¹ Kabiji pakupita bino biintu, kimye bukaji bwa mfuumu Ahaselusa pa kutontoloka, walangulukie pe vashiti ne kyo aubile, walangulukile pa kintu akambizhe amba bamubekyo. ² Keepo ba nsongwaluume ba mfumu ba mwingijilenga baambile amba, ''Lekai kumpesampesa kwi menako ba mfuuumu mu kukeba kamwale walamba babulapo kusambakanapo kala na mwaana muluume. ³ Lekai: mfuumu atongole bakuluumpe bakumonaanga mu byalo byoonse bya bufuumu bwaabo, ne kukonkanya pamo bakamwale balaamba babulapo kusambakanapo na mwaanamuluume kala mu mizhi ya bufuumu ya basongolwa ba ineetu shushani. Balekai bakalamiwenga kwi Hegai, ntuungu wa mfuumu, yenka utala pa kulama baana bakazhi, ne kwiba pa manyi anuka buloonga akwi wamisha. ⁴ Leekai awa kamwale uka tokesha mfuumu akekale mwaji wanji mu mpunzha ya Vashita.'' Buuno bukwasho bwamutokeshejile mfuumu, ne kuba wikyubile. ⁵ Kwajinga mwaana muluume muyudea mu muzhi wa bufuumu mu shushaniabe jizhina janji jajinga Modekai mwaana Yaila mwaana shimei mwaana kisha, wajinga mwina Benjamina. ⁶ Bamusendeele ne kumukwata kufuuma ku Yelusalema naboba bo bakwachile ne kusenda, pamo na Yekoniya, mfuumu wa Yuda, ao mfuumu Nebukachineza wa mu Babilona ye a kwachile kutwalwa mu buuzha. ⁷ Walaminenga byakwa Hadaasa, ao uji, Eshita, mwana wamukazhi wa bamwisho yanji, maambo kechi wajinga na bashanji nangwa bainanji ne Umo kamwale wajinga na booya bwalaamba abo mwatemewe mu kumwekana. Kimye bashanji ne bainanji byo bafwile,Modekai wamusendele kwikala noobe mwananji wamukazhi. ⁸ Kimye mukambizho wa mfumu wabijikiwe byounwanikile, Bakamwale bavula balelwe ku mpunzha ya bufuuma ya shushani. Bapainwe kulamwa kwi Hegai. Eshita nanji bamusendele ne kumuleta ku kipango ne kumubika mu kulamwa kwi Hegai, ao utala pa baineetu. ⁹ Kamwale wamutokeshe, ne kutalwa watajilwe buloongo kwi aye. Ponkapo bamupeele manyi anunka buloongo a kwi wamisha ne kajo kanji ko bamwabwijilepo. Bamupele bansongwakazhi bataanu na babiji kufuuma kukipango, wamuvilwile na bamwingilo banji ku mpuunzha yawaina mu nzubo ya baanabakazhi. ¹⁰ Eshita kechi wabuujile uji yense ne bajiinga baantu nangwa baloongo banji ne, maambo Modekai wamukambizhe kula kubuulako uji yense. ¹¹ Mooba onse Modekai wapichilenga konka kunyuuma ne kulutwe kwa kipaango pangye ya nzubo ya babakazhi, mukafuunda pa bintu byo abena kuuba Eshita, ne bisakubiwa kwiaye. ¹² Pakufika kimye kya bakamwale boonse kuya ku mfuumu Aheselusa byo apwishile kukookela mizhilo ya baineetu pa ba nkondo jikumi na babiji, Bino byobyajinga kimye kya kuwamisha kuwama kwabo byokwapwile: Ba ngondo Bataanu na umo na bataanu na kamo na binunka buloongo ne manyi awaama obewamishisha. ¹³ Kimye kamwale byo aile ku mfuumu, byoonse byoakebelenga bamupeele kufuuma mu nzuubo ya baanabakazhi, amba aye asende kumpuunzha. ¹⁴ Mabaanga watwela, ne lukeelo walupuka kubwela ku nzubo ya bubiji ya baana bakaazhi, ne walaminengwa kwi shaashigaze, ntuungu wa mfuumu, watalaanga pa bisongolwa. Kechi wabwelelenga ku mfumu jikwabo ne kaana watokeshiwa ne kumwita pa jizhina. ¹⁵ Bino kimye byo kyaishile kya kwa Eshita (mwaana mukaazhi wakwa Abihaila, mwinsho yanji Modekai, wamutamwile noobe mwananji) kutwela mu mfuumu, keechi wamulombejilepo kiji kyonse ne poso byonka byo atongwelejle Hagai ntuungu wa mfuumu, watalaanga pa baana bakazhi, walangulukile. Keepo Eshita watajilwe na luusa ku boonse ba kamwale. ¹⁶ Eshita bamutwajile kwi mfuumu Ahaselusa mu mpuunzha wabufuumu pa ngondo wa bujikuumi, ao aji ngondo Tebeta, mu mwaaka wa butaanu a bubiji wa bufumu bwanji. ¹⁷ Mfumu wa temenwe Eshita kukilapo byo atemenwe baanabakazhi bakwabo kabiji watajilwe buloongo na luusa kumenso aji, kukila boonse bakamwale bakwabo bakyangye kusambakanapo na mwaanamulume washikwile kisoote kya bufuumu ne kumubika pa mutwe wanji ne kumulenga mwaji wanji mukifulo kyakuuba amba alenge vashiti. ¹⁸ Mfuumu waletele kijiilo kikataampe kya ba ntuungu ne ba mingilo yanji, ''kijilo kya kwa Eshita,'' ne kumupa misoonko yafuumine mu bubiji. Kabiji wapaine bya buupe bya mubisemwa. ¹⁹ Pano byo bebabungizhe ba kamwale jabubiji babula kusambakanapo kala na mwaanamulume, modekai waikajile pa kibelo kya kipango kya mfumu. ²⁰ Eshita wajinga ukyangye kulumbulwilapo uji yense ne pa baloongo nangwa baantu banji, monka mwamukambizhizhe modekai. watwajijile kulondela mafunjisho akwa Modekai, Byo aubilenga byonka byobamukomeshenga. ²¹ Mu ao mooba, kimye Modekai byo akijinga pa kibelo kya mfuumu, Ba ntuungu babiji ba mfuumu, Bikitaine ne Telesha, mu booba balaminenga kibelo, wazhingijile ne kusaka kuba mfumu Ahaselusa kyatama. ²² Kimye maambo byo afikile kwi Modekai, wabujile mwananji wa mfumu Eshita, ne Eshita waambile kwi mfumu mujizhina ja kwa Modekai. ²³ Byo bamwipwizhe ano maambo ne kuyuka kine, ne boba boonse bebanyongele pa kichi. kabiji ano maambo anembelwe, mu menso a mfumu, mu buuku wa kiseela kya bufuumu bwanji.