¹ Pano Mupashi waamba patooka amba mu bimye bya paluutwe Baantu bakapondoka mu Lwitabilo ne kumvwiina ku Mipashi ya bujiimbi jiimbi ne mafunjiisho aba Ndemona ² moonka mubukamfutumfutu bwa Baantu babubela, Milaangwe yaabo beene yauba noobe beisooka na Kyeela kya Mujilo. ³ Abo bakakanya Baantu kusongola nekuzhijika Kajo kamo kamo koalengele Lesa amba bakataambule na kusaanta na abo baitabila nekuyuuka byabukiine. ⁴ Maambo byoonse bileengwa na Lesa byobya waama, kafwaako kyatambulwa na kusaanta kyafwanwa kwikikaana ne. ⁵ Maambo pano bekitokesha na byaambo bya Lesa neena Lulombelo. ⁶ Inge anweeba mwabiika bino biintu ku Meeso a baloongo, mukekala bamwingilo wawaama wa Yesu Kilishitu. Wakwikikomeesha na byaambo bya Lwitabilo neena Lufunjiisho lwalumbuluuka lowalondelaanga. ⁷ Kabiji kanaai Majaashi atemwiiwa na baana bakazhi bakote. Mukupiinga keenyaamo, ifunjishaai anweeba beene mubyabu Lesa. ⁸ Maambo mukwikosesha Mubiji umwenamo bino bicheeche, Pakuuba muneema wakunemeka Lesa umwenamo byoonse. Kino kikwaata Mulaye wabuno Bwkalo ne Bwikalo bubena kwiiya. ⁹ Kino kyaambo kyookya kishiinka kabiji kyaneema kabiji kyaitabilwa koonse. ¹⁰ Maambo na okao maambo o twingijisha kasa kyakosa kasa twakolomokaatu. Maambo Luketekelo lweetu luji mwi Lesa Muumi, aye mupulushi wa Baantu boonse, mino kikataka kuba Itabila. ¹¹ Kambizhai Baantu nekwibafunjisha bino Biintu. ¹² Kaange muleeke Muuntu asuule maambo abwanyike boobe ne, Mino mwikale kyakumwenako abo baitaba mu byaambo, mubwikalo, mu butemwe, mulwitabilo, nemu kutooka too. ¹³ Kufika ne ponkeeya, mutaangeenga, nemukwiiba kosesha, kumafunjisho. ¹⁴ Kaange usuule kya Bupe kiji mwi obewa ne, kyapainwe kwi obewa kupichila mubu Ngauzhi, nakubikaapo Maboko aba kuluumpe. ¹⁵ Teshako Maana pa biino biintu. Ika mwi abo, pakuuba amba ngyalutwe yoobe ikale yakumwenako Baantu boonse. ¹⁶ Kasa wifumyaako obe mwiine ne lufunjisho loobe pamo. Twajijila mu bino biintu. Maambo mukuuba byonkaabyo, ukepulusha obewa mwiine ne booba bateleka kwi obewa.