¹ Nakukambizha ku meeso a Lesa ne Kilishitu Yesu, aye ukazhachishaanga batuntulu neebafwa, kabiji na maambo akumweeka kwaanji ne bufumu bwaanji: ² Usapwiile kyaambo; Ikala wajimuka pa kimye kya waama nekyabulwa kuwaama. Wibalengulule, kwibakajipila, nekwibafuunda mu Butemwe boonse ne Mulufunjisho. ; ³ Maambo kimye kikeeya Baantu kyobakakanaanga jiiwi jalufunjisho. Bino, bakobaanga bisakasaka Mafunjisho abo mu kusaka kwaabo beene, bakambaanga bisaka kuumvwa Matwi abo. ⁴ Bakaleka kuumvwa byabukiine, ne kuya kubyabubela. ⁵ Pakuba obewa, ujimuke mu biintu byoonse. Chinchika mubya Malwa; Ingilaanga mwingilo wabusapwiishi; Fikizha mwingilo woobe. ⁶ Maambo naitululwa kala. Ne kimye kyakukasululwa kyafika kala. ⁷ Nalwiile Bulwi bwa waama; Napwishile kunyeema; Ne kulama Lwitabilo lwaami. ⁸ Munchinya wa Bololoke bantujila kala, aye nkaambo, Mutonyi waoloka, ukaampa amiwa pa jooja juuba, pakuuba nekubooba boonse batemenwe kumweeka kwaanji. ⁹ Uba kyawaama pakwiiya kwiamiwa bukiji. ¹⁰ Maambo Demasa wangalukamo. Na maambo akutemwa bya Mukyaalo ne kuya ku Tesalonika. Kelesense naaye waile ku Galatiy, kabiji ne Titusa naaye waaya ku Dalamatiya. ¹¹ Nashalatu neena Luka. Ukaseende Mako ne kwiiya naanji maambo aye unkwaasha mumingilo. ¹² Tikikusa namutuma ku Efisesa. ¹³ Mukangyo yeenashiile mu Toloasa kwi Kalupusa, ukansendeleko pakwiiya, kabiji neema Buuku, kikata kata a Biseba. ¹⁴ Alekesanda Seendwe wa Mukuba wangubile byatama byavula biingi. Nkaambo ukamufweeta moonka mwaila mingilo yaanji. ¹⁵ Ne obewa wafwainwa kujimuka naanji, maambo aye walengulwiile biingi byaambo byeetu. ¹⁶ Mukwifumyaako kwaami kutaanshi, kafwaako naangwa umo wan'imenejiile ne. Bino, boonse banshiile. Bino keechi bakeebatootolweeshe ne. ¹⁷ Bino nkaambo wan'imenejiile nekunkosesha pakuuba amba, mwi amiwa, mwingilo wakusapwiila wingijiwe buloongo neena bulume, pakuuba kabiji boonse Bangetila bekale na bulume bwa kuumvwa. Kabiji napulukile kufuma mu Kanwa kaama Bookwe. ¹⁸ Nkaambo ukampulusha kufuma ku byubilo byoonse byatama kabiji ukampulusha mu Bufumu bwaanji bwa Mwiulu. Kwi aye kwikale Lukumo myaaka ne myaaka. Amena. ¹⁹ Un'imwineko Pilisika, Akwila neeba muNzubo yaanji ba Onesifolusa. ²⁰ Elasatusa washajile mu Kolinda, Pakuuba Tolofimusa namushiile wabeela ku Miletusa. ²¹ Wiiye bukiji saka kimye kya mashika kikyaangye kufika. Yubulusa wakwimuna, kabiji ne Pudensa, Linusa, Kaludiya, ne baloongo boonse. ²² Nkaambo ekale na Mupashi obe. Lusa lwikale pe anweeba.