¹ Panyuuma ya mooba atanu, Ananyasa ng'anga mukataampe, ne bakuluumpe bamo, kabiiji ne mutonyi wa jizhiina ja Tetulusa baile koonka. Abe baantu baleetele maambo a Paulo ku meeso a ndama kyaalo. ² Petelo byo aimeene ku meeso a ndama kyaalo, Tetulusa watatwiile ku mushinawina kabiiji wa ambile kwi ndama kyaalo amba, "Maambo a anweeba atweeba tuji na muteende mukataampe, kabiiji ne kumweena jimo kweenu kuleeta kupaangulula kwa waama ku kyaalo kyeetu; ³ byonkabyo na kusaanta koonse atweeba tutaambwila byoonse byo muuba, mwakila kuwaamisha anweeba ba Felikisa. ⁴ Byonkabyo amba amiiwa mbule kwi mukwaata jikwaabo, amiiwa ne musaanshijila mu buwaame bweenu kwi tuumvwa atweeba pa cheechetu. ⁵ Pakuuba atweeba twataana uno muuntu kwiikala ke mulwaanyi ne umo uleengesha ba Yudea boonse pa ntaanda poonse kusatu. Ye ntaangi wa jibuumba jicheeche ja Nazaleni. ⁶ Aye waesekele ne kuzhilulula tempele, byonkabyo atweeba twa mukwaachile aye. ⁷ Pano Lisiasa mukuluumpe wa bashilikale waishile ne ku mutwaala aye na lupata ku mufuumya mu mabooko etu. ⁸ Byo mukeepuzha Paulo pa ano maambo onse, mukakoonshe kufuunda pa byo tubeena kuleeta bya ku mushinawina aye." ⁹ Ba Yudea naabo benuungileko mu kumushinawina, ba swiile amba ano maambo ajiinga a kiine. ¹⁰ Mino ndama kyaalo byo a mulabwiile Paulo kwaama, Paulo wakuumbwile amba, "Amiiwa naumvwiisha byo byo pa maaka yavula anweeba mwajiinga ba mutonyi ku kino kyaalo, kabiiji byonkabyo amiiwa nasekela kwi loondolola amiiwa mwiine kwi anweeba. ¹¹ Mwakoonsha kufuunda anweeba beene amba keechi kyajiinga mooba kukila pa jikumi ne abiji kufuuma po naile mukupoopwela mu Yelusalema ne. ¹² Byo ba ntaine amiiwa mu teempele, keechi napachikile na uji yeense ne, kabiiji amiiwa keechi na kolomweenepo jibuumba ne, nangwa mu shinagooga, nangwa mu muzhi. ¹³ Abo keechi bakoonsha kuluumbulula kwi anweeba maambo o babeena kumpaangila ne. ¹⁴ Mino amiiwa na amba kino kwi anweeba, amba kwesakanya na jishiinda, jo beeta amba bepatulako, amiiwa mpoopwela Lesa wa ba sheetu, ne kwiitaba biintu byoonse amba byaila mwaila mizhilo ne byobya bya neembwa mu ba ngauzhi. ¹⁵ Amiiwa nji na luketekelo mwi Lesa, alo luji ne na baabe baantu, amba ku keekala lusaanguko kwa ba oloka ne baabi pamo. ¹⁶ Byonkabyo amiiwa joonse ngeseka kwiikala na milaangwe ya waama ku meeso a Lesa ne ku baantu. ¹⁷ Pano panyuuma ya myaaka yavula amiiwa naishile kupaana bukwaasho ku kyaalo kyaami ne kupaana bitapisho. ¹⁸ Byo naubile bino, mu Yudea umo kufuuma ku Ashya wantaine amiiwa mu kusekela kwa kwitookesha mu teempele, keechi na jibuumba ne nangwa na kiwoowo ne. ¹⁹ Abe baantu bafwainwa kwiikala ku meeso enu luno, ne ku nshinawina amiiwa, inge baaji na biji byoonse. ²⁰ Ingetu ne, abe baantu bamotu bafwainwa kwaamba kyaatama kyo bataine mwi amiiwa byo naimeene ku kiije kya ba Yudea, ²¹ kana inge kiji pa kiintu kimo kyo na bijikile byo naimene kukachi kaabo amba, 'kiji pa maambo a lusaanguko lwa baafwa amba amiiwa nji pa lweeseko ku meeso enu."' ²² Keepo Felikisa, ao ye babujile buloongo pa jishiinda, watuuntulwile maambo, Aye wa ambile amba, "Lisiasa mukuluumpe wa ba shilikale byo akeeya kufuuma ku Yelusalema, amiiwa popo nkalaanguluka maambo enu." ²³ Kabiiji aye wakaambizhizhe mukuluumpe wa bashilika amba Paulo wafwainwa kulamwa, mino ekale na kukasuluka byonkabyo amba kafwaako nangwa muluunda naanji ye bafwainwa kukaanya ku mukwaasha byo asaka ne. ²⁴ Pakupitapo mooba a cheeche, Felikisa wabwelele na Dulusila mukazhaanji, wajiinga mu Yudea, kabiiji waichile Paulo ne kuumvwa kwi aye pa lwiitabilo mwi Kilishitu Yesu. ²⁵ Mino Paulo wisaambile naanji pa bololoke, kwineemeka, kabiiji ne bunchiba maambo bubeena kwiiya, Felikisa wa umvwiine mooyo ne kwaamba amba, "Pano yaanga. Mino byo nkeekala na kimye kikwaabo, amiiwa nka kwiita obeewa." ²⁶ Pa kimye kimo aye waketekejile amba Paulo wakoonsha kumuupa maali, byonkabyo aye wakeelwanga ku mwiita aye kabiiji ne kwaamba naanji. ²⁷ Mino myaaka ibiji byo yapichile, Pokiusa Fesitusa waikeele ndama kyaalo panyuuma yakwa Felikisa, mino Felikisa wasakile kumweenamo kutalwa buloongon na ba Yudea, byonkabyo aye washiile Paulo sa a kaswa.