¹ Modekai byo a yuukile byoonse abya bya ubilwe, aye wataambwile bivwaalo byaanji ne kuvwaala bivwaalo bya majila ne kwiipukula buto. ² Aye waile mukachi ka muzhi, ne kujila mabiingo akataampe. Aye waile peepi na kibelo kya kipaango, maambo kafwaako wa swiishiwe kupitamo kasa a vwaala bivwaalo bya majila. ³ Mu bibuunji byoonse, moonse mwafikile mukaambizho ne jifuunde ja mfumu, mwajiinga majila akataampe mu ba Yudeya, na kuzhikilwa na nzala, kujila, ne mabiingo. Mwi abo bavula bavwaajile bivwaalo bya majila ne kwi pukula mu buto. ⁴ Ba nsoongwa kazhi ne ba miingilo bakwa Eshita byo baishile na kumubuula, muka mfumu waikele na bulaanda bukataampe. Aye watumine bivwaalo byaku muvwiika Modekai (vyonkabyo amba akoonshe kuvuula bivwaalo byaanji bya majila), Mino aye keechi a kakoonshe kwi biswa ne. ⁵ Ponkapo Eshita waichile Ataki, umo wamu bantuungu ba mfumu ye a toongwele amba a mwiingijilenga aye. Wamutumine aye kuya kwi Modekai na kuyuuka kyaubiiwe ne byo kya luumbulwiile. ⁶ Byonka byo Ataki waile kwi Modekai mu muzhi ku kwiipi na kibelo kya mfumu. ⁷ Modekai washimwiine kwi aye byoonse byaubilwe kwi aye, ne maali onse a siliva ao Amane oa laile kwi a pima ne kubiika mu kipao kya mfumu pakuuba amba bepaye ba Yudeya. ⁸ Kabiji aye wamupeele nkalata ikwaabo ya jilamuna jo bapaine ku Shushani ja konauna ba Yudeya. Aye waubile bino pakuuba amba Ataki akoonshe kwi kimweesha kwi Eshita, ne kukoonsha ku muyuukisha aye ne kumupa mukaambizho wa kuya kwi mfumu na ku muloomba lusa lwaanji, ne ku musaanshijila na maambo a baloongo baanji. ⁹ Byonkabyo Ataki waile kabiji wamubuujile Eshita bya ambile Modekai. ¹⁰ Keepo Eshita wa ambile kwi Ataki ne ku mukaambizha kubweelamo kwi Modekai. ¹¹ Aye wa ambile amba, "Boonse ba miingilo ba mfumu ne baantu ba mu mapuunzha a bufumu bayuuka amba yeense wa mulume naangwa wa mukazhi watweela mukazhi ka kipaango kya mfumu kwa kubula kumwiita, kujitu muzhilo umo: wakuuba amba wafwainwa kwiipaiwa-kana yeenkawa ye akataambika mfumu ndoondo ya golode pakuuba amba ekale na buumi. Amiiwa keechi baangita kwiiya ku mfumu pa mooba makumi asatu ano ne." ¹² Byonka byo Ataki washimwiine byaambo bya kwa Eshita kwi Modekai. ¹³ Modekai wabweezhezhe ano maawi kwi Eshita: "Keechi ulaanguluke amba mu kipaango kya mfumu, ukanyeema jikwaabo noobe bakwaabo ba Yudeya. ¹⁴ Inge wazhiindama pa kino kimye, bukwaasho ne kupokololwa ku keeya ku ba Yudeya kufuma ku mpuunzha ikwaabo, mino obeewa ne ba mu nzuubo yaba shoobe mukoonaika. Ng'aanyi wayuuka kana kaampepo waikala pakino kifulo kya bufumu na maambo a kimye noobe kino?" ¹⁵ Keepo Eshita watumine ano maawi kwi Modekai amba, ¹⁶ "Yaanga, ukoonkanye pamo boonse ba Yudeya bekala mu Shushani, ne kuzhikilwa na nzala na maambo a amiiwa. Keechi mukaje naangwa kutoma pa mooba asatu, bufuku naangwa mute. Ba nsoongwa kazhi baami ne amiiwa tukazhikilwa na nzala pamo byoonka byo mukooba . Keepo nkaya ku mfumu, naangwa byonka byo keechi kya swiishiwa, kabiji inge konaika, nkonaike." ¹⁷ Modekai waile ne kuuba byoonse a bya Eshita byo a mubuujile kuuba.