¹ Bino uyuuke bino: Mumooba akupelako kukekala kimye kyakatazha. ² Baantu bakekala bakwitemwa abo beene, bakutemwa Maali, bejantula, bakwilundumika, ba mweenga, babula kukokela bebasema, babula kusaanta, kabiji neebabula kuzhila. ³ Babula kwikala na butemwe,babula kumvwan'ana, baluntepe ntepe, babula kwikaanya, bashiinda, babula kutemwa kyawaama. ⁴ Bakekala bakwisolola, babula kuumvwa, bakwitoota, batemwa byakinsaanga jiimbwe kukila kutemwa Lesa. ⁵ Bakekala noobe bajina muneema wakwakamwa Lesa, bino bakakaana bulume bwaanji. Fumaako ku bano Baantu. ⁶ Mu bano momuji baabalume batweela mumaZubo nekonauna baana bakazhi babula maana. ⁷ Bano boobaana bakazhi bayuulwa nabundeenga Maambo kabiji baseendwa na byubilo byapusana pusana. Bano baana bakazhi bafuunda, Bino keechi basaka kuyuuka bukiine ne. ⁸ Kabiji byonkaabyo Yanesa ne Yambelesa bamwimeenejiile Mosesa, bano bafunjishi babubela baimeena nebukishiinka. Bobaana balume baonaika mu Boongo, kabiji bakaana kweena mu Lwitabilo. ⁹ Bino keechi bakekala kwaleepa ne. Maambo kubula maana kwaabo kukamweeka ku boonse, byoonka byokyajiinga ku booba baana balume. ¹⁰ Bino obewa, walondela lufunjisho lwaami, bwikalo bwa waama, Mwingilo, Lwitabilo, Butekanye, butemwe, ne kukooka Muchima, ¹¹ byamalwa, kyakumana, kabiji neebyamwekele kwi amiwa mu Antioka, mu Ikonyuma neemu Lisitila. Nachinchikile mubya kumana. Kufuma mu byoonse, nkaambo wampulwiishe. ¹² Aba boonse bakeba kwikala mu kusaka kwa Lesa mwi Kilishitu Yesu bakebamanyikaanga. ¹³ Baantu batama neeba bujiimbi jiimbi bakataminaangakotu, ne kutwaala bakwaabo muungi kabiji nekwitwaala beene muungi. ¹⁴ Bino obewa, ikala mu biintu byowafunjile nekwikala wakosa mulwitabilo. Maambo wayuuka wakufunjiishe. ¹⁵ Wayuuka amba kufuma ku bwanyike boobe wayukile byaambo byazhila. Bino byafwainwa kulengela obewa kwikala na maana akupuluka kupichila mu Lwitabilo mwi Kilishitu Yesu. ¹⁶ Binembelo byoonse byanembelwe na Lesa. Kabiji bikwaasha mulwitabilo, pakwibakajipila, pakwibolola, neepakwibajimuna mu Bololoke. ¹⁷ Pakuuba amba Muuntu wa Lesa ekale wafikilaamo, winengezha kwingila kyawaama.