¹ Kuno kwaamba kokwa kishiinka: Inge umo wasakisha kwikala Mukuluumpe, aye wasakisha mwingilo wa wama. ² Byoonkabyo mukuluumpe wafwain'wa kwikala mukuluumpe wabula kaneneno. Aye wafwainwa kwikala mulume wa mukazhi umo. wilama buloongo, watekanya, wabwikalo bwalubuluka, utambwila beenyi. Wafwainwa kufunjisha. ³ Keechi utoma toma Maalwa ne, ubula kupuman'ana, kana wakooka muchima, ubula kutoboka, wamuteende. Wafwainwa kwikala wabula kutemwisha Maali. ⁴ Ulama buloomgo bamunzubo yaanji mwiine, kabiji wafwainwa kumona kuuba amba ne baana baanji saka bamunekenena na Mushiingi yeense. ⁵ Maambo inge Muuntu wakankalwa kulama buloongo bamunzubo yaanji, akakonshe byeepi kulama Kipwiilo kya Lesa? ⁶ Keechi waitabila katataka ne, kuchiina amba wakelundumika ne kuponena mu Luzhachisho pamo ne Diabola. ⁷ Kabiji wafwainwa kwila wa kuteelwa buloongo kuba pano pa Ntaanda, kuchiina amba bakaponena mu myendeleko nemu Kakose ka Diabola. ⁸ Mujishiinda jimotu, bankwaasho ba Kipwiilo nabo bekale bashin'ama, keechi ba Njimi ibiji ne. Kechi batoma toma Binyu ne naangwa ba lwiiso lwa Mali ne. ⁹ Kasa balama kyafyamika lwitabilo na Muchima wa waama. ¹⁰ Kabiji pa taanshi beebeseke, mino bengile inge babula maambo. ¹¹ Mujishiinda jimotu, Bakazhi baabo bekale bashin'ama, kechi bababan'ana ne, belama buloongo bakishiinka mu biintu byoonse. ¹² Bankwaasho ba Kipwiilo bafwainwa kwikala balume ba mukazhi umo. Bafwainwa kulama buloongo baana baabo nebya mu Nzubo. ¹³ Maambo abo bengila buloongo mwingilo wabunkwaasho bemweene beene bwikalo bwa buneeme ne kuchinchika kukataampe kwamulwitabilo akwa kuji mwi Kilishitu Yesu. ¹⁴ Byonanemba bino biintu kwi anweeba, naketekela kwiiya ki muji anweeba bukiji. ¹⁵ Mino inge nabula kwiiya bukiji, mbeena kuneemba byonkaabyo naamba anweeba mukoonshe kuyuka kwilama buloongo mu Nzubo ya Lesa, kyo Kipwiilo kya Lesa mumi, jooji Paanda ne Jikoonka ja bukiine. ¹⁶ Twaaswa boonse naamba kyafyamika kyabu Lesa kyo kikataampe: " Aye wamwekele mubu Muuntu, walumbulwiilwe mubumupashi, bamumweene kuuba Malaika, wasapwiijiilwe mu Mikoka, waitabilwe pano pa Ntaanda, kabiji watambwiilwe Mwiulu mu Lukumo."