi biji byoonse kubiiwaa ku mfumu. Ke na maambo abino kyo tubeena kutumina bino mu kuyuukisha ku mfumu. ¹⁵ Kupesapesa mu ma buuku a bineembelo bya bashoobe ne kufuunda amba ke muzhi wa buunsatuki ukaleeta byatama ku mafumu ne byaalo. Kyaleengela makatazho avula ku mafumu ne byaalo. Kyaikala ke pakachi ka kusatuka mfumu ku kala ajiinga ke na maambo abino amba kibuunji be kyonaune. ¹⁶ Tubeena kuyuukisha mfumu amba inge muzhi ne bibaamba bya shimikwa, pano kafwaako bikashala byeenu mu kyaalo kubushiiya bwa mukola." ¹⁷ Byonkabyo mfumu watumine mukuumbu kwi Lehumi mukuluumpe ne Shimishai muneembeshi ne bo bekala naabo mu Samaliya ne bashala bajiinga mu byaalo bya kubushiiya bwa mukola amba. "Lekai muteende ekale weenu. ¹⁸ Nkalata yo wantumijile ya alulwa ne kutaangiwa kwi amiiwa. ¹⁹ Byonkabyo byatoongolwa byapainwe kwi amiiwa, kabiji bapeselepesele ne kutaana amba ku kala amba muzhi waimenejile mafumu, ne buunsatuki ne boongozhi byaleengelwe moonka. ²⁰ Mafumu a bulume ba taangijile Yelusalema kabiji bajiinga na ngovu pa biintu byoonse mu byaalo byajiinga ku bushiiya bwa mukola. Misoonko, ne maali a kashitoma, ne a kupela bya painwe kwi abo. ²¹ Pano, leenga mukaambizho wa bano baantu mukuleeka kutuunga awa muzhi ne posotu nkapane mukaambizho. ²² Jimukai kuchiina amba mwakejizhaang'anya. Kiika kuswiisha kino kiinchinya kukoma ne kuleeta boono bwavula bwa bya bufumu byakumweenako. ²³ Mukaambizho wa mfumu Atazakeshi byo a taangiwe ku meeso a Lehumi, Shimishai muneembeshi, ne bo beekala naabo, baile bukiji ku Yelusalema ne kwiibakanya ba Yudea kuleeka kushimika. ²⁴ Poonkapo mwiingilo wa nzuubo ya Lesa mu Yelusalema walekele kufikatu ku mwaaka wa bubiji wa bufumu bwakwa Daliusa mfumu wa Pelisha.