¹ Atweeba byo twafumineko kwi abo twa kanjijile mu bwaato, twaile ku muzhi wa Kosa, kabiiji juuba ja loondejilepo ku muzhi wa Lodesa, kufuuma kookwa twaile ku muzhi wa Patala. ² Byo twataine bwaato bwa abukileenga kuuya ku Foenisha, twaile na kukaanjila ne kuuya. ³ Panyuuma ya kumona muzhi wa Kipilusa, twa mushiile ku kipiko kya bwaato, twa twajijile na kuvuwa kuuya ku Asilya kabiiji twafiikile pa Tila, apo bywaato po bwaikizhilenga biipe. ⁴ Panyuuma ya kutaana baana ba bwaanga, twaikeele kookwa mooba atanu na abiji. Kupichila mu Mupashi ba twajijile ku mukwaasha Paulo amba kuuya ku Yelusalema ne. ⁵ Mooba etu kookwa byo a pwiile, twafumineko ne kuuya lweendo lweetu, kabiiji ne abo boonse, ne bakazhi baabo ne baana, betushiinjikinye kufuuma mu muzhi. Keepo twafukamine paanshi kukitulu, twa loombele , ⁶ ne kwishajikapo umo ne mukwaabo. Keepo twaile na kukaanjila bwaato, ne abo babwelele ku mazuubo abo. ⁷ Byo twapwiishishe lweenndo lwa kufuuma ku Tila, twafiikile pa Putolemaisa. Akwa twaimwiine baloongo ne kwiikala naabo juuba jimo. ⁸ Pajuuba ja loondejilepo twafumineko ne kuuya ku Kaesalea. Twa tweleele mu nzuubo yakwa Filipa, musapwiishi, aye wajiinga umo mu batanu ne babiji, kabiiji twaikele naanji. ⁹ Pano awe muuntu wajiinga na baana ba bakazhi ba bisuungu bana ba awiile. ¹⁰ Byo twaikajile kookwa mooba amo, ngauzhi umo wa jizhiina ja Agabusa waishile kufuuma ku Yudea. ¹¹ Aye waishile kwi atweeba ne kuseenda mukwaato wakwa Paulo. Aye wikashile naanji maulu anji ne mabooko ne kwaamba amba, "Byo bya amba Mupashi Wazhila amba, 'Abye ba Yudea mu Yelusalela byo byo bakakasa muuntu mwiina uno mukwaato, kabiiji ba kamupaana aye mu mabooko aba Ngentila."' ¹² Byo twa umvwiine bino biintu, atweeba pamo ne baantu ba ikalaanga mu yooya mpuunzha twa musaanshijile Paulo kubula kuuya ku Yelusalema. ¹³ Keepo Paulo wakuumbwile amba, "Mubeena kuuba ka, kujila ne kuundala muchima waami nyi? Pakuuba amiiwa ne neengezha, keechi na kunkasatu koonka ne, mino ne kufwiila mu Yelusalema na maambo a jizhiina ja Nkambo Yesu." ¹⁴ Maambo Paulo keechi kyakoonshekele ku mujiimbaika ne, twaikeele nzoo kabiiji keepo twa ambile amba, "Lekai luusa lwa Nkaambo lubiwe." ¹⁵ Panyuuma ya ano mooba, twashikwiile byoola byeetu ne kuuya ku Yelusalema. ¹⁶ Akwa naako twaile na baana ba bwaanga baamo kufuuma ku Kaesalea. Ne abo baletele muuntu wa jizhiina ja Munasoni, wa mulume kufuuma ku Kipilusa, mwaana wa bwaanga mutaanshi, ao ye twakoonsheshe kwiikala naanji. ¹⁷ Byo twafiikile mu Yelusalema, baloongo betutaambwijile na lusekelo. ¹⁸ Juuba ja loondejilepo Paulo waile ne atweeba kwi Yakooba, ne ba kuluumpe boonse bajiinga koonka. ¹⁹ Aye byo ebemwiine, wa mubujile kimo kimo biintu abyo Lesa byo a ubile mukachi ka ba Ngentila kupichila mu miingilo yaanji. ²⁰ Byo be byumvwiine, ba mutuumbijikile Yesa, kabiiji ba mwaambijile amba, "Wamona, muloongo, biumbi byavula byo byaitabila mukachi ka ba Yudea. Boonse basakisha kulama muzhilo. ²¹ Be babujile pe obeewa, amba ufuunjisha ba Yudea boonse bekala mukachi ka ba Ngentila ku leengulula Mosesa, kabiiji amba wibabuula kubula kuuba mukaanda baana baabo, ne kubula kweenda mwaila mashiinda a kisemwa. ²² Twafwainwa kuuba byeepi? Abo twaketekela ba koomvwa amba anweeba mwaiya. ²³ Byonka byo muube byo tusa kwi mubuula. Atweeba tuji