¹ "Anweebakwetu ne Bataata, umvwai nsakuuba kwi anweeba." ² Jibuumba byo jaumvwine paulo una kwaamba mu kitundu kya ki hebelu, ponkapo bazhindaminepotu nzo. waambile mba. ³ "Amiwa ne muyudea, nasemenwe mu Talasusa mu kilikya, kabiji nakomenenga mu uno muzhi ku maulu a Ngamaliela. Ne kufunjishiwa monka mwayilatu musango wa mizhilo ya bashetu. saka naikala ne muchima wauba lupata mu bya Lesa, pamo byonkabyo muji anweeba Lelo. ⁴ Kabiji namanikiilenga mujino jishinda ku lufu, kasa ne bakasa ne kwibataya mu kaleya bonse baana baluume ne baana bakazhi. ⁵ Abyo ne aye nganga mukatampe wayuka kushimuna ne bonse baji mu kije kya bukulumpe.kabiji kwi abo ko ko natambwile nemakalata a kutwala kubakwetu nkange ne kuuta ku Damasakasa, naamba nkebabwezhe sabakaswa ku Yelusalema pakuuba amba bapanikwe. ⁶ Ponkaapo byo nakiilenga kanfike kwipi ku Damasakasa, juba kasa jashinkimaana pakachi ponkaapo nasaminwe na kyeya kikataampe kyafumine mwiuulu kyanzhokoloka. ⁷ Ne amiwa naponene paanshi naumvwa jiwi jangambila amb, 'saulo, saulo, kika kyo unakushupila? ⁸ Nakuumbwile naamb,' Yobe nganyi Nkaambo? ne aye waambile amba,' Amiwa ne Yesu waku nazala, ye unakushupa; ⁹ Kabiji bo najinga nabo bekimwene akya kyeya, kabiji kechi baumvwinenga jiwi ja yewa wangambijilenga ne. ¹⁰ Naambile naamba; pano ngube byepi, Nkaambo wangambila ne amiwa, 'imana nekuya ku Damasakasa; koko bakaakubula bintu byonse byo ukoba; ¹¹ Kabiji amiwa byo nabujile kuyuka kumoona na maambo a lukuumo lwa kyokya kyeya, natangijilwe na kubooko kwa boba bo najinga nabo, nekufika nakafikile mu Damasakasa. ¹² Konkakwa nataine mwaana muluume umo jizhiina janji Ananyasa, watekanya mo yayila mizhilo watelelwe bulongo ku Bayudea bonse bakajijile konka. ¹³ Waaishile kwi ami, waaimana po nanji, amb, 'mulongo wetu saulo, utambule meso. ponkaapo pa kyonkakya kimye, nainwine menso ne kumumona. ¹⁴ Ne aye amba,' Lesa wa bashakulu betu ye wakusala kuyuka kyaswa muchima wanji, kabiji umumone ne aye mololoke, ne kumvwa jiwi ja mukanwa kanji. ¹⁵ Maambo obewa ukekala kamonyi wanji wakumushimuna ku baantu bonse mu byonse byo wamona ne byo waumvwa. ¹⁶ Kabiji pano kika kyo unakupembela? Imana, ubatizhiwe bubi bobe, witenga pa jizhina janji; ¹⁷ Kabiji ponkapo byo nabweelele ku Yelusalema, byo nalombelenga mu Nzubo ya Lesa, naponene mutulo tukatampe bamupele kimwesho . ¹⁸ Ne kuumona namweene kasa angambila amba, pelawizha, ufume mu yelusalema bukiji, maambo kechi baketaba lushimuno lobe lwa kushimuna pe amiwa.' ¹⁹ Naambile, 'Nkaambo, abo beene bayuuka byo nebatayanga mu kaleya ne kwibapuma mu mashinangoga bonse bemwitabilenga anweba. ²⁰ Kabiji byo baichijile mashi a setepena kamonyi wenu, amiwa najinga ponka kasa ngitaba, nalaminenga ne bivwalo byo bamwipayile; ²¹ Pano waambile kwi ami; Yanga, maaambo amiwa nkakutuma kwalepa ku bangetila.''' ²² Kabiji baswile kumumvwa poso byo afikile pakino kyaambo. ponkapo basanswile mawi abo ne kwaamba amba, ''Mufumyaipo ao muuntu panopantanda, maambo kechi kyafwainwa ekale na bumi ne.'' ²³ Kabiji byo babijikilenga, kuvula bivwalo byabo, ne kutaya lukungu mu mwela. ²⁴ Aye mukulumpe mwine wa bashilikale wakambizhe namukoyo, pakuba amba aye mwine akonshe kuyuka kyobamubijikilenga byoo byo. ²⁵ Ponkapo byo bamukashile na ntambo, Paulo wamwambile mukuulumpe wa bashilikale awa waimene ponka, ''Amba Nanchi kyawama kututa ula muuntu mwiina Loma ye babula kuzhatishanyi?'' ²⁶ Kabiji aye mukulumpe wa bashilikale pa kumvwa byobya waile ku mwine mukulumpe wabo, amba, Nanchi mubenakusaka kuba ka? uno muuntu ke mwina Loma.'' ²⁷ Ponkapo aye mukulumpe waishile ne kumwambaila amba, ''Mbule, kana wi mwina Loma obewa? paulo waambile amba, ''Ee.'' ²⁸ Aye mukulumpe mwine wakumbwile amba, ''Amiwa nebumwene bwina Loma na mali avula. ''Pakuba paulo amba, ''Amiwa nasemenwe mwina Loma.'' ²⁹ Ponkapo aba baasakile ku mwipuzha bafuminekotu ponkapotu. Ne aye mukulumpe mwine wa bashilikale naye ke moyo, pakuyuka amba paulo ye mwina Loma, maambo wamukashile. ³⁰ Pajuba jalondejilepo mukulumpe wabashilikale wasakishe kuyukisha kine kine kyo bamuumishishenga na maambo ku ba Yudeya paulo. Ponkapo bamukasulwile ne kukambizha banganga bakatampe ne bene kije bonse bappwile pamo. Ponkapo wamwikizhe paulo panshi ne kumutula mu kyeni kyabo.