¹ Keechi ukalukile mukuluumpe ne. Kupiingakenyaamo, Mutundaikai noobe bashoobe. Tundaikai bansongwa lume noobe baloongo, ² ba bakazhi bakuluumpe noobe baineenu, neba nsongwa kazhi noobe banyeenga, mukutooka koonse. ⁴ Nemekai baanabakazhi bafwiilwa, beene ba kiine kiine . ³ Mino inge mukamfwiilwa uji na baana nangwa bankana, lekai pataanshi bafuunde kupaana muneema abo beene mubya munzubo yaabo. Nekwiiba bwezhezha byawaama Bansemi baabo, maambo kino kyookyawaama ku Meeso a Lesa. ⁵ Pakuuba wamukazhi mukamfwilwa wa kiine, aye yebaasha buunke bwaanji, baketekele mwi Lesa nekutwajijila kulambula nakuchinchika ne Milombelo ya Bufuku ne Mute, ⁶ Pakuuba wamukazhi wikala nabwikalo bwatama waatwa kala naangwa ukyaangye kufwa. ⁷ Bakambizhai boonse mu bino biintu, pakuuba amba bekale babula kaneneno. ⁸ Pakuuba inge umo wabula kumweena baloongo baanji mwiine, kikata kata kubooba baji nabamuNzubo baabo, wakaana Lwitabilo kabiji wakila mukutama kukila aba babula kwitabila. ⁹ Mwaana mukazhi wafwainwa kuneembwa amba wafwiilwa wabula kwikala na myaaka 60 nekubweela muunshi, mukazhi wamulume umo. ¹⁰ Wafwainwa kuteelwa buloongo mu kuuba byubilo byawaama, naangwa kikale byonkabyo wafwainwa kutaako Maana kubaana, naangwa utambwiila beenyi, naangwa ovwa Maulu a Baantu bazhila baLesa, naangwa booba bapita mubyamalwa, naangwa wingila Mingilo yawaama. ¹¹ Pakuuba bafwiilwa banyike, bakaanya kuneembwa boonse mazhina. Maambo bapaana byakusaka saka byamubiji kwaikala pakachi ne Kilishitu, bakeeba kusongolwa. ¹² Mujino jishiinda bafwainwa kuzhaatwa maambo bakaana byaambo byaabo bitaanshi. ¹³ Mu kimye kimo, bafwainwa kufuunda kwikala na Mukose kabiji baya mu Mazubo. Keechi bekalatu na mukose yeenka ne, pakuuba baamba nebyatama nemibiji ikala biingi na Mukose, kwaamba biintu keechi bafwainwa kwaamba ne. ¹⁴ Amiwa byonkaabyo nasaka baana bakazhi banyike basongolwe, ne kusema baana, ne kulama byamu Nzubo yaanji, kabiji ne kupaana Luusa kubalwaanyi amba betwipaye ne. ¹⁵ Maambo bamo balondela kala Sataana. ¹⁶ Inge wamukazhi waitabila ujina nabamukamfwiila, lekaai ebakwaashe, pakuuba amba kipwiilo kibule kwikala na Kiseendwa, pakuuba amba kikwaashe bafwiilwa bakishiinka. ¹⁷ Lekai bakuluumpe bakipwiilo batangijila buloongo bateelwe buloongo namushiingi, kikata kata kubooba bekala mu kyaambo nemuma Funjisho. ¹⁸ Maambo kinembelo byaamba amba," keechi mwafwanwa kukasa N'oombe kukanwa kimye kyobeena kutuula Kajo" kabiji" kabiji wamwingilo wafwainwa mingilo yaanji." ¹⁹ Keechi uswe biintu byobabeena kushina wiina mukulumpe ne poso waumvwa jibiji naangwa jisatu kubakamonyi. ²⁰ Baantu baleenga maambo wibakajipile pakuuba amba bakwaabo boonvwe mooyo. ²¹ Nakukambizha , ku meeso a Lesa ne Kilishitu kabiji neeba Malaika basalwa, kulama ino Mikambizho kwakubula kushaako naangwa umo, kabiji ne kuuba biji byoonse mukutalwa buloongo. ²² kaange utenteke Maboko pa Muuntu naangwa umo ne. keechi ushilan'ane budeenga maambo ku Muuntu mukwaabo ne. Wafwainwa kwilama obe mwiine keewa tooka. ²³ Keechi wafwainwa kutoma Meema ne. Byonkaabyo, wafwainwa kutomapo Binyu bicheeche na maambo a Muunda ne kubeela beela koobe. ²⁴ Bundeenga maambo bwa Baantu bamo bwayukanyikwa kala, kabiji beeya nekuMeeso abo mukuzhaatwa. Bino bundeenga maambo saka bwibalondela palutwe kacheeche. ²⁵ Mujishiinda jimo, mingilo imo yawaama yayukanyikwa, byonkaabyo naangwa bamo bafwainwa kufyaama ne.