na babalume bana bachipile luchipo. ²⁴ Sendai bano babalume muketokeshe anweeba beene naabo, ne kwi ba painako bikebewa, byonka byo amba ba kakoonshe kuteenda mitwe yaabo. Byonka byo boonse ba kayuuka amba biintu byo be babuujile pe anweeba bya bubela. Ne abo ba kafuunda amba ne anweeba mwiikala mokyaila, na kukookela muzhilo. ²⁵ Mino noobe ba Ngentila aba baitabila, atweeba twa neembele pa kufuukula kweetu amba abo bafwainwa kwiikanya ku biintu byo batapishishenga ku baankishi, kwiikanya ku maashi, kwiikanya ku byo ba kabakeeneko, ne kwiikanya ku bya bulaalelale." ²⁶ Ponkapo Paulo waseendele babalume , ne juuba ja loondejilepo witokeshele aye mwiine ne abo pamo. Keepo baile mu teempele, mu kwi bayuukisha mooba a kwitookesha byo a kakoonsha kufikizhiwa kabiiji ne milaabu ikakoonsha kupaanwa ya boose. ²⁷ Mooba atanu na abiji byo a fikile peepi na kupwa, ba Yudea baamo kufuuma ku Asiya, byo ba mweene Paulo mu teempele, bazhiingijishe jibuumba joonse ne ku mukwaata aye. ²⁸ Ba bijikilenga amba, "Baantu beena Isalela, tukwaashai atweeba. awe ye muuntu ufuunjisha baantu boonse koonsetu biintu bya kwiimena baantu ne muzhilo ne ino mpuunzha. Keechi byonka byotu ne, aye waleeta ne ba Giliki muno mu tempele kabiiji wazhilulula ino mpuunzha yazhila." ²⁹ Pakuuba abo bamweene panyuuma kacheeche Tilofimusa mwiina Efisesa ne aye mu muzhi, kabiiji ba laangulukile amba Paulo wamuleetele mu teempele. ³⁰ Muzhi yeense wasaangalele, ne baantu ba nyemene pamo ne kumu kwachijila Paulo. Abo ba mupaangilemo mu teempele, kabiiji ponkapotu ne biinzhilo be bishiinkile. ³¹ Byo ba esekelenga ku mwiipaya aye, sawakya wafikile ku mukuluumpe wa kipanyi kya bashilika, amba Yelusalema yeense wajiinga mu malwang'ano. ³² Ponkapotu aye waseendele bashilika ne ba ntaangi ba bashilika ne kunyeema ku jibuumba. Baantu byo ba mweene mukuluumpe wa bashilikale ne bashilikale, balekele ku mupuma Paulo. ³³ Keepo mukuluumpe wa bashilika wafikile peepi ne ku kwaata Paulo, kabiiji wamukaambizhe ku kumukasa na minyoololo ibiji. Keepo wa mwiipwizhe amba yoobe ng'anyi kabiiji ne byo aubile. ³⁴ Bamo mu jibuumba ba bijikilenga kiintu kimo ne bakwaabo kikwaabo. Maambo mukuluumpe keechi wakoonsheshe kuyuuka kishiinka ne maambo a kyoongo kyoonse, aye wakaambizhe amba Paulo ba muleete mwa kumulamina. ³⁵ Byo a fikile muntampulo mwa, ba museendele bashilikale maambo a malwang'ano a jibuumba. ³⁶ Pakuuba jibuumba ja baantu ja loondejile panyuuma kabiiji ja twajijile na kubijika amba, mwiipaya aye!" ³⁷ Byo bajiinga peepi na ku mufikizha Paulo mwa kumulaminna, aye wa ambili ku mukuluumpe wa bashilikale amba, "Bushe kyaswiishiwa amiiwa kwaamba biintu kwi anweeba nyi?" Mukuluumpe wa ambile amba, "Wayuuka ki Giliki nyi? ³⁸ Obeewa naachi keechi wi mwiina Ijipita ao kimye kimo kyapita wataampile malwaang'ano kabiiji wataangijile biumbi bina bya baana balume ba nkoondo ne kuuya muungyetu ne nyi?" ³⁹ Paulo wa ambile amba, "Amiiwa ne mu Yudea, kufuuma mu muzhi wa Tasusa mu Kilikiya. Amiiwa ne mwiina muzhi wabula kuneema. Amiiwa ne mu saanshijila anweeba, nswiishai amiiwa ng'ambe ku baantu." ⁴⁰ Mukuluumpe byo a mu swiishishe aye, Paulo waimeene peulu ya pakunyaanta ne kutanyika kubooko ku baantu. Byo kwajiinga kuzhiindama kwiine, aye wa ambile ko baji mu mulaka wa ki Hebelu. Aye wa ambile amba,