¹ Paulo, mutumwa wa Kilihitu Yesu kupichila mu luusa lwa Lesa, ku baantu bazhila ba Lesa mu Efisesa, bakishiinka mwi Kilishitu Yesu. ² Buupe kwi anweeba ne muteende kufuuma kwi Lesa sheetu ne Nkambo Yesu Kilishitu. ³ AKoonshe kutuumbijikwa Lesa ne Shaanji ya Nkambo yeetu Yesu Kilishitu, ao witupeesha atweeba na mapeesho onse a mupashi mu mapuunzha a mwiulu mwi Kilishitu. ⁴ Lesa witu sajiile atweeba mwi aye kufuuma ku kiteendekesho kya ntaanda, amba atweeba tukoonshe kwiikala bazhila kabiji babula tuneeneno ku meeso anji mu buteemwe. ⁵ Lesa witusajiile atweeba kala amba twaaluke noobe baana kupichila mwi Yesu Kilishitu, moonka mwaila buwaame bwa luusa lwaanji. ⁶ Kwaluka kweetu kwaleta kutuumbijika maambo a buupe bwa lukuumo abo bo etupa kyatuutu atweeba mu umo ye ateemwa aye. ⁷ Mwi Yedsu Kilishitu atweeba tuji na bupokolweshi kupichila mu mashi ne mu lulekelo lwa maambo etu, moonka mwaila bunoonshi bwa buupe bwaanji. ⁸ Aye wavuzhizhe buno buupe kwi atweeba na maana onse ne na milaangwe. ⁹ Lesa witu solweejile bya fyamika bya luusa lwaanji, moonka mwaijile kya mutookejile aye, kabiiji kyo a mweesheshe mwi Kilishitu, ¹⁰ na kumona kuneengezha kufika kwa kiimye, ne kuleeta biintu byoonse pamo, biintu byoonse bya mwiulu ne bya pa ntaanda, muunshi ya ntaangi umo, nangwa Kilishitu. ¹¹ Mwi Kilishitu betupeele bunswanyi, byo twa alukile mwaijile kuneengezha kwaanji aye wiingila biintu byoonse mwaila ene maambo a luusa lwaanji. ¹² Lesa witutoongwele atweeba kwiikala baanswanyi byonkabyo amba atweeba, bataanshi ku luketekelo mwi Kilishitu, tukoonshe kwiikala ba kutuumbijika lukuumo lwaanji. ¹³ Mwi Kilisitu, ne anweeba, byo mwa umvwiine byaambo bya bukiine, maambo a waama a lupulukilo lweenu, mwaitabijile mwi aye kabiiji mwabikilwe kayuukilo ka mulaye wa Mupashi Wazhila, ¹⁴ ao ye mulaye wa bya buswaanyi bweetu kufiika ne ku kupokololwa kwa byoonse, ku kutuumbijika lukuumo lwaanji. ¹⁵ Na onka ano maambo, kufuuma kiimye kyo na umvwiine pa lwiitabilo lweenu mwi Nkambo Yesu ne buteemwe bweenu bwa baantu boonse bazhila ba Lesa, ¹⁶ amiiwa keechi naleka kusaanchila Lesa pe anweeba byo ne mitoongola anweeba mu miloombelo yaami. ¹⁷ Naloomba naamba Lesa wa Nkambo yeetu Yesu Kilishitu, Taata wa lukuumo, ukemupa anweeba mupashi wa maana ne lumweekesho mu maana anji. ¹⁸ Naloomba amba meeso a michima yeenu akoonshe kwiikala alaba, amba muyuuke luketekelo lwa lwiito lwaanji ne mwaila bunoonshi bwa lukuumo lwa buswaanyi mu bazhijikwa ba Lesa baanji. ¹⁹ Mu miloombelo yaami amiiwa ndoomba amba muyuuke mwaila buluume bwa ngovu kwi atweeba twaitabila , mwaila kwiingila kwa bulume bwa ngovu. ²⁰ Yo ngovu imo Lesa yo a ingijishe mwi Kilishitu kimye kyo ba musaangwile kufuuma mu baafwa ne ku mwiikazha ku kubooko kwa kilujo kwaanji mu ma puunzha a mwiulu. ²¹ Wamwikazhiile kilishiitu kupitaila kwiine kwaalepesha bufuumu ne luusa ne bulume ne bunkaambo, ne mazhiina onse obamutumbile. kilishiitu ukatangijiila, kechi mu yokaino myaaka ikeya. ²² Lesa wibikiile byonse biintu mushi ya maulu a kilishiitu ne kumupana kukiipwilo amba ekale mutwe wa biintu byonse. ²³ Kipwiilo ye mubiiji wanji, ko kukumbana kwanji, aye kwaakumbana moonse