¹ Kabiji kwaishile bamo baantu bafuumine ku yedeya ku Antioka ne kwibaafwisha baloongo babo, amba "kaana watambula mukaanda monka nwaijile kisela mosesa, kechi wakonsha kupuluka ne." ² Akino kyaletejile paulo ne Banabasa kwipachika ne kwiipuzha nabo, Ponkapo paaulo ne Banabasa ne bakwaabo bamo bafuumine mukaachi kabo bebatongwele kuya ku yelusalema mu kusambakana na batuumwa ne bakuulumpe na jino jipuuzho. ³ Byonkabyo abo, pakwi batuuma pamo ne kipwilo, bapichile mu fenesa ne samaliya ne kubijika kwaluluka kwa bangetila. Baletele lusekelo lukatampe ku baloongo babo boonse. ⁴ Byo kyafikile ku Yelusalema, bebataambwijile ku kipwilo ne batuumwa ne bakuulumpe, kabiji bebabijile byoonse bintu abyo Lesa byo ebabikijile abo. ⁵ Pakuuba kwajinga baantu baamo baitabila, ba mukipamo kya Bafaliseo, baimene ne kwaamba amba, "kibafwainwa kwibatwezha mu kanda kabiji ne kwibakambizha kulaama mukaambizho wa mosesa. ⁶ Ponkapo batumwa ne bakulumpe bapwijile paamon mu kulanguluka pa ano maambo. ⁷ Panyuuma ya kwipuuzha javuula, petelo waimene ne kwaamba kwi abo amba, Baloongo baami, mwayuuka mba kala keene Lesa wasalulwile mukaachi kenu, amba nakanwa kaami bangetila bomvwe maambo awaama, kabiji ne kwitaabila. ⁸ Lesa, wayuuka muchima, kamonyi wabo, wibapa abo mupaashi wazhiila, byoonka byo aubile kwi atweba; ⁹ Kabiji keechi witwabenye pakaachi kabo ne atweeba ne, mu kwibaatokesha michima yabo na lwitaabilo. ¹⁰ Pano onkao maambo mambo ka o mumwesekela Lesa, namba byo mubika kikonkoji pa nshingo ya baana ba bwanga, ayo naangu bashakulu betu nangwa ate bene kusenda? ¹¹ Pakuuba ate twaitaba amba tukapulukila mu buupe bwa nkaambo Yesu, byoonka byo bajinga." ¹² Jonse jibuumba jazhindaminetu nzoo kasa bateela Banabasa ne paulo mu kwibabula biyuukilo ne kukumya byaingijile Lesa ku Bangetila kupichiila mwi abo. ¹³ Panyuuma ya kupwisha kwaamba, Yakoba wakumbwile, kwaamba amba, "Baloongo baami, telekai amiwa. ¹⁴ Shimona witubula patanshi Lesa byo akwashishe Bangetila na maambob a kuba mba afumyemo baantu maambo a jizhina janji. ¹⁵ Byaambo byabungauzhi byaitabizhiwa na bino monka mo byanembelwa amba, ¹⁶ 'Panyuuma ya bino biintu byoonse amiwa nkabweela, ne amiwa nkatuunga jibiji tente wa Davida, wapona; kabiji nkemika ne kubwezhamo byaonaikile jibiji, ¹⁷ Pakuuba amba baantu bashalapo ba kamuukebe nkaambo, KUbikapo ne boonse Bangetila batelwa na jizhina jaami; ¹⁸ Abino byo byaamba nkaambo, aye waula bino bintu abyo byayuukanyikilwe kufuumatu ne kukimye kya kala. ¹⁹ Onkao maambo, mulanguuluko wami ke wakuuba amba, kechi twibakatazhe aba Bangetila ba alulukilankwinLesa ne. ²⁰ Mino twibalembele abo amba bafumemo kumisango ya bankishi, kufuuma kubulalelale, ne nyama yabanyaama yo baipaya, ne kufuuma ku mashi. ²¹ Maambo mosesa wasapwijilenga mu mizhi yoonse kufuma ne ku kimye kya kaala ne kutaanwa mu mashinagoga moba onse a sabado." ²² Ponkapo kyawamine biingi ku batuumwa ne bakuluumpe, na kipwilo kyoonse pamo, pa kusala yeba telelenga mba Banabasa, ne silasa, abo bajiinga bantangi ba kipwilo, ne kwibatuuma ku Antioka pamo na paulo ne Banabasa. ²³ Baneembele bino amba: "kufuuma ku batuumwa ne ku bakulumpe, mu balongo benu, ku Bangetila baloongo mu Antioka, silya, ne kilikya: mutende! ²⁴ Twaumvwa amba baana baluume baamo bafuuma mwi atweeba, kwakuubula luusa lwakufuuma kwi atweeba, kabiji ne kwimukataazha anweeba na mafunjisho azhingijisha myeeo yenu ²⁵ Namaambo a kiino, atweeba boonse twaumvwangana kusalulilamo baana baluume bamo ne kwibatuuma kwiya ko muji pamo ne batemwe beetu Banabasa ne paulo. ²⁶ Baana baluume bataya myeo yaabo maambo a jizhiina ja nkaambo yetu Yesu kilishitu. ²⁷ Onkao maambo twenakutuma Yudasa ne silasa, abo nabob bakemubuula biintu bimotu abo beene mu byaambo byaabo. ²⁸ Maambo kyamuwaamina mupaashi wazhila ne atweeba pamo, kubuula kwimutwika bisendwa bikwaabo bikaatampe byakila bino biintu ne: ²⁹ Abyo byo mwatambwiile ku biintu byakutapisha bankishi, mashi, bintu byo baipaya, ne bulalelale. Inge mukaazhile aneeba bene ku bino biintu, kikemuwaamina anweeba. shalaipo." ³⁰ Ponkaapo abo, byo bebatuumine baishiile ku Antioka ; ³¹ ne pakuupwisha jibuumba pamo, bafikiizhe nkalaata. Ne pa kwiitaanga, basakeejile maambo a kwibakwasha. ³² Judasa ne silasa, naabo bangauzhi, bakwashishe baloongo na byaambo byavuula ne kwibakosesha. ³³ Panuuma ya kwikalako kimye kyabaaya konka, bebafumisheko na mutende ku baloongo kubwela kobeba tuumine. ³⁴ Pakuuba kyamuwamiine silasa kushaala konka. ³⁵ Mino paulo ne Banabasa baikele mu Antioka ne bakwaabo bavuula, amo mo bafujishenga ne ku saapwila byaambo bya nkaambo. ³⁶ Pakuupita moba avuula, paulo waambile kwi Banabasa, "Twayai pano tubwele ne tubwele ne kupempula baloongo mu mizhi yoonse mo twasapwijile byaambo bya Nkaambo, ne kumoona byo baji." ³⁷ Banabasa wasakile kusenda Yoano ao yebatelelenga amba Mako mba amba tuyenga nanji. ³⁸ Pakuuba Paulo walangulukile mba keechi kyawaama kuseenda Mako ne, aye wibashile mu pamifilya kabiji kechi watwajijikile kuya naabo kulutwe mu mwiingilo ne. ³⁹ Ponkapo kwabukile lupata lwine lwa kuuba mba baabenamo ne kwabeenamo, kabiji banabasa wasendele Mako ne kuya nanji na bwaato ku kipilusa. ⁴⁰ Pakuuba Paulo wasajile Silasa ne kua, panyuuma ya kumuketekela ku baloongo ku buupe bwa nkaambo. ⁴¹ Kabiji waile mukupichila mu silya ne mu kilikya, na kukosesha biwiilo.