¹ Pakupita bino biintu, mfumu Zakesa wa musuuntwile Amane mwaana Hamedata mwiina Agagi, ne ku muupa kipoona kya bukuluumpe kukila bya babineeme bakwaabo bo ajiinga naabo. ² Boonse ba miingilo ba mfumu bajiinga ku kibeelo kya mfumu ba fukamine ne kwiinamina paanshi kwi Amane, maambo mfumu wiba kaambizhe kuuba kino. Mino Modekai keechi wafukamine naangwa kwiinamana ne. ³ Keepo ba mwiingilo ba mfumu bajiinga ku kibeelo kya mfumu ba mwaambijile Modekai amba, "Kiika kyo mwaleengulwila mukaambizho wa mfumu?" ⁴ Ba mwaambijilenga pajuuba pa juuba, mino aye keechi waloondela mukaambizho yaabo ne. Byonka byo abo ba mubuunjile Amane mukumona kuba amba kana lukatazho lwa kwa Modekai lusa kwiikala byonka bya, maambo aye wi baambijile amba aye wajiinga mu Yudeya. ⁵ Amane byo a mweene amba Modekai keechi wafukamine ne kupaana mushiingi ne, wayuujilwe na bukaji bukataampe. ⁶ Aye walaangulukile mulaanguluko wa kwiipaya Modekai buunke bwaanji, maambo ba miingilo ba mfumu ba mubuujile baantu bakwa Modekai. Aba bajiinga mu ntaanda ya kwa Zakesa. ⁷ Mu ng'oondo mutaanshi (ye ng'oondo wa kwa Nisana), mu mwaaka wa bujikumi na bubiji wa mfumu Zakusa, kisela kya puula-yo lota- bekitailanga ku meeso a kwa Amane, mukusala juuba naangwa ng'oondo. Bekibweezhezhengapo kufika ne ku ng'oondo wa bujikumi na bubiji (ye ng'oondo wa kwa Adala). ⁸ Amane wa ambile kwi mfumu Zakusa amba, "Kuji baantu beenyi bakuumbana ne kuyuula mu byaalo byoonse bwa mu bufumu bweenu. Mizhilo yaabo yapusana na baantu bakwaabo, kabiji keechi bakookela mizhilo ya mfumu ne, onkao maambo keechi kyaswiishiwa ba mfumu kwiiba swiisha bano baantu kwiikala muno ne. ⁹ Inge kibeena kwi musekesha ba mfumu, kaambizhai kwi bepaya, kabiji amiiwa nkapaana biumbi jikumi bya mataleenta a siliva mu mabooko abooba bakeengila uno mwiingilo wa mfumu, maambo a abo kubiika mu kipao kya mfumu." ¹⁰ Ponkapo mfumu wafumishe kaambalaminwe kaanji ne kwi kapaana kwi Amane mwaana Amedata mwiina Agagi, mulwaanyi wa ba Yudeya. ¹¹ Mfumu wa ambile kwi Amane amba, "Amiiwa nkamona kuuba amba maali apanwa kwi obeewa ne ku baantu boobe. Ukeekyube moonka mo walaangulukila." ¹² Keepo baneembeshi ba mfumu be beechile pa juuba ja bujikumi ne busatu mu ng'oondo mutaanshi, ne yooya mikaambizho yoonse yakwa Amane yo a kaambizhe ya neembelwe mu mizhilo ya mfumu ne ku boonse bajiinga mu kyookya kyaalo, ku bakuluumpe ba pusana pusana ba baantu, ne ku bene bakuluumpe bakilaapo ba baantu, mu ntaanda yoonse kwi ineemba mu mulaaka wa baantu boonse. Kya neembelwe mujizhina ja mfumu Zakusa ne kubiikapo kateetesho ka kaambalaminwe kaanji. ¹³ Makalata atwaajilwe ku mabooko a batwaala makalata a mfumu ku bibuunji byoonse bya baandama kyaalo, Zakusa, kwiipaya, ne konauna ba Yudeya, kufuma ku banyiike kufika ne ku bakuluumpe, baana ba bacheeche ba balume ne baana bakazhi mujuuba jimo-jabu jikumi ne asatu mu ng'oondo wa bujikumi (ngoondo wa kwa Adala) - ne mu kupukula biintu byaabo. ¹⁴ Kipeepala kimo kya nkalata kya leengelwe ke muzhilo mu kyaalo kyoonse. Mu kyaalo kyoonse kya ukanyikilwe ku baantu boonse amba bafwainwa ku neengezha jino juuba. ¹⁵ Baluuwe baile lubilo mu ne kutwaala mukaambizho wa mfumu ne malamuna a panyiwe mu muzhi wa Shushana. Mfumu ne Amane baikeele paanshi na kutoma, mino muzhi wa Shushana wajiinga mu lukatazho.