¹ Maambo a kino amiiwa, Paulo, ne kaili wa Kilishitu Yesu kwi anweeba ba Ngintila- ² Amiiwa na laanguluka amba anweeba mwa umvwiine bya bukalama bwa buupe bwa Lesa abwa bwa painwe kwi amiiwa pe anweeba. ³ Byafyamika bya yuukanikilwe kwi amiwa na lumweekesho, noobe byo nemuneembelako pacheeche. ⁴ Anweeba byo mukataanga pa kino, anweeba mu kakoonsha kuumvwa kulaanguluka kwaami mu kino kyafyamika pe Kilishitu. Mu ⁵ makulo akwaabo akye kyafyamika keechi kyayuukanyikilwe ku baana ba baantu ne. Pano mino kyasololwa na Mupashi ku batumwa baanji bazhila ne bangauzhi. ⁶ Akye kishiinka kya fyamika ke kya kuuba amba ba Ngentila ba nswaanyi ba kweetu, kabiiji bo ba mubiji umo ne atweeba, kabiiji babana milaye mwi Kilishitu Yesu kupichila mu maambo a waama. ⁷ Pakuuba amiiwa naikele wa mwiingilo wa ano maambo a waama na kya buupe kya Lesa kya painwe kwi amiiwa kupichila mu kwiingila kwa buulume bwaanji. ⁸ Abwe buupe bwa painwe kwi amiiwa-naangwa amiiwa yami napeelako pa boonse baantu bazhila ba Lesa, kusapwiila ku ba Ngentila maambo a bunoonshi bwakubula kukeba bwa Kilishitu ⁹ ne kuleeta ku kyeeya milaanguluko ya baantu boonse- bya kukumya bya fyamika myaaka mwi Lesa, waleengele biintu byoonse. ¹⁰ Awe mulanguluko wayuukanyikilwe kupichila mu kipwiilo byonkabyo amba bandama byaalo ne ba luusa mu mapuunzha aji mwiulu akoonshe kwiiya na kuyuuka mwaujila mba ya maana a Lesa. ¹¹ Akino kya ubiiwe mwaijile mulaanguluko wa mukachi ao ye a fikizhe mwi Kilishitu Yesu Nkambo yeetu. ¹² Pakuuba mwi Kilishitu atweeba tuji na kuchiinchika ne kutweela na luketekelo maambo a lwiitabilo lweetu mwi aye. ¹³ Onkao maambo amiiwa ne miloomba anweeba kubula kubweela munyuuma maambo a kwi muyaanjila anweeba, alo lo lukuumo lweenu. ¹⁴ Na maambo kino amiiwa mfuukama kwi Taata, ¹⁵ kufuuma kwi aye bisemi byoonse mwiulu ne paanshi byapeewa mazhiina. ¹⁶ Amiiwa naloomba naamba aye wafwainwa kwimupa anweeba, moonka mwaila bunoonshi bwa lukuumo lwaanji, kwiikala ba koseshiwa na buluume kupichila mu Mupashi waanji, ao uji mu bu muuntu bweenu bwa mukachi. ¹⁷ Naloomba amba Kilishitu akoonshe kwiikala mu michima yeenu kupichila mu lwiitabilo kabiiji amba mu kakoonshe kutaabilamo ne kushiinkimana mu buteemwe bwaanji, ¹⁸ mu kuuba amba mukoonshe kuumvwisha, pamo baantu boonse bazhila ba Lesa, buji byeepi mubwiipi, mubula, ne mukuzhiika, ¹⁹ ne kuyuuka buteemwe bwa Kilishitu, abo bwaaya kukila maana, byonka byo amba anweeba mukoonshe kuyuuzhiwa na kuyuuka Lesa koonse. ²⁰ Pano ku yeewa wakoonsha kuuba byakila byoonse byo tuloomba nangwa kulaanguluka, mwaila buluume bwaanji abwa bwiingila mwi atweeba, ²¹ lukuumo lwiikale kwi aye mu kipwiilo ne mwi Kilishitu Yesu ku makulo oonse myaaka ne myaaka. Amena.