¹ Paulo wajiishe pa ba meembala ba kiije ne kwaaamba amb, "Baloongo baami, amiiwa naikala na Lesa mu byawaama byoonse bya kubulwa kuzhaatwa kufiika ne leelo jino." ² Ng'anga mukataampe Ananyasa wa kambizhizhe booba ba mwiimenejila mu ku mupuma pa kanwa. ³ Keepo Paulo wa mwaambijile amba, "lesa usa kukupuma obeewa, obeewa kibuumba kya shiingwa mpeemba. Waikala na kunchibila maambo amiiwa mwaila muzhilo, sa wakaambizha amba amiiwa mpumwe, keechi wa zhilulula muzhilo ne nyi?" ⁴ Aba baimeene kwiipi ba ambile amba, "Abye byo byo uneena ng'anga mukataampe nyi?" ⁵ Paulo wa ambile amba, "Amiiwa keechi nayuuka ne, ba loongo baami, amba wajiinga ng'anga mukataampe ne. Pakuuba kyaneembwa amba, " Keechi wafwainwa kwaamba kyatama ku ndama kyaalo wa baantu boobe ne."' ⁶ Paulo byo a mweene amba lubaji lumo lwa kiije bajiinga ba Sadusea ne lukwaabo bajiinga ba Faliseo, aye wa ambile na jiiwi jikataampe mu kiije amba, "Baloongo baami, amiiwa ne mu Faliseo, mwaana wa mu Faliseo. Maambo amiiwa nji na luketekelo lwa lusaanguko lwa baafwa amiiwa lo meena kuchibilwa." ⁷ Byo a ambile bino, lupata lwatatwiile pakachi ka ba Faliseo ne ba Sadusea, kabiiji ne jibuumba ja abeene. ⁸ Pakuuba ba Sadusea baamba amba kafwaako lusaanguko, kafwaako ba malaika, kabiiji kafwaako ne mipashi, mino ba Faliseo beetaba byoonse. ⁹ Byonka byo kiwoowo kikataampe kya buukile, ne baneembeshi bamo ba ba Faliseo baimeene ne kupachika, amba, "Atweeba keechi twataanamo kyaatama mu uno muuntu ne. Kaampe mupashi nangwa malaika wa amba kwi aye?" ¹⁰ Byo kwa buukile lupaata lukataampe, Mukuluumpe wa ba shilikale wa chinine amba Paulo wakoonsha ku mutabaula mu bibese kwi abo, byonkabyo wa kaambizhizhe ba shilika kuuya paanshi ne kumuseenda na buluume kufuuma mukaachi ka ba meembala ba kiije, ne ku muleeta aye mwafyamika. ¹¹ Bufuku bwa loondejilepo Nkambo waimeene kwiipi naanji ne kwaamba amba, "Kuuba mooyo ne, pakuuba byonka byo wanshimwiine amiiwa mu Yelusalema, byonkabyo byo wakoonsha kunshimuna mu Loma." ¹² Byo bwakiile, ba Yudea baamo be buungizhe paamo kabiiji ne kuchipa luchipo, amba, abo keechi bakoonsha kuuja nangwa kutooma biji byoonse ne kana ba mwiipaya Paulo. ¹³ Bajiinga baana baluume kukila pa makumi ana ba baleenge jino jibuuba. ¹⁴ Baile ku ba ng'anga bakataampe ne ku bakuluumpe ne kwaamba amba, "Atweeba twaachipa luchipo lukataampa amba kwafwaako kuuja biintu ne kanatu twaipaya Paulo. ¹⁵ Pano, byonkabyo, lekai kiije kyaambile mukuluumpe wa ba shiliikale amuleete aye kwi anweeba, noobe musaka kuyuuka mwakuubila maambo aanji. Pakuuba noobe atweeba, twi neengezha ku mwiipaya sa akyaangye kufiika kuuno." ¹⁶ Mino mwaana wakwa nyeenga yaanji Paulo wa umvwiine amba abo bapeembelejilenga ku mwiipaya, byonka byo aye waile kabiiji wakatweelele mwa fyamiika ne ku mubuula Paulo. ¹⁷ Paulo waichile umo wa mubashilika ne kumwaambila amba, "Mutwaale uno nsoongwalume ku mukuluumpe wa bashiilika, pakuuba uji na bimo bya ku mubuula." ¹⁸ Byonka byo mushilikale wa museendele nsoongwalume ne ku muleeta ku mukuluumpe wa bashilika ne kwaamba amba, "Paulo kaili waji kuungita amiiwa, kabiiji ne ku ng'aambila kuleeta uno nsoongwalume kwi anweeba. Aye uji na bya kwaamba kwi anweeba." ¹⁹ Mukuluumpe wa bashiilikale wa mukwaachile pa kubooko ne kuuya ku mpuunzha ya fyamika ne kumwiipuzha amba, "Biika byo usaka kumbuula amiiwa?" ²⁰ Ngoongwalume wa ambile amba, "Ba Yudea ba umvwaang'ana kwi miloomba anweeba ku muleeta Paulo keesha ku kiije, noobe bakasakaanga kumwiipuzhizha pa maambo anji. ²¹ Mino keechi mukaswe ne, maambo baantu bakiila makumi ana ba mubelamina amba ba mwiipaye aye. Abo ba bechipila ne luchipo lwa kuubula kuuja naangwa kutooma ne kanatu bakamwiipaye aye. Nangwa luno abo beneengezha, babeena kupeembala kuswa kweenu." ²² Byonkabyo ne mukuluumpe wa bashilikale wa mulekele nsoongwalume amba ayeenga, panyuuma ya kumufuunda amba, "Kubuula nangwa umo ne amba wa mbuula biino biintu amiiwa." ²³ Keepo aye aichile bashiilika babiji ne kwaamba amba, "Neengezhai bashiilika bitoota bibiji baye kwaleepesha noobe ku Kaisalea, ne ba pa baambili makumi atanu na abiji naabo, kabiiji ne bitoota bibiji bya ba mafuumo. Musa kwiimana pa awala wa busatu wa bufuku." ²⁴ Kabiiji aye wibakaambizhe ne kuneengezha ba nyama ba koonsha kweendapo Paulo kabiiji ne ku mufikizha buloongo kwi Felikisa ndama kyaalo. ²⁵ Kabiiji aye wa neembele nkalata bino amba, ²⁶ "Kaludiusa Lisiasa kwi ndama kyaalo wabuneeme bukataampe Felikisa, muteende. ²⁷ Uno muuntu ba mukwaachile ku ba Yudea kabiiji bashi baka mwiipaye abo byo naishile kwi abo na bashilikale ne ku mupookolola, maambo nafuunjile amba wajiinga mwiina Loma. ²⁸ Amiiwa nasakile kuyuuka maambo o ba mupeele abo, byonkabyo amiiwa na mutwaajile paanshi ku kiije kyaambo. ²⁹ Amiiwa na fuunjile amba ba mupeele maambo pa meempuzho a na maambo a muzhilo waabo beene, mino amba keechi kwajiingapo maambo pe aye a kukoonsha kufwa naangwa kukaaswa ne. ³⁰ Keepo baambujile amba kwajiinga ku mumvwang'ena uno muuntu, amiiwa ponkapo na mutuumine aye kwi anweeba kabiiji ne bakaambizhizhe ba mupeele maambo kuleeta maambo abo pe aye pa meeso enu. Sankyo mwaane." ³¹ Byonka byo bashiilika ba kookejile mikaambizho yaabo. Abo ba museendele Paulo ne ku muleeta bufuku ku Antipatalisa. ³² Pa juuba ja loondejilepo, bashiilika bavula bashiile baantu ba pa baambili ne kuuya naanji kabiiji ne abo beene babweelele kwakufyaama. ³³ Baantu ba pa baambili byo bafikile ku Kaisalea ne kufikizha nkalata kwi ndama kyaalo, kabiiji ba mupaine ne Paulo kwi aye. ³⁴ Ndama kyaalo byo ataangile nkalata, ne aye waipwiizhe kibuunji ko afuumine Paulo. Byo afuunjile amba wafuumine ku Kilikiya, ³⁵ aye wa ambile amba, "Amiiwa nka kumvwiisha buloogo inge ba kupeele maambo baiya kuno." Keepo wa mukaambizhe aye kulamwa mu bipaango bya kafulumeende ya kwa Helooda.