¹ Pakuuba anweeba, mwafwiile na bundenga maambo ne bubi. ² Monka mu buundenga maambo ne bubi momwaikejile monka mwaila musango wa pano pa taanda Mwaikeelenga mwaila kutangijila kwa luusa lwa mweeela, ye mupashi wingila ne mu baantu bamiilengulwila. ³ Mo mo twaikejile kala ne atweeba bonse, mukufikizha bya lwiiso lwa buntushi bweetu, kasa tuba bisaka saka mubiiji ne muchiima ⁴ Mino lesa munoshi mu lusa maambo butemwe bwaji bwaabaya boetutemwaeesha atweeba. ⁵ Byotwajiinga bafwa mu bundeenga maambo, aye witulengele kwiikale pamo ne kiliishitu__na bupe momwaapulukiila. ⁶ Lesa witubushile pamo ne kilishiitu, ne Lesa witwiikazhile pamo mwiulu na yesu kilishiitu, ⁷ Amba mu myaka ekeya aketumweeshe bunoshi bwabaya bwa bupe bwaji bwakumweesha lusa kwiateeba mwi yesu kilishiitu. ⁸ Pakuuba ku bupe anweeba mwapulukijiile kupichiila mu lukeetekelo, ne bino kechi bya fumine kwi anweeba ne, ke bupe bwa lesa, ⁹ Kechi kufuuma mu miingilo pakuuba mba kafwaako umo wa kwitota. ¹⁰ Pakuuba twiiba mwiingilo wa lesa, balengwa mwi kilishiitu yesu amba tubenga byawama abyo byoatongweejile jimo lesa kala keene, tweendenga monka. ¹¹ Paano vuluukai kuuba mba neanweeba kimye kimo mwajiinga ba Bagetila ku mubiji- mwaiitwa mba "Bambulwamukanda" kuboba bateelwa mba "Bamukanda wa kumubiiji, waubiiwa na mabooko. ¹² Pakuuba mu kyookya kiimye mwaabena na kilishiitu, mwajinga bangi mu kikota kyaabena isaleela, benyi ku malayangano a milaaye, kwaakubula lukeetekelo ne kwakuubula lesa pano pa taanda. ¹³ Mino pano mwi kilishiitu yesu anweeba mwajiinga kwaleepesha na lesa ne kuletwa kwiipi na maashi a kilishiitu. ¹⁴ Pakuuba aye ye muteende. waleengele babiiji ke umo na mubiiji waji wa onawiine kibaamba kya balwaanyi aba be twaabanya atweeba. ¹⁵ Kokuuba amba, wafumishilepo mikambizho amba alengeleemo muntu upya mwi aye, ne kulenga muteende. ¹⁶ Kilishiitu upwaanye bonse baantu mu bumubiji umo ne lesa kupichiila pa musalaaba, ne kwiipaya balwaanyi. ¹⁷ Yesu waishile na kusapwiila maambo awaama a muteende kwi anweeba mwajiinga kwaleepa kabiiji ne kubooba bajiinga peepi. ¹⁸ Pakuuba kupichila mwi Yesu atweeba boonse pamo twaikala na jishiinda mu umo mupashi kwi Taata. ¹⁹ Byonkabyo kabiiji, pano anweeba ba Ngentila keechi mwi beenyi nangwa baangi ne. Mino anweeba mwi beena kyaalo bakweetu na baantu ba Lesa bazhila kabiiji ne ba mu nzuubo ya Lesa. ²⁰ Anweeba mwa shimikwa pa kiteendekesho kya batumwa ne ba ngauzhi, kabiiji ne Yesu Kilishitu aye mwiine ye jiibwe ja pa jikoonka. ²¹ Mwi aye kishimikwa kyoonse kinuungakanya pamo kabiiji kikoma noobe teempele wazhila mwi Nkambo. ²² Mo mwi aye ne anweeba mo mwashimikiwa pamo noobe mpuunzha ya kwiikalamo Lesa mu Mupashi